Wikisource

Святое Евангелие (эрзянь)/В/Иоаннонь/00

< Святое Евангелие (эрзянь) | В | Иоаннонь
←
Лукань сёрмадовт Евангелія.
Святое Евангеліе (1910)
Іоаннонь сёрмадовт Евангелія, весе глават.
Святое Евангеліе.
→
[ 225 ]

Іоаннонь Сёрмадовт Евангелія.

1 Глава.

1Васнят ульнесь Вал, Валсь-как ульнесь Пазонть эйсэ да Валсь-как ульнесь Паз. 2Сон ульнесь васнят-как Пазонть эйсэ. 3Мезть улить, весе Сонзэ кувалт ульсть, Соньтемензэ мезе-як эзь ульть. 4Сонзэ эйсэ ульнесь эрямо; се эрямось ломатьненень валдокс ульнесь. 5Валдось чопуда таркасо-як валдолды, чопудасьтень-гак сон эзь саевть[1]. 6Ульнесь Пазонть пельде кучозь ломань, лемзэ сонзэ Іоанн. 7Сон сась валдодонть кортамо свидѣтелькс, штобу сонзэ трокс весе кемевельть. 8Сон сонсь аволь валдось ульнесь, сон аньсяк валдодонть кортамо кучозель. 9Ульнесь виде Валдо, Коната эрьва мастор лаҥгс шачицянть эйсэ валдомгафты. 10Сон ульнесь мастор лаҥгсо, масторсь-как Сонзэ кувалт кармась ульме, да мастор лаҥгось Сонзэ эзизе сода. 11Сась сонсинзэтненень да сонсинзэтне-як Сонзэ эзизь примак. 12А конататьне примизь Сонзэ, да кемсть Сонзэ лемезэнзэ, сетненень максь оля Пазонь цёракс улемс. 13Сетьне[2] аволь киськестэ-як, аволь цёрань пельде-як, а [ 226 ]Пазонь пельде шачсть. 14Валсь-как киськекс теевезь, да Пазонь виде чиде да пародо пешксе улезь, эрясь минек маро. Минь неинек Сонзэ (паро) славазо, кода Тетястонзо вейкинекс шачозенть славанзо. 15Іоанн Сондедензэ ёвтлезь, сергелезь кортась: те ульнесь Севате, Конатадо мон меринь: мельган Сыцясь мондедень икеле ульсь, ведь Сон моньдень икеле ульнесь. 16Сонзэ пешксе чидензэ минь благодать лаҥгс благодать саинек. 17Ведь законсь максозь Моисеень вельде, а благодатьсь да виде чись Іисус Христозонь пельде ульсьть.

18Пазонть кі-як эзизе нейть знярды-як. Вейкине шачовт Цёрась, Кона яла Тетянть марто, Сон содавтызе. 19Вана Іоаннонь кортамозо, кода Іудейтьне кучсть Іерусалимстэ священникть да діаконт сонзэ кевстеме: кіят тон? 20Сон ёвтась, видьстэ ёвтась: мон аволь Христозан. 21Кевстизь сонзэ: мезеят ино? Иліяят тон? Сон мерьсь: аволь. Пророкат? сон мерьсь: арась. 22Мерьсть тензэ: кі-ят ино тон? (кода) тенек ёвтамс кучицянок туртов: мезть тон ёвтат тоньсить эздэть? 23Сон мерьсь: мон чаво таркасо сеерицянь вальгеян: витиҥк Пазостень киньть, кода мерьсь Исаія пророк. 24Не кучозетьне ульнесть фарисейтнень эйстэ; 25сынь кевстизь Сонзэ, мерезь: мейсь ино тон лемдят? коли тонсь аволь Христозат, аволь Иліяят да аволь пророкат-как? 26Іоанн каршост мерьсь: мон лемдян ведьсэ, а ютксоҥк ащи, Конань тынь а содасыҥк, 27Се монь мельга сыцясь, да кона моньдедень икеле ульсь. Мон айаштян Сонзэ кемстэ [ 227 ]кшнань укстицякс-как. 28Те (кортамось) ульнесь Вифаварасо, Іордан чиресэ, косо лемдьсь Іоанн.

29Омбоце чистэнть неизе Іоанн Іисусонь тензэ самсто да мерьсь: вана Пазонь Реве левксэсь, Кона сайсазо эсь лаҥгозонзо мастор лаҥгонь пежетьсть. 30Те Севатесь, Конатадо мон меринь: мельган сы Ломань, Коната моньдедень икеле ульсь: ведь Сон мондень икеле ульнесь. 31Мон а содылія Сонзэ; аньсяк израильтненень невтиманзо кис мон сынь ведьсэ лемдеме. 32Іоанн таго, кортазь, мерьсь: мон неія Духсть, кона гулькакс менельстэ валгсь да Сонзэ вельксэзэнзэ лоткась. 33Мон а содылія Сонзэ, а монь ведьсэ лемдеме Кучицясь мерьсь тень: Ки лаҥгс нейсак Духсть валгомодо да вельксэзэнзэ лоткамодо, Се ули Святой Духсо Лемдицясь. 34Мон неія да кортынь: те Пазоньть Цёразо.

35Омбоце чистэ таго ащесь Іоанн; маронзо ульнесьть кавто тонавтницянзо. 36Іисусонь самодо неезь, мерьсь: вана Пазонть Ревелевксэзэ. 37Тень сонзэ пельде марязь, кавонест тонавтницянзо тусьть Іисусонь мельга. 38Іисус, велявтозь, неинзе сынст мольмеде, да мери тенст: мезе теҥк эряви? Сынь мерьсть Тензэ: равви! (ліякс меремс — тонавтыця) косо эрят? 39Сон мерьсь тенст: моледе, нейсыҥк. Сынь мольсть да неизь, косо Сон эри да ащесть кедьсэнзэ чинь чоп. (Шкась) ульнесь кеменьшка час. 40Не кавтотьнень эйстэ, конат Іоаннонь пельде марясть да тусть мельганзо, вейкесь ульнесь Симон-Петрань братозо, Андрей. 41Сон васнят-как муизе эсь братонзо Симононь да мери тензэ: минь муинек Мессіянть, Конатадо ліякс меремс Христос; [ 228 ] 42да ветизе сонзэ Іисуснэнь. Іисус, лаҥгозонзо вачтазь, мерьсь: тон Іонань цёразоят Симон, тонеть лем путыть Кифа, ліякс меремс кев (Петр).

43Омбоце чистэнть Іисус мелензэ сайсь Галилеяв мольмекс; муизе Филиппень да мери тензэ: мольть Монь мельган. 44Филип ульнесь Вифсаидасто, Андреень да Петрань марто ве ошсто. 45Филипп муизе Нафанаилэнь да мери тензэ: минь муинек Сень, Конадо сёрмадсь Моисей законсо да пророкнэ-як, — Іосифень цёранзо Іисусонь Назаретстэ. 46Нафанаил мерьсь тензэ: Назаретстэ ара лисеви мень-гак паро? Филипп мери тензэ: азё, ванык. 47Іисус, Нафанаилэнь Сонензэ молемстэ неезь, мери эстэдензэ: вана виде Израилень ломаньсь, конань эйсэ арась кичкерькс. 48Нафанаил мери Тензэ: Тон кода монь содасамак? Іисус мерьсь каршозонзо: Филиппень тонт терьдимадот икеле, кода тон ульнить смоковниця ало, Мон неитень тоньть. 49Нафанаил каршонзо мери Тензэ: Тонавтыця! Тон Пазонть Цёразоят, Тон Израильтнень Инязорост. 50Іисус мерьсь каршонзо: Тон кемить Монень секс, мейс Мон меринь теньть: Мон неитинь тонть смоковниця алдо, теде ламо неят. 51Мейле мерьсь тензэ: видестэ кортан теҥк: теде мейле нейсыҥк менельсть панжовозь, да Ломанень Цёранть велькснэ кузницят, валгоницят ангелтнэнь.

  1. ↑ Эзь изьнявт.
  2. ↑ Пазонь цёратьне.
 

Глава 2.

1Колмоце чистэнть Кана лемсэ Галилеень ошнэ ульнесь свадьба. Іисусонь авазо-як ульнесь тосо. 2Ульнесь истяжо свадьбастень терьдезь Іисус-как да [ 229 ]тонавтницянзо-як. 3Кода эзь кармак сатомо винаст, Іисусоньть авазо мери Тензэ: сынст винаст арась. 4Іисус мери тензэ: мезень сесэ тевсь Монь да тонть, авай? эзь сак ощо Монь шкам. 5Авазо мерьсь уретьненень: мезе теҥк мери, тееде. 6Ульнесть сесэ кото кевень ведень кантлимат, конат ащильть сесэ Іудейтьнень шлякшнумань коест кис, — эрь вейкесь кавто-колмо ведрань кельгимашкаль. 7Іисус мерьсь тенст: пештиҥк ведень кантлиматьнень ведьте. Сынь пештизь сынст пряс. 8Сон мери тенст: ней амольдядо да кандодо свадьбань покшосьтень. Сынь кандсть. 9Кода свадьбань покшось вачизе ведьстэ теевезь винанть, сон эзь сода, косто сон, — теде содасть аньсяк ведень пештицят уретьне, — терьдизе содамонть 10да мери тензэ: эрьва ломань васнят максни паро вина, а кода иредить, сестэ седе берянь, а тон паро винанть те шкас ванстык. 11Истя Іисус Галилеень Кана ошнэ, васенце чуданть теезь, невтизе Эсь покш чинзэ да тонавтницянзо кемсть Эзэзэнзэ.

12Теде мейле Сон мольсь Капернаумс, Сонсь, Авазо, братонзо да тонавтницянзо-як; да аламо чить тоск эрясть. 13Малав пачколиль Іудейтьнень Инечист. Іисус сась Іерусалимев 14да мусь церькувасонть ревень, букань, гулькань микшницят, да озадо ащицят ярмаконь полавтницят-как. 15Тейсь пиксэнь чавма пель да весемень панинзе церькувастонть, истяжо реветьнень-гак, букатьнень-гак, ярмаконь полавтыцятнень-гак ярмакост сравтлиньзе да столест-как сявортлиньзе; 16да мерьсь гулькань микшницятьненень: саиҥк тень [ 230 ]тестэ, да Монь Тетянь кудонть илиҥк тейне микшнима-рамсима кудокс. 17Сестэ тонавтницянзо мельс ледьсь, кода сёрмадозь: Тонть кудонь жалямось сэви[1] Эйсэнь. 18Тень каршо Іудейтьне мерьсть Тензэ: кодамо тевсэ невтьсак тенек, што Тонть истя тейемс олят ули? 19Іисус тень каршо мерьсь тенст: калафтыҥк те церкуваньть, Мон колмо чис мекев тейса сонзэ. 20Іудейтьне мерьсть Тензэ: те церькувасонть ниленьгемень кото іеть тейсть, Тонеть-ли тееви сон колмо чис? 21А Сон эсь киськензэ церькувадонть кортась. 22Кода Сон кулозьстэ вельмесь, тонавтницянзо мельс ледьсь теде кортамось, да кемсть Писаніясьтень, да Іисусонь ёвтазь валтнэнень. 23Кода Сон ульнесь Іерусалимсэ Инечинь праздникстэ, ламо ломать, Сонзэ теезь чудатьнень неезь, кемсть Тензэ. 24А сонсь Іисус эзь кемкшне лаҥгозост: ведь Сон весемень содылиньзе: 25Сонензэ эзь эрявть ломатьнеде ёвтниця: Сонсь содась, мезе ломаньсэ ули.

  1. ↑ косьти — машты.
 

Глава 3.

1Ульнесь фарисейтнень ютксо Никодим лемсэ ломань. Сон Іудеень начальникель. 2Сась сон веть Іисуснэнь да мерьсь Тензэ: Тонавтыця! минь содатанок, Тон Пазонь пельде сазь Тонавтыцяят: истят ведь чудатьне, конат Тон тейнят, кинень-гак а теевить, а улиньдеряй маронзо Пазось. 3Іисус тень каршо мерьсь тензэ: видестэ, видестэ кортан [ 231 ]тенть: ки а шачи верьде, сенень Пазонь инязорокс чись а нееви. 4Никодим мерьсь Тензэ: кода ломань, сыре улезь, шачови? ара сон омбоцеде совави аванзо потс да шачови? 5Іисус мерьсь: видестэ, видестэ мерян тенть: кона а шачи ведьстэ да Духсто, — Пазонь инязорокс чис а совави. 6Киськестэ шачозесь — киське, а Духсто шачозесь дух. 7Иля дива месть ёвтынь тенть: эряви теҥк шачомс верьде. 8Духсь лекси, косо мельзэ, марясак сонзэ вайгелензэ, да а содасак, косто сы сон да ков туи: истяжо ули Духонь пельде эрьва шачозесть марто-як. 9Никодим мерьсь Тензэ тень каршо: кода те истя ули? 10Іисус каршонзо мерьсь: тон Израилень тонавтыцяят, тень-ли аздасак? 11Видестэ, видестэ, кортан тенть: минь кортатанок седе, мезеньть содасынек, ёвтнитяно-как седе, мезе неинек, а тынь минек ёвтлимастень а кемдядо. 12Мон ёвтынь теҥк мастор лаҥгонь тевде, да тынь а кемдядо, — кода ино кемдядо, ёвтыньдерян теҥк менелень тевде?

13Менельс кі-як эзь кузне, аньсяк менельстэ валгозь Ломанень Цёрась, кона (яла) менельсэ. 14Кода Моисей чаво паксясо гуенть кепедизе, истя эряви кепедевмекс Ломанень Цёрастень-гак, 15штобу Сонензэ ве кемицясь-как аволь ёма, а улевель бу тензэ пиҥгень-пиҥгс эрямо.

16Ведь истя вечкизе Пазось масторонть, максызе мик вейкине шачозь Цёранзо, штобу ве кемицясь-как Сонзэ эйс аволь ёмак, а улевель-бу тензэ пиҥгень-пиҥгс эрямо. 17Ведь Пазось эзизе кучт эсь Цёранзо мастор лаҥгс мастор лаҥготь судямо, а Сонзэ [ 232 ]кувалма вановоль-бу весе мастор лаҥгось. 18Сонзэ эйс кемицясь а ули судязь, а а кемицясь судязь уж, мейсь сон эзь кемть Пазонть шачовт вейкине Цёранзо лемс. 19Те судсь вана мезень кувалма: мастор лаҥгс сась валдо, а ломатьне валдодонть пек чопуданть вечкизь: сынст тевест ведь апарт ульнесть. 20Ведь эрьва апаронь теицясь а вечки валдо, да валдосьтень а сакшны-як, кода-як авольть неявт-бу тевензэ, ведь сынь апарт. 21Видьстэ теицясь моли валдосьтень, штобу тевензэ неявост, ведь сынь Паз лемсэ теезь.

22Теде мейле сась Іисус тонавтницянзо маро еврейтьнень масторс, эрясь тосо марост да лемдьсь (эснэст). 23А Іоанн лемдьсь Салим маласо, Енонсо: тосо ведесь ламо ульнесь; сакшность тозо да лемдьсть пряст. 24Ведь Іоанн апак озавтоль ощо тюрьмас. 25Іоаннонь тонавтницятьне пелькстазевсть Іудейтьне маро ванськавтумань коест кувалма. 26Састь сынь Іоаннэнь да мерьсть тензэ: тонавтыця! Кода ульнесь мартот Іордан чиресэ, да Конадо тон кортыть, вана Сон-гак лемди, да весе Сонензэ молить. 27Каршост Іоанн мерьсь: ломань мезе-як эсь пельдензэ а тееви, а улиньдеряй тензэ максозь менельстэ. 28Тынь тынсь свидетельттядо, кода мон ёвтынь: мон аволь Христозан, кучозян аньсяк Сондензэ икеле. 29Конань ули чіязь одирьвазо се содамо, а содамонть ялгазо вакснэнзэ, эйсэнзэ кулцонозь, эрьгелезь эрьгели содамонть вальгеезэнзэ; те эрьгелимась ней монень сась. 30Сонензэ эряви касомс, а монень вишкиньгадомс. 31Верьде сыцясь весемеде вере, а мастор лаҥгонзесь [ 233 ]масторонь эри, да корты-як сон мастор лаҥгодо; менельстэ сыцясь весемеде вере. 32Мезе Сон нейсь да мезе марясь, седе корты-як да кортамозонзо кі-як а кеми. 33Сонзэ кортамостень кемицясь Пазонть виде чинзэ невти. 34Ведь Севате, Конань кучизе Пазось, Пазонь валт корты: ведь Пазось аволь оҥкснэ Духонть максы. 35Тетясь вечксазо Цёранзо, да весе максыньзе Сонзэ кедьс. 36Цёрастень кемицянть пиҥгень пиҥгс эрямозо ули, а Цёрастень а кемицясь а неи эрямо: Пазонь кежэзэ сонзэ лаҥгсо ащи.

 

Глава 4.

1Кода Іисус содась фарисейтнень марямодост, што Сон Іоанндо ламо тонавтницят пурны да лемди, 2коть Сонсь Іисус эзь лемдьть, а лемдясть аньцяк тонавтницянзо, — 3кадызе Іудеень масторонть да таго тусь Галилеяс. 4Эрявсь Сонензэ ютамс Самаріянь трокс. 5Сась Сон Самаріянь Сихарь лемсэ ошос, кона ульнесь се тарканть маласо, конань Іаков максызе эсь цёранстэнь, Іосифнень. 6Сесэ ульнесь Іаковонь лисьмазо. Іисус, кіява молемстэ сизезь, озась лисьманть вакс. Ульнесь котошка час. 7Сась Самаріясто ава ведень амольдямо. Іисус мерьсь тензэ: тука Монень симемс. 8Тонавтницянзо туекшнесть ошосьтень ярцамо пелень рамамо. 9Самаріянь авась мери Тензэ: кода тон, Іудей улезь, монь, Самаріянь авань, кедьстэ симемс вешат? Іудейтьне ведь самарянтнэ марто а човоргалить. 10Тень каршо Іисус мерьсь тензэ: содавлеть-как тон Пазонь паронть, да Ки тенть мери: тука [ 234 ]тень симемс, — тонсь-бу кедьстензэ вешевлеть да Сон максоволь-бу тенть живой ведь. 11Авась мери Тензэ: ломань, теньть а месьне амольдямс-как, а лисьмась сэрей, косто сайсак живой ведьсть? 12ара Тон минек Іаков тетядонок-как покшат, кона максызе тенек те лисьманть, конайстэ сонсь симсь, цёранзо-як, да кильдемензэ-як?[1] 13Іисус мерьсь тензэ: эрьва те ведьтенть симицянть таго симезэ сы, 14а кона сими се ведьтенть, конань Мон максса тензэ, сень знярдо-як симезэ а сы: ведь ведьсь, конань Мон максса тензэ, тееви эйсэнзэ пиҥгень-пиҥгс эрямостень чудиця лисьма прякс. 15Авась мери Тензэ: ломань! тука монень се ведьтенть, штобу илязо сакшно монь симем, да аволинь сакшно тезэ ведень амолямо. 16Іисус мери тензэ: азё терьдик мирьдеть да сак тезэ. 17Авась тень каршо мерьсь Тензэ: монь арась мирьдем. Іисус мери тензэ: видстэ мерить, — арась мирьдеть: 18тонть вете ульнесть мирьдеть, а ней кона маро эрят, аволь мирьде тенть; тень тон видстэ ёвтык. 19Авась мери Тензэ: ломань! мон нейса, — тон пророкат. 20Минек тетидиник те пандонть прясо ознокшносьть, а тынь мерьдядо: се таркась, косо эряви озномс, Іерусалимсэ. 21Іисус мери Тензэ: кемть Тень: сы шка, знярдо аволь те пандонть прясо-як да аволь Іерусалимсэ-як карматадо Тетясьтень ознокшномо. 22Тынь а содатадо, мезьнень сюкунякшнутадо, а минь содатанок, мезьнень сюкунякшнутанок: ведь идимась [ 235 ]Іудейтьнень эйстэ. 23Вана сы шка, да сась уж, знярдо виде сюкунякшныцятьне кармить сюкунякшномо Тетясьтень оймесэст да виде-чисэст: ведь истят сюкунякшныцятьнень Тетясь вешни Эстензэ. 24Пазось ведь Дух, — секс сюкунякшныцятне-як Тензэ сюкунякшност оймесэ да виде-чисэ. 25Авась мери Тензэ: содаса, сы Мессія, конадо мерить Христос; знярдо Сон сы, весемес тонавцамизь. 26Іисус мери Тензэ: Те мон, тонть марто кортыцясь. 27Се шкане састь Сонзэ тонавтницянзо да дивасть, што Сон ава маро корты, аньсяк конаст-как эзь мерь: месть Тон вешнят, или месть маронзо кортнят? 28Авась кадызе ведень кандома кедьгензэ да тусь ошосьтень да мери ломатьненень: 29Азёдо, ваныҥк Ломаненть, Кона весемень ёвтлиньзе монень, месть мон теинь, — аволь Сон-ли Христозось? 30Сынь листь ошостоньть да тусьть Сонензэ. 31Се шкане тонавтницянзо кортасьть Тензэ, мерезь: Тонавтыця! ярцак. 32Сон мерьсь тенст: Монь ули ярцамом, конадо тынь а содатадо. 33Тень кувалма тонавтницянзо эсь ютковаст кортасть: ара кі-як кандсь Тензэ ярцамс? 34Іисус мери тенст: Монь ярцамо пелем се, теемс-бу Монь Кучицянть олянзо да прядомс тевензэ. 35А кортатадо-ли тынь: ощо ниле ковт да сы нуйма лаҥго? А Мон мерян теҥк: кепедиҥк сельмеҥк да вачтадо (видезь) паксятнень лаҥгс, кода сынь ашолгадьсть да нуемс кенерьсть. 36Нуицясь лезэ неи да видсть пурны пиҥгень-пиҥгс эрямос; истянянь вейсэ эрьгелить — видицясь-как да нуицясь-как. 37Тень кувалма виде ёфтамось: вейке види, а омбоцесь нуи. 38Мон кучидизь тыҥк сень нуеме, [ 236 ]кона лаҥгсо тынь эзиде трудя; ліятне трудясть, а тынь совиде сынст трудазост. 39Ламо Самарянт се ошостонть аванть ёвтлиманзо кувалма кемсть Тензэ, кона кортась: Сон весе тень ёвтлиньзе, мезе мон теинь. 40Секс кода састь Тензэ самарянтнэ, инялдсть Тензэ, кадоволь-бу Сон сынст пелест. Сон эрясь тосо кавто чить. 41Сестэ седе-як ламо кемсть Сонзэ валонзо кувалма. 42А се авастень кортасть: ней аволь уж тонть ёвтлимат кувалт кемдянок: минсь маринек да содасынек, што Сон мастор-лаҥготь Идицясь, Христозось. 43Кавто чинь ютазь, Сон лись тосто да тусь Галилеяс. 44Ведь Сонсь Іисусось кортась, што пророк эсь масторсонзо шназь а эри. 45Кода Сон сась Галилеяс, Галилеень эритьне примизь Сонзэ: сынь ведь неизь весемень, мезть Сон тейсь Іерусалимсэ, сынь-гак ведь якасть праздникстень.

46Истя Іисус таго сась Галилеень Кана лемсэ ошостень, косо Сон веденть винакс теизе. Капернаумсо ульнесь вейке инязоронь кедьсэ служиця ломань, конатань цёразо сэредсь. 47Сон, кода марясь, што Іисус Іудеясто Галилеяс сась, мольсь Тензэ да инялдсь, молевель-бу Сон сонензэ да шумбралгавтовлессе сонзэ цёранзо, кона кулома лаҥгсоль. 48Іисус мерьсь тензэ: тынь а нейдядодеряй покшт тевт да чудат, а кемдядо. 49Инязоронь кедьсэ служицясь мери Тензэ: Тонавтыця! мольть, знярс эзь кулок монь эйкакшом. 50Іисус мери тензэ: азё, тонть цёрат шумбра. Ломансь кемсь Іисусонь ёвтазь валстень да тусь. 51Ки лаҥгсо вастызь сонзэ важонзо да мерьсть: тонть цёрат [ 237 ]пичкась. 52Сон кевстиньзе сынст: кона частонть сонензэ шождыне теевсь? Сынь мерьсть: исяк сисемеце частонть псись кадызе сонзэ. 53Тенейстэ тетясь содась, што те ульнесь се часостоньть, конайстэ Іисус мерьсь тензэ: тонть цёрат пичкась. Теде мейле сон сонсь кемсь да весе кудосонзо ломатьне-як. 54Те омбоце чуда тейсь Іисус, кода сась Іудеясто Галилеяс.

  1. ↑ скотинанзо-як.
 

Глава 5.

1Теде мейле ульнесь Іудейтьнень праздникест; Іисус сась Іерусалимс. 2Іерусалимсэ ули ревень ортатьнень вакснэ экшелямо тарка, конадо еврейкс мерить Вифезда. Сень вакснэ ульнесть вете вельтязь латот; 3сынст эйсэ ащесть мадезь ламо сэредицят, сокорт, хромойть, коськезь ломать, сынь учость веденть човоргадмонзо: 4шкань-шкань Пазонть ангелэзэ валгониль се экшелямо таркасьтень да ведьсть човорильсе; ки ведьсть човорямодонзо мейле васьня валгиль, се, кодамо ормасо а сэредиль, — пичкиль. 5Сесэ ульнесь колоньгемень кавксо іеть сэредиця ломань. 6Іисус, сонзэ мадезь ащемстэ неезь, да ламо іень сэредьмадонзо содазь, мери тензэ: ули-ли мелеть пичкамс? 7Сэредицясь мерьсь каршонзо: да, Господи! аньсяк арась ломанем, кона валтавлемем-бу экшелямо таркасьтень, знярдо ведьсь човоргады, а знярдо мон сан, лія уж моньдень икеле валги. 8Іисус мери тензэ: стяк, саить ацамот да якак. 9Сон сеск пичкась, саиньзе ацамонзо да тусь. Се чись ульнесь субута, 10секс Іудейтьне кортлесть пичказесьтень: течи субута, [ 238 ]а эряви кантлемс ацамот. 11Сон мерьсь каршост: Ки монь шумбракс теимем, Се тень мерьсь: саить ацамот да якак. 12Сонзэ кевстизь: ки се ломаньсь, кона мерьсь теньть: саить ацамот да якак? 13Шумбракс теевезесь эзь сода, ки Сон: ведь Іисус, сесэ улезь ломатьнень юткс човоргадозь, эзь неявт. 14Мейле Іисус вастызе сонзэ церькувасо да мерьсь тензэ: вана тон шумбралгадыть, таго иля сова пежетьс — седе-як берянь тенть аволь ульть-бу. 15Се ломансь мольсь да ёвтась Іудейтьненень: кона монь шумбралгавтымем, лемзэ Іисус. 16Іудейтьне кармасть паньцеме Іисусонь, да вешнесть Сонзэ маштомс, мейсь Сон истя теи субута чине.

17Іисус кортась тенст: Монь Тетям те шкас теи, Мон-гак теян. 18Тень кувалма іудейтьне седе-як пек вешнесть Эйсэнзэ маштомс: Сон аволь аньсяк субутанть колы, а Пазонть-как Эсьтензэ Тетякс путли, Эсь прянзо Паз маро вейкетькс тейни. 19Тень каршо Іисус мерьсь тенст: видестэ, видестэ кортан теҥк: Цёрась мезе-як эсь пельдензэ а тееви, а нейсазодеряй Тетянзо тейместэ: ведь мезе теи Тетясь, сень Цёрась-как теи. 20Ведь Тетясь вечксазо Цёранзо, да весе, мезть Сонсь тейни, невтнесыньзе Тензэ, да нетьнеде-як ламо невти Тензэ тевть, тынь-гак мик диватадо. 21Ведь кода Тетясь кулозьтнень вельмевтлесыньзе да эрямо максли тенст, истя Цёрась-как, кинень мельзэ ули, эрямо максли. 22Ведь Тетясь кинь-гак а суди, а весе судямонть Цёрастень максызе: 23весе Цёранть мелензэ вановольть-бу, кода ваныть Тетянть мелензэ. Ведь ки а ваны Цёранть мелензэ, се Сонзэ [ 239 ]кучиця Тетянть мелензэ-як а ваны.

24Видестэ, видестэ кортан теҥк: ки кулцоны Монь валсон да кеми Монь Кучицясьтень, сень ули пиҥгень-пиҥгс эрямозо, сон судс-как а сы, куломстонть эрямос моли. 25Видестэ, видестэ кортан теҥк: сы шка, да сась уж, кода кулозьтьне марясызь Пазонь Цёранть вальгеензэ, да марязь, вельмить. 26Ведь кода Тетянть Эсь Эйсэнзэ ули эрямо, истя Цёрасьтень-гак максь Эсь Эйзэнзэ эрямо. 27Максь Тензэ судямс-как оля: ведь Сон Ломанень Цёра. 28Илядо дива тенень: ведь сакшны шка, конайстэ весе калмсо улицятьне марясызь Пазонь Цёранть вальгеензэ, 29да лисить паронь теицятьне эрямонь вельмимас, а апаронь теицятьне — судямонь вельмимас.

30Мон Эсь пельдень мезе-як а теиван. Кода марян, истя судян, да Монь судямом виде: ведь Мон а вешнян Эсь олям, а Монь кучиця Тетянть олянзо. 31Ёвтляндеряй Мон Эсь лаҥган, Монь ёвтлимам аволь виде. 32Ули ліята Эздэнь кортыця; Мон содаса — видеть сетьне кортамотьне, конатнень сон Монь Эздэнь корты. 33Тынь кучлиде Іоаннэнь, да сон-гак кортась виде чиденть. 34Монень а эрявить ломанень Эздэнь кортамотьне, а нень кортан теҥк секс, штобу тынь ванозь улевледе. 35Сон[1] ульнесь палыця да валдонь невтиця свеча; тыҥк ульнесь мелеҥк аламо шкас эрьгелемс сонзэ валдосонзо. 36Монь Эздэнь Іоаннонь ёвтьниматьнеде-як ламо улить ёвтницят: ведь [ 240 ]тевтне, конатьнень Тетям Монень максынзе теемс, не самой Монь тейма тевтне, ёвтлить Монь Эздэнь, што Монь Тетям кучимим; 37да Монь кучиця Тетясь Сонсь-как ёвтнесь Монь Эздэнь. А тынь Сонзэ вальгеензэ як знярды-як эзиҥк марьсек да чаманзо-як эзиҥк некшнек, 38да валзо-як тыҥк эйсэ ащиця арась, ведь тынь а кемдядо Сенень, Конань Сон кучизе. 39Ваныҥк парынестэ Писаніятьнень: ведь тынь арситядо сынст кувалма пиҥгень-пиҥгс эрямосонть ульмекс, а сынь Моньдедень ёвтьнить, 40а тыҥк арась мелеҥк Монень самс, штобу пиҥгень-пиҥгс эрямосонть улемс. 41Мон а приман ломань пельде шнамо: 42Мон содатадызь тыҥк, — тыҥк эйсэ арась Пазонть вечкима. 43Мон сынь Тетянь лемсэ, а тынь а приматадо Эснэнь; а лія сыньдеряй эсь лемсэнзэ, сень примасыҥк. 44Кода тынь кемивдядо, коли вейкеҥк-вейкеҥк эйстэ шнамо приматадо, а шнамосонть, кона ве Пазоньть эйстэ, а вешнитядо? 45Илядо арсек, што Мон карман эснэҥк чумондомо Тетянь икеле: ули тыҥк чумондыцяҥк Моисей, кона лаҥгс тынь кемдядо. 46Ведь кемевледедеряй тынь Моисейнень, Монень-гак кемевледе ведь Моисей, сёрмадсь Моньдедень. 47А кемьдядодеряй сонзэ сёрмадовкснэнень, — кода кемдядо Монь валтнэнень?

  1. ↑ Іоанн Креститель.
 

Глава 6.

1Теде мейле тусь Іисус Галилеянь морянть омбоце пелев, Тиверіадас. 2Мельганзо мольсь ламо народ: сынь неизь чудатьнень, конатьнень Сон сэредицятьнень лаҥгсо теиньзе. 3Іисус куйсь пандо [ 241 ]пряс да тосо аштесь озадо тонавтницянзо маро. 4Маласоль іудейтьнень праздникест Инечись.

5Іисус, сельмензэ кепедезь, неизе, кода ламо народсь сы Тензэ, да мери Филипнень: косто тенек рамамс сынст андомс кшеть? 6Истя Сон кортась Филипнень, сонзэ снартумань кис: ведь Сон содась, мезель мельзэ теемс. 7Филипп мерьсь каршонзо: сынест кавт сядт динаріянь питьне-як аламо ули кшесь, штобы эрь вейкенень хоть аламонь-аламонь сатоволь. 8Вейке тонавтницянзо ютксто Симон-Петрань братозо Андрей мери Тензэ: 9тесэ ули ве цёрыне, конань улить вете шужонь кшензэ да кавто калонзо, аньсяк неть мезе зняронень? 10Іисус мерьсь: мереде тенст ойсемеде. Се таркасость ульнесь покш тикше. Истя ойсесть вете тыстяшка ломань. 11Іисус кшетьнень саезь, да Пазонть шназь, явшиньзе тонавтницянстэнь, а тонавтницятьне озадотьненень; истя жо калтнэнь-гак, конань зняро мельзэль. 12Кода сынь пешкедсть, мерьсь Эсь тонавтницянстэнь: пурныҥк кадовозь сускомотьнень, мезе-як илязо ёма. 13Пурнасть да пештясть кемгавтово кептере сускомотьнеде, конат кадовсть вете шужонь кшетьнень эйстэ ярсыцятьнеде мейле.

14Ломатьне, те Іисусонь теезь чуданть неезь, кортасть: те алкукс се Пророксь, Конанень эряви мастор лаҥгс самс. 15Іисус, кода содась, што сынь арсить само да Сонзэ саймензэ да инязорокс теймензэ, таго тусь пандо пряв ськамонзо. 16Кода чоподсь, тонавтницянзо валгсть морянть чирес 17да, венчес озазь, тусть морянть омбоце пелев, Капернаумс. [ 242 ]Кармась чопулгадмо, а Іисус ощо эзь сак ваксозост. 18Пувась віев варма, морясь-как бушувась. 19Кода сынь уйсть комсь ветеешка, эли колоньгеменьшка стадія,[1] неизь Іисусонь моря лаҥга ютамсто да венчесть малас пачкодьместэ, да тандадсть. 20А Сон мерьсь тенст: те Мон, илядо пель. 21Сынь арсесть Сонзэ озавтомс венчесьтень, да венчесь сеск пачкодсь се масторостень, козо сынь уйсть. 22Омбоце чистэ народсь, кона ащесь моряньть омбоце пеле, неизе, что се венчтенть башка, конайс озасть Сонзэ тонавтницянзо, лія арасель, Іисус тонавтницянзо маро венчестень эзь ойсек, а тонавтницянзо тусть ськамост. 23Се шкане састь Тиверіадасто ліят венчть се таркасть малав, косо ярсасть Пазонь баславазь кшеде. 24Кода ломатьне неизь, што тосо арасьть, а Іисус, а тонавтницянзо, озасть венчьненень да уйсть, Іисусонь вешнезь, Капернаумс. 25Кода муизь Сонзэ морянть омбоце пельде, мерьсть Тензэ: Тонавтыця! знярдо Тон тезэ сыть? 26Тень каршо Іисус мерьсь тенст: видестэ кортан теҥк: тынь вешнитядо Монь эйсэ аволь секс, што чуда неиде, а секс, што ярсыде кшеде да пешкедиде.

27Правтодо тынь аволь наксадыця ярсамонть мельга, а се ярцамонть мельга, кона ащи пиҥгень-пиҥгс, конатань макссазо теҥк Ломанень Цёрась. Ведь Сонзэ лаҥгс путызе Тетя Пазось Эсь чешксэнзэ. 28Сынь мерьсть Тензэ: мезть тенек теймекс, штобу Пазонь тевть теемс? 29Тень каршо Іисус [ 243 ]мерьсь тенст: вана Пазонь тевсь: кемевледе-бу весе Сенень, Конань Сон кучизе. 30Те лаҥгс мерьсть Тензэ: кодамо Тон теят тенек чуда, штобу минь неевленек сонзэ да кемевленек? мезе Тон теят? 31Минек тетянок чаво таркасо ярсасть маннадо, кода сёрмадозь: менельстэ кше тенст максь ярсамс (пс. 77, 24). 32Іисус мерьсь тенст: видестэ, видестэ кортан теҥк: аволь Моисей максь теҥк менельстэ кше, а Монь Тетям максы теҥк менельстэ виде кше. 33Ведь Пазонь кшесь се, коната валги менельстэ, да мастор лаҥгостень эрямо максы. 34Те лаҥгс мерьсть Тензэ: Господи, макслек тенек яла се кшеденть.

35Іисус мерьсь тенст: Мон эрямонь кшесь: Монень сыцясь а карми вачоммо, Монень кемицясть знярды-як а сы симезэ, 36Мон теҥк меринь: тынь Монь неимизь да а кемдядо. 37Весе, мезе Тень максы Тетясь, Монень сы. Монень сыцянть а паньца Мон ве ёнов. 38Ведь Мон менельстэ валгинь аволь Эсь мелень тееме, а Монь кучиця Тетяньть мелензэ. 39А Мон кучиця Тетянть мелезэ се, штобу сень эйстэ, мезе Сон максь Тень, мезе-як а ёмавтомс, а весемень вельмевтемс остатка чистэнть.

40Мон кучицянть мелезэ се: штобу эрьва Цёранть неицясь, да Эзэзэнзэ кемицясь эряволь бу пиҥгень-пиҥгс; Мон-гак сонзэ вельмевтса остатка чистэнть. 41Іудейтьне кежіявсть лаҥгозонзо, мейсь Сон мерьсь: Мон менельстэ валгиця кшесь, 42да кортасть: аволь те-ли Іосифень цёра Іисус? конатань содасынек минь тетянзо-як да аванзо-як? кода ино Сон корты: Мон менельстэ валгинь? 43 [ 244 ]Іисус тень каршо мерьсь тенст: илядо кежіявтле эсь ютковаҥк. 44Кі-як Монень а сави, а ветясазодеряй[2] сонзэ Монь кучиця Тетясь; Мон-гак вельмевса сонзэ остатка чистэнть. 45Пророкнэнь эйсэ сёрмадозь: улить весе тонавтозь Пазонь пельде. Эрь вейке, кона мари Тетянь пельде да тонады — Монень сы. 46Те аволь се, штобу Тетянть кі-як неевлессе: Сонзэ кі-як Пазонь пельде сазьденьть башка эзизе нек, Сон (аньсяк) неизе Тетяньть. 47Видестэ, видестэ кортан теҥк: кона Монень кеми, се пиҥгень-пиҥгс эри.

48Мон — эрямонь кшесян: 49тетяҥк ярсасть маннадо чаво таркасо да кулость, 50а менельстэ валгиця кшесь истямо: ки эстэдензэ ярсыньдеряй, — а кулы. 51Мон менельстэ валгозь эрямонь кшесян. Ки те кшеденть ярсыньдеряй, пиҥгень-пиҥгс эрямо карми: кшесь, конань Мон максса, — Монь киськем, конань Мон максса мастор-лаҥгонь эрямонзо кис. 52Сестэ Іудейтьне кармасть пелькстамо эсь ютковаст, мерезь: кода Тензэ максови миненек ярсамс Эсь Киськезэ? 53А Іисус мерьсь тенст: видестэ, видестэ кортан теҥк: а карматадодеряй ярсамо Ломанень Цёранть Киськедензэ, да Сонзэ Верьдензэ симеме, эрямо а ули эснэҥк. 54Монь Киськедень ярсыцясь да Монь Верьдень симицясь — пиҥгень-пиҥгс эрямосо ули; Мон-гак вельмевса сонзэ остатка чистэнть. 55Ведь Монь Киськем — виде ярсамось; Монь Верем — виде симимась.

[ 245 ] 56Монь Киськедень ярсыцясь, да Монь Верьдень симицясь, Монь эйсэ, Мон-гак эснэнзэян. 57Кода Монь кучимим эриця Тетясь, да Мон эрян Сонзэ війсэ, истя Моньдедень ярсыцясь-как карми эрямо Монь війсэ. 58Те самой ули менельстэ валгозь кшесь. Аволь кода тыҥк тетяҥк ярсасть маннадо да кулость; те кшеденть ярсыцясь пиҥгень-пиҥгс карми эрямо. 59Тень Сон кортась синагогасо, Капернаумсо тонавтомсто. 60Ламотьне Сонзэ тонавтницятьнень ютксто, тень марязь, кортасть: кодат стакат валтнэнь корты, ки Сонзэ кулцонови? 61Іисус эсь пачканзо содазь, што тонавтницянзо те лаҥгс пеняцить, мерьсь тенст: те-ли эснэҥк човорязь кирьди? 62Мезе ули ино сестэ, кода тынь нейсыҥк Ломанень Цёранть тов куземстэ, косо Сон васьнят ульнесь? 63Оймесь эрицякс теи, а киськесь мезень-гак лезэ а теи. Валтнэ, конатьнень Мон кортан теҥк, сынь оймесь да эрямось. 64Аньсяк улить тыҥк ютксо конат-конат акемицят. Ведь Іисусось икеле-як содыль, кить акемицятьне, да ки Сонзэ максыцязо. 65Мейле мерьсь: секс Мон кортынь-гак теҥк, што кі-як Монень а сави, а улиньдеряй тензэ максозь Тетянь пельде. 66Теде мейле ламо Сонзэ тонавтницянзо эйстэ тусть Вакстонзо да эсть якак уж мартонзо. 67Сестэ Іисус мерьсь кемгавтовотьненень: тыҥк-как арась-ли мелеҥк туемс? 68Симон Петр мерьсь Тензэ: Господи! кинень миненек туемс? Тоньть улить пиҥгень-пиҥгс эрямонь валот. 69Минь кеминек да содынек, што Тон эриця Пазонть Цёразо Христозосят. 70Іисус мерьсь тенст: аволь кемгавтово-ли Мон кочксинь эстэдеҥк? а [ 246 ]вейкесь юткстоҥк діавол. 71Тень Сон кортась Симононь цёранзо Іуда Искаріотскоень кувалма; ведь сень мельзэль, кемгавтовотьнень ютксо вейкекс улезь, Сонзэ максомс.

  1. ↑ стадія = сядо комсь вете шага.
  2. ↑ а пособлиньдеряй тензэ
 

Глава 7.

1Теде мейле Іисус якась Галилеява. Ведь Сонзэ Іудеява арасель мельзэ якамс: Іудейтьне вешнесть Сонзэ маштомонзо. 2Малав пачколиль Іудейтьнень шалагань тейнима праздникест. 3Братонзо мерьсть Тензэ: лисьть тестэ да тук Іудеяв, штобу тонавтницят-как неевлезь Тонть тейма тевтнень. 4Ведь кі-як истямо арась, кона аволь тейть-бу тевсэнзэ салава, а сонсь вешневель-бу прянзо а содавтомс. Теиньдерят Тон истят тевть, невтик Эсь прят ломатьненень. 5Ведь Сонзэ братонзо-як эсть кемть Тензэ. 6Тень каршо Іисус мерьсь тенст: Монь шкам ощо эзь сак, а тынеҥк эрьва знярдо шка. 7Тынь ломатьненень анеймакс а теевдядо, а Монь сынь анейсамизь: ведь Мон тенст кортан сынст апарт тевдест. 8Тынь азёдо те праздникстень, а Мон а молян те праздникстень: Монь шкам эзь топодть ощо. 9Тень тенст мерезь, кадовсь Галилеяс. 10А кода састь братонзо, сестэ Сон-гак сась праздникстень, аволь неямга, а салава лацо. 11Еврейтьне вешнесть Эснэнзэ праздникстэнть да кортасть: косо Сон? 12Ламо кортамот ульнесьть Эстэдензэ ломатьнень ютксо-як: конат кортасть: Сон паро; а ліят кортасть: арась, Сон аньсяк маньчи ломатьнень. 13Аньсяк, Іудейтьнеде пелезь, кі-як яв эзь корта Эстедензэ.

[ 247 ] 14Праздниксть пелензэ шкане совась Іисус церькувастень да тонавсь. 15Дивасть Іудейтьне, мерезь: кода Сон апак тонавтле содасазо Писаніянть? 16Іисус каршост мерьсь: Монь тонавтумась аволь Моньсинь, а Монь Кучицянть. 17Кинь ули мельзэ Сонзэ олянть теемс, се содасазо: Пазонь пельде те тонавтумась или Мон Эсь пельдень кортан. 18Кортыцясь эсь пельдензэ, эсьтензэ вешни слава, а кона вешни Кучицянзо славанть, се видесь, сень эйсэ аволь виде арась. 19Эзь макст-ли теҥк Моисей закон? аньсяк кі-як тыҥк ютксто законсть кувалт а теи. Мезень кис тынь Монь маштомон вешнитядо? 20Народсь мерьсь каршонзо: аволь шайтян-ли Эйсэть: ки вешни Тоньть маштомот. 21Іисус нень каршо мерьсь тенст: ве тев Мон теинь да весе тынь диватадо. 22Моисей макссь теҥк керявтума (те койсь аньсяк аволь Моисеень пельде, а тетятьнень пельде) да тынь субута чине-як ломаненьть керятадо. 23Моисеень законсть а коламонь кис саиньдеряй ломаньсь субута чине керявтума. Монь лаҥгс мейсь кежіявтлитядо сеньгис, што Мон субута чине весе ломаньсть шумбракс теія. 24Илядо судя лаҥгс ванозь, судядо виде судсо. 25Сестэ конат-конат Іерусалимень эряцятнэде кортасть: Аволь Те-ли, Конань Эснэ маштомс вешнить? 26Вана Сон наяв корты, да мезе-як Тензэ а мерить: эсть содак-ли прявтнэ, што Сон алкукс Христозось? 27Аньсяк минь содасынек Сонзэ, костонь Сон, а знярдо сы Христозось, кі-як а карми содамо, костонь Сон. 28Іисус, церькувасонть тонавтомсто, серьгедезь, мерьсь: тынь Монь содасамизь, содасыҥк [ 248 ]сень-гак, костонян Мон, — Мон эсь пельдень эзинь сак, виде Монь Кучицясь, Конань тынь а здасыҥк. 29Мон содаса Сонзэ, ведь Мон Сонзэ пельде (сынь), Сон Монь кучимем. 30Сестэ сынь вешнесть Сонзэ кундамс, аньсяк кі-як лаҥгозонзо кедь эзь путт: ведь Сонзэ шказо ощо эзь сак. 31Ламо ломатьнень эйстэ кемсть Сонензэ да кортасть: знярдо Христозось сы, ара седе ламо чудат теи, зняро Те тейсь? 32Маризь фарисейтьне Эстэдензэ народсть ютксо истя кортамонть да кучть сынь да архерейтьне-як служительть Сонзэ кундамо. 33А Іисус мерьсь тенст: ощо аволь куватьс кадовсь Тень тыҥк марто улемс; туян Моньсинь Кучицястень. 34Карматадо вешнемень да а муйсамизь; да косо улян Мон, тозо тынь а савдадо. 35Іудейтьне кортасть эсь ютковаст: ков Сонзэ мельзэ молемс, мик минь а муйсынек Сонзэ? арась-ли Сонзэ мельзэ молемс сравтлезь еллитнэнень, еллитнэнь тонавтомо? 36месть не валтнэ, конатьнень Сон ёвтыньзе: карматадо Монь вешнемень да а муйсамизь да косо улян Мон, тозо тынь а савтадо?

37Праздникень остатка покш чистэньть Іисус стясь да, серьгедезь, мерьсь: кинь симезэ сась — сазо Монень да симезэ. 38Ки Монень кеми, сень, кода сёрмадозь Писаніясо, потстонзо живой ведень лейть чудьме кармить. 39Истя Сон ёвтась Духонть кувалма, Кона саймаль Сонензэ кемицятьненень: ведь сынст лаҥгсо арасель ощо Святой Духсь: сестэ ощо Іисус апак шнавтоль. 40Ламо народсть ютксто не валтнэнь марязь, кортасть: те алкукс пророк; 41ліятьне кортасть: те Христос; а [ 249 ]конат-конат кортасть: ара Галилеясто сакшны Христос? 42Апак ёвтак-ли Писаніясонть, што Христозось сы Давидэнь родсто, Вифлеемстэ, косто ульнесь Давид. 43Истя Сонзэ кувалма народсьть ютксо ульнесь пелькстамо. 44Конань-конань сынст ютксто ульнесь мелест Сонзэ кундамс, аньсяк кі-як лаҥгозонзо эзь путт кедь. 45Кода састь архіерейтненень да фарисейтненень служительтьне: сынь мерьсть тенст: мейсь эзиҥк ветяк Сонзэ? 46Служительтне мерьсть каршост: знярдо-як ломань истя эзь кортакшнок, кода Те Ломансь. 47Фарисейтьне мерьсть тенст: аразик тынь-гак манявиде? 48Ара кемсь Тензэ кі-як прявтнэнь да фарисейтнень эйстэ? 49А те народсь, кона азды закон — сюдозь сон. 50Эстэдест, Никодим, кона сакшнось Тензэ веть, мерьсь тенст: 51Ара минек законнок суди ломаньсэ, васнят апак кулцонок сонзэ да апак содак, месть сон теи? 52Тень каршо мерьсть тензэ: тон-гак аволь Галилеястоят-ли? Содык (парьсте) да нейсак, што Галилеясто пророк а сакшны. 53Мейле срадьсть весе кудоваст.

 

Глава 8.

1Іисус тусь Елеононь пандо пряс. 2А валськестэнть таго сась церькувас да весе народсь мольсь Сонензэ. Сон озась да тонавтсь эснэст.

3Ветясть Тензэ книжникне да фарисейтьне ускурявмосто кундазь ава да, кунчка таркас сонзэ аравтозь, 4мерьсть Тензэ: Тонавтыця! те авась саезь ней ускурявмосто. 5Моисей законсо мерьсь истятнэнь кевсэ маштомодо. Тон мезть мерят? [ 250 ] 6Тень сынь кортасть Сонзэ снартумань кис: улевель-бу тенст мезе-як ёвтамс лаҥгозонзо. А Іисус, прянзо комавтозь, лаҥгозост апак вано, сурсонзо сёрматсь моданть лаҥгс. 7Кода сынь пекь кевстлемензэ кармасть, Сон, прянзо кепедезь, мерьсь тенст: ки тыҥк ютксто пежеттеме, се васнят ёртозо сонзэ лаҥгс кев. 8А Сонсь таго, алов комазь, сёрматсь моданть лаҥгс. 9Сынь, тень марязь, да эсь апарт тевдест виздилгадозь, кармасть, сыретьнень эйстэ саезь, вейкень-вейкень туеме. Кадовсь ськамонзо Іисус да куншкас аравтозь авась. 10Іисус, кода прянзо кепедизе, авадонть башка кинь-гак эзь нейть да мерьсь тензэ: ава! косот тонть чумондыцят? кі-як эзиньзеть судяк? 11Авась мерьсь: кі-як, Господи! Іисус мерьсь тензэ: Мон-гак а судятан; азё да икеле пелев пежетс иля совак.

12Іисус таго мерьсь ломатьненень: Мон мастор лаҥгостень валдоян; ки Монь мельга моли, се а карми чопудава якамо: сонзэ эснэ карми ульме эрямонь валдо. 13Фарисейтьне мерьсть Тензэ: Тон Тонсь Эсьтедеть кортат, Тонть кортамот аволь виде. 14Іисус тень каршо мерьсь тенст: Мон Моньсь Эсьтедень кортыньдерян-гак, Монь кортамом виде: ведь Мон содаса, косто сынь да ков молян, а тынь аздасыҥк, косто Мон сынь да ков молян. 15Тынь судятадо киськень кувалт, а Мон кинь-гак а судян. 16Судиньдерян-гак Мон, Монь судямом виде, ведь Мон аволь ськамонан, Мон да Монь кучиця Тетясь-как; 17а ведь тыҥк законсоҥк-как сёрмадозь, што кавт ломанень кортамось виде. 18Мон Монсь [ 251 ]кортан Эсьтедень да Монь кучиця Тетясь-как корты Эстэдень. 19Сестэ мерьсть Тензэ: косо Тонть Тетят? Іисус мерьсь каршост: тынь а содасамизь а Монь, а Тетянь: ведь содавлемезь-гак Монь — содавлеҥк-бу Монь Тетясть-как. 20Не валтнэнь Іисус кортась церькувань ярмаконь кирьдиманть вакснэ, церькувасо тонавтомсто, да кі-як Сонзэ эзизе кундак, ведь Сонзэ шказо ощо эзь сакшнок.

21Іисус таго мерьсь тенст: Мон туян, тынь карматадо Монь вешнемень, да тыньсиҥк пежетеҥк потс кулутадо; ков Мон молян, — тынь тозо а савдадо. 22Іудейтьне кортасть: ара Сон Эсь прянзо маштсазо, истя корты: козо Мон молян, — тынь а савдадо. 23Сон мерьсь тенст: тынь алсетьнень эйстэ, а Мон верьсетьнень эйстэян; тынь те пиҥгеньдядо, а Мон аволь те пиҥгенян. 24Секс Мон меринь-гак теҥк, што тынь эсь пежетеҥк потс кулутадо. Ведь а кемдядодеряй, што те Мон, эсь пежетеҥк потс кулутадо. 25Сестэ мерьсть Тензэ: кіят Тон? Іисус мерьсь тенст: Мон васнят-как улицясь, кода кортынь-гак теҥк. 26Ламо Монь тыҥк эздэҥк кортамом да тыҥк судямом; а Монь кучицясь виде, мезе Мон маринь Сонзэ пельде, сень мастор лаҥгсотьненень-гак кортан. 27Сынь эзизь чаркодть, што Сон Тетядонзо корты тенст. 28Іисус мерьсь тенст: знярдо кепедьсыҥк Ломанень Цёранть, сестэ чарькодьтядо, што те Мон, да мезе-як Эсь пельдень а теян, а кода тонавтымим Монь Тетям, истя кортан. 29Монь кучицясь Монь марон; Тетям а катсамам Монь ськамон: ведь Мон яла теян сень, мезе Сонзэ мельзэ. 30Сонзэ нень [ 252 ]кортамсто ламо комсть Тензэ.

31Сестэ Іисус мерьсь сетьне Іудейтьненень, конат кемсть тензэ: ащитядодеряй Монь валсон, алкукс Монь тонавтницят ульдядо, 32содасыҥк виде чинть, да виде чись тыҥк оляс ливттядызь. 33Каршонзо мерьсть: минь Авраамонь пельденьдянок, да знярды-як кинень-гак эзинек ульне урекс: кода тон кортат: оляс лисьтядо. 34Іисус мерьсь тенст: видестэ, видестэ кортан теҥк: эрьва пежетень теицясь, пежецьть, урезэ. 35Аньсяк уресь а эри кудосонть, а цёрась пиҥгезэнзэ эри. 36Секс Цёрась нолдатадызьдеряй оляс, алкукс олясо ульдядо. 37Содаса, — тынь Авраамонь пельденьдядо, а тынсь вешнитядо Монь маштомон секс, мейсь Монь валом а кельги потмозоҥк. 38Мон кортан сень, мезе неинь Тетянь пельде, а тынь, мезе неиде тетяҥк пельде, сень тейдядо. 39Каршонзо мерьсть: минек тетянок Авраам. Іисус мерьсь тенст: улевледе-як тынь Авраамонь эйкакшт, Авраамонь тевьтнень теевледе. 40А ней вешнитядо Монь маштомон, Ломаньцть, кона ёвтызе теҥк Пазоньть пельде марязь виде чинть, тень Авраам эзь тейнек. 41Тынь тейтядо эсь тетяҥк тевтнень. Те лаҥгс мерьсть Тензэ: Минь аволь ускурявксонь шачовт, минек ве Тетянок, Пазось. 42Іисус мерьсь тенст: улевель гак тыҥк тетяҥк Пазось, тынь вечкевлемезь-бу Монь, ведь Мон Пазость пельде лисинь да сынь; ведь Мон аволь эсь пельдень сынь, а Сон Монь кучимем. 43Мейсь а чарькодьсыҥк Монь кортамом? секс, — тынь а кулцоновдадо Монь валтнэсэ. 44Тыҥк тетяҥк дьявол, тыҥк мелеҥк эсь тетяҥк мелензэ теемс. Сон [ 253 ]масторсть ульме кармамстонзо-як уж ломанень маштыця ульнесь да эзь ащевть виде чисэнть, ведь сонзэ эйсэ арась виде чись. Знярдо сон корты кеҥгелимат — эсь пельдензэ сон корты, сон ведь кеҥгелиця да кеҥгельксэньть тетязо. 45А Мон виде чиденть кортан да а кемдядо Тень. 46Ки тыҥк ютксто, Мон аволь виде мерезь, невтеви Лаҥгозон? ино видстэ кортыньдерян, мейсь а кемдядо Тень? 47Ки Пазонь пельде, се кулцоны Пазонь валтнэсэ, а тынь аволь Пазонь пельдень, секс акулцонитядо. 48Тень каршо Іудейтьне мерьсть Тензэ: ара аволь видстэ минь кортатанок — Тон Самарянонь эрицяят да амазы Эснэть? 49Іисус мерьсь: Монь эснэ амазы арась, Мон аньсяк Эсь Тетянь лован, а тынь Монь а ловдадо. 50Мон Эсь славасон а вешнян: ули Вешницясь да Судицясь.

51Видестэ, видестэ кортан теҥк: ки кирьдсазо Монь валом, се знярдо-як куломо а неи. 52Іудейтьне мерьсть Тензэ: ней содынек минь, — што амазы Эйсэть; кулось Авраам да пророкнэ-як, а Тон кортат: ки кирьдсазо Монь валом, се знярдо-як куломо а неи; 53Ара Тон Минек Авраам тетядонок покшат, кона кулось, да пророкнэ-як кулость. Кикс Тон Эсь прят тейнят? 54Іисус мерьсь: Мон Моньсь шнандерян Эсь прян, — Монь славам мезде-як айащи; Монь Эснэ шны Монь Тетям, конадо тынь мерьдядо, што Сон тыҥк Пазоҥк, 55а тынсь эзиҥк сода Сонзэ, а Мон содаса Сонзэ; а мериньдерян, — што асодаса Сонзэ, — улян тыҥк коньдямо кеҥгелиця; Мон Сонзэ содаса да Сонзэ валзо-як кирьдьса. 56Тыҥк тетяҥк Авраам рад ульнесь [ 254 ]Монь чинть неемс: Сон неизе да радувась. 57Іудейтьне мерьсть Тензэ: Тонть ведьгемень іеть-как ощо арасть, — Тон-ли Авраамонь неик? 58Іисус мерьсь тенст: Видестэ, видестэ кортан теҥк: Авраам-гак ощо эзь ульнек, — Монь ульнинь. 59Сестэ сынь сайсть кевть Сонзэ лаҥгс ёртомс. Іисус анеявикс теевсь да ютковаст ютазь, лиссь церькувастонть, да тусь ве ёнов.

 

Глава 9.

1Ютамсто нейсь ломань, кона шачмонзо маро сокороль. 2Тонавтницянзо кевстизь Сонзэ, мерезь: Тонавтыця! ки совась пежетс: соньсь или тетянзо-аванзо, сон сокурсто шачсь? 3Іисус мерьсь: эзьть совак пежетс а сонсь, а тетянзо-аванзо, а сонзэ лаҥгсо Пазонь тевть неявольть-бу. 4Монень эрявить теемс Монь кучицянть тевтнесэ, знярс чи; сы ве, сестэ кі-як (мезе-як) а тееви. 5Знярс Мон мастор лаҥгсоян, Мон мастор лаҥгостень валдоян. 6Тень мерезь, Сон сельгсь масторов да сельгевксэстэнть тейсь рудаз, да рудаснэнть вадьнинзе сокурсть сельмензэ, 7да мерьсь Тензэ: Азё шляк Силоамонь экшелямо таркасонть, конатадо мерить кучовко. Сон мольсь да шлясь, да мекев сась уж неезь. 8Шабранзо да конат икеле сонзэ некшнызь сокурсто, кортлесть: те аволь се-ли, кона озадо ащекшнэсь (милостынянь) вешезь? 9Веенцт кортасьть: те сон, а ліят (кортасть аволь сон) аньсяк сонзэ ёнов моли. А сонсь кортась: те мон. 10Мерьсть тензэ: кода тонть паньжть сельметь? 11Сон мерьсь каршост: Іисус лемсэ Ломань тейсь рудаз, вадьнинзе монь сельмень да мерьсь тень: азё Силоамонь экшелямо таркастень [ 255 ]да шляк. Мон молинь, шлинь да нейме карминь. 12Сестэ мерьсть тензэ: косо се (ломансь)? Сон мерьсь: аздан. 13Ветизь, икелень сокорсть фарисейтьненень. 14А чись субуталь, кода Іисус тейсь рудаз да панжиньзе сонзэ сельмензэ. 15Кевстизь сонзэ фарисейтьне-як истяжо, кода сон кармась нейме. Сон мерьсь тенст: рудаз путсь монь сельмень лаҥгс, мон шлинь да неян. 16Конат-конат фарисейтьнень эйстэ кортасть: Те Ломансь аволь Пазонь пельде: субута а кирьди. Ліят кортасть: кода пежетев ломаннень теевить истят тевтьне? Истя ульнесь сынст ютковаст пелькстамо. 17Таго мерить сокорстень: тон мезть мерят Соньдензэ: Сон ведь тонть сельметь панжинзе? Сон мерьсь: те пророк. 18Сестэ Іудейтьне эсть кемть, што сон сокор ульнесь да нейме кармась се шкас, знярдо терьдизь се нейме кармицянть тетянзо-аванзо 19да кевстизь сынст, мерезь: те ли тыҥк цёраҥк, конатадо тынь кортадо, што сокурсто шачсь? кода сон ино ней неи? 20Сонзэ тетянзо-аванзо мерьсть тенст: минь содасынек, те минек цёрась да сокурсто шачсь; 21а кода ней сон неи, а содатанок, ки панжинзе сонзэ сельмензэ, седе-як а содатанок, сон сонсь уж покш, сонсинзэ кевстиҥк, кадык сонсь эсьтедензэ ёвты. 22Истя кортасть тетянзо-аванзо еврейтьнеде пелезь: ведь еврейтьне кортасть эсь ютковаст: ки Іисусонь путсазо Христозокс, сень синагогасто панемс. 23Секс сонзэ тетянзо-аванзо мерьсть: Сон сонсь покш, сонсинзэ кевстиҥк. 24Терьдизь омбоцеде ломаненть, кона ульнесь сокор да мерьсть тензэ: шнык Пазонть, минь содасынек се ломанесь пежетев. 25Сон тень [ 256 ]каршо мерьсь тенст: пежетев-ли Сон, а содан, содан Мон вейке: ульнинь сокор, а ней неян. 26Сынь кевстизь сонзэ таго: мезе сон тейсь тенть? кода панжинзе тонть сельметь? 27Сон мерьсь тенст: мон уж ёвтынь теҥк, — а тынь эзьмезь кулцонок, мезе ощо мелеҥк марямс? или тыҥк-как мелеҥк Сонзэ тонавтницякс теевемс? 28Сынь покордызь сонзэ да мерьсть: тон сонзэ тонавтницясь, а минь Моисеень тонавтницятанок. 29Минь содасынек, Моисей марто кортась Пазось, а Тень а здасынек, косто Сон. 30Ломаньсь мерьсь каршост: те дива, што тынь а здасыҥк, костонь Сон, а Сон панжинзе монь сельмень. 31Аньсяк минь содасынек, пежетевтнень Пазось а кулцонокшны, а ки Пазонть лови да Сонзэ мелензэ кувалт теи, сень Сон кулцоны. 32Пиҥгензэнзэ эзь марявкшнок, ки бу панжоволь сокорсто шачозенень сельть. 33Аволь ульть-как Сон Пазонь пельде, мезе-як бу Тензэ аволь теевть. 34Сынь мерьсть тензэ: пежеть потсо весе шачыть, тонеть-ли минек эснэ топавтомс? да панизь сонзэ вон. 35Іисус, кода марясь, што сонзэ панизь, муизе сонзэ, да мерьсь тензэ: кемат-ли тон Пазонть Цёранстэнь? 36Каршонзо сон мерьсь: ки Сон, Господи, штобу монень кемемс Тензэ? 37Іисус мерьсь тензэ: Тон неик Сонзэ, Сон корты мартот. 38Сон мерьсь: кеман, Господи, да сюкунясь Тензэ.

39Іисус мерьсь: Мон судс сынь те масторонть лаҥгс, штобу анеитсятне неевельть, неитсятне сокоргадовольть. 40Тень марязь, конат-конат вакснэнзэ улицят фарисейтнень эйстэ мерьсть Тензэ: ара минь-гак сокуртанок? 41Іисус мерьсь тенст: [ 257 ]улевледедеряй сокорт, пежетеҥк аволь уль-бу, а тынь кортадо, што нейдядо, секс пежетьсь кадови лаҥгозоҥк.

 

Глава 10.

1Видестэ, видестэ кортан теҥк: ки ревень кардайс аволь кеҥкшка сови, а ліява кузи — се салыця да разбойник. 2А кеҥкшка совицясь реветьнень ваныцяст. 3Сонензэ кеҥкшень ванысь-как панжи, да реветьне-як сонзэ вальгейсэнзэ кулсоныть; сон эсь ревензэ лемсэст терьдсыньзе да ливтьсыньзе сынст. 4А кода ливтсыньзе эсь ревензэ, икелест моли, а реветьне мельганзо молить — секс, ведь сынь содасызь Сонзэ вальгеензэ. 5Лія мельга а молить, оргодить эстэдензэ; секс, ведь сынь а содасызь ліянть вальгеензэ. 6Те притчанть ёвтызе тенст Іисус, а сынь эзизь чаркодть, мезть Сон кортась тенст. 7Таго Іисус мерьсь тенст: видестэ, видестэ кортан теҥк, — Мон реветьненень кеҥкшан. 8Весе, зняро эсть сакшно икеле, — салыцят да разбойникть; реветьне-як сынст эзизь кулцонок.

9Мон кеҥкшан: ки Монь эзган сови, — ванови; сон сови-як, лиси-як, ярцамс-как муи. 10Салыця истяк а сакшны, аньсяк саламо, маштомо да ёмавтомо. Мон сынь, штобу эрямо саевельть-бу, да ламине саевельть-бу. 11Мон паро ваныцяян: варо ваныцясь оймензэ путы ревензэ кис. 12А сиведезесь аволь ваныця, сонензэ реветьне аволь сонсинзэ; сон неи сыця вергиз, да кацынзе реветьнень, да оргоди, а вергизэсь салсесыньзе реветьнень да сравтлесыньзе. 13Сиведезесь оргоди секс, — ведь сон сиведезь, [ 258 ]реветьнень кис-как а мелявты. 14Мон паро ваныцяян: Мон монсиньзетнень содасынь, монсиньзетне-як Монь содасамизь. 15Кода Тетясь содасамам Монь, Мон-гак истя содаса Тетянть, эрямом-гак путниса реветьнень кис. 16Ліят-как ревень улить Монь, конатне аволь те кардазонь; сетьнень-гак эряви Тень туемс, сынь-гак марясызь Монь вайгелем, да ули вейке стада да вейке ваныця.

17Секс Монь Тетям вечксамам: Мон эрямон максан, штобу мекев саемс сонзэ. 18Кі-як Монь кедьстэ а нельги эснэнзэ, Мон Монсь максан эснэнзэ. Моньсинь олясь максомс сонзэ, моньсинь олясь саемс-как сонзэ. Те заповедсть Мон Тетянь пельде саія. 19Не валтнэнь кувалт таго пелькст молись Іудейтнень юткова. 20Ламотьне сынст ютксто кортасть: Сонзэ эйсэ шайтян, секс азаргали; мезть кулцонитядо Эснэнзэ? 21Ліятьне кортасть: не валтнэ аволь азаргадозень; ара шайтяннэнь панжовить сокоронь сельть? 22Сась сестэ Іерусалимсэ церкуваньть одс тейманзо праздниксь. (Шкась) телель. 23Іисус якась церькувасонть Соломононь притворганть.[1] 24Іудейтьне промсть перьканзо, да кортасть Тензэ: знярс Тон кармат эснэнек кирьдеме апак содавт? Улиньдерят Тон Христозось, ёвтак видьстэ. 25Іисус мерьсь тенст: Мон ёвтынь теҥк, а тынь а кемдядо; тевтне, конатнень Мон теян Тетянь лемсэ, сынь Монь Эстэдень ёвтнить. 26А тынь а кемдядо: ведь тынь аволь Монь реветьнень эйстэ, кода Мон теҥк меринь.

[ 259 ] 27Монь реветьне Монь вальгейсэнь кулцоныть, Мон-гак сынст содасынь, сынь-гак Монь мельган молить. 28Мон максан тенст пиҥгень-пиҥгс эрямо, сынь пиҥгень-пиҥгс а ёмить, да кі-як сынст Монь кедьстэ а саласыньзе. 29Монь Тетясь, Кона сынст Монень максынзе, весемеде покш, сынь кинень-гак Монь Тетянть кедьстэ а салавить. 30Мон да тетясь вейкетянок. 31Сестэ таго сайсть іудейтьне кевть Сонзэ чавомс. 32Іисус мерьсь тенст: Ламо парт тевть Мон невтинь теҥк Тетянь пельде, конань кисэ сынст эйстэ Монь кевсэ чавомс арситядо? 33Іудейтьне мерьсть каршонзо: Аволь паро тевень кис минек мельнек Тонть кевсэ чавомс, а Пазонть лаҥгсо пеедьмат кисэ, да секс, мейсь Тон, ломань улезь, Эсь прясот Пазокс теят. 34Іисус мерьсь тенст: апак сёрмат-ли тыҥк законсоҥк: Мон меринь: тынь пазттадо? 35Сон мерьсьдеряй Пазт сетнеде, конатненень ульнесь Пазонть валзо, да а колави Писаніясь: 36сенень-ли, конатань Тетясь святойгавтызе, да мастор лаҥгс кучизе, тынь кортатадо: Пазонть лаҥгсо пеедят, секс, мейсь Мон меринь: Мон Пазонь Цёраян? 37А теяндерян Мон Тетянь тевтнесэ, илядо кемть Монень; 38теиньдерян, да а кемдядодеряй Монень, сестэ кемеде Монь тевтненень, штобу содавледе да кемевледе, што Тетясь Монь Эйсэнь да Мон-гак Сонзэ Эйсэян. 39Сестэ таго вешнесть Сонзэ кундамс, а Сон тусь сынст кедьстэст, 40да мольсь таго Іорданонь омбоце пелев, се таркастень, косо Іоанн икеле лемдсь да кадовсь тоск. 41Ламо (ломатть) сасьть Тензэ да кортасть: Іоанн ве чуда-як эзь тейть, а весе, мезть [ 260 ]Іоанн кортась Сондедензэ, виде ульнесь, да ламо тосо кемсть Сонзэ эйс.

  1. ↑ Притвор — церкувань кудыкелькс.
 

Глава 11.

1Ульнесь ве Лазарь лемсэ сэредиця ломань Вифанія велесэ; сон ульнесь се веленьть, косо (эрясьть) Марія да Марфа сазоронзо. 2Маріясь, конань сэредсь Лазарь братозо, ульнесь се, коната Іисусонь ваднизэ мѵрсэ, да пильгензэ нартлинзе эсь прячерьсэнзэ. 3Сазортнэ кучсть Тензэ ёвтамо, мерезь: вана, Господи, конань тон вечксак — сэреди. 4Тень марязь, Іисус мерьсь: те ормась аволь куломанень, а Пазонть славакс; сонзэ кувалма лисевель-бу шнавицякс Пазонть Цёрась. 5Іисус вечкилинзе Марфань да сонзэ сазоронзо-як да Лазарень-гак. 6Кода Сон марясь Лазарень сэредьмадонть, ащесь секе таркасонть, косо ульнесь, ощо кавт чить. 7Мейле мерьсь тонавтницянстэнь: мольдянок таго Іудеяв. 8Тонавтницятне мерьсть тензэ: Тонавтыця, ней аньсяк іудейтьне вешнесть Эснэть кевсэ чавомс, а Тон таго тов молят? 9Іисус мерьсь: аволь кемгавтово-ли част чисэнть? ки яки чить, се а пупорькшни: сон ведь нейсазо те масторонть валдонзо, 10а ки яки веть, — пупорьди: ведь сонзэ эйсэ арась валдось. 11Нень ёвтынзе, да мейле мери тенст: минек Лазарь ялганок матедевсь; Мон молян сонзэ стявтомонзо. 12Тонавтницянзо мерьсть: Господи, матедевсьдеряй, (сон) шумбралгады. 13Іисус кортась сонзэ кулумадонзо; а сынь арсесть, што Сон удумань матедевмадо корты. 14Сестэ Іисус видьстэ тенст мерьсь: Лазарь кулось, 15да радувакшнан [ 261 ]тыҥк кисэ, што Мон араселень тосо, штобу тынь кемевледе; адядо сонензэ. 16Сестэ Ѳома, конатадо ліякс мерить двойнякш, мерьсь тонавтницятнэнень: мольдянок минь-гак да кулутанок маронзо. 17Іисус, сазь, муизе, што сон ниле чить уж, кода калмазь. 18Вифаніясь Іерусалим маласоль, сон кеветее стадіянь таркашкаль.[1] 19Ламо Іудейтьнень ютксто-як сакшность Марфа марто Маріянень братост кисэ мелявтомодо оймавтомо. 20Марфа, Іисусонь самодо марязь, лись каршонзо, а Марія ащесь кудосо. 21Марфа мерьсь Іисуснэнь: Господи, улевлетьдеряй Тон тесэ, аволь кулок монь братом. 22Ней-гак, содан, мезе Тон а вешат Пазонть ведьстэ, максы Тенть Пазось. 23Іисус мери тензэ: тонть братот вельми. 24Марфа мерьсь тензэ: содан — вельми остатка чистэ вельмимастонть. 25Іисус мерьсь тензэ: Мон вельмимась да эрямось; Монень кемицясь, кулыньдеряй-гак, вельми. 26Эрь-вейке, кона эри да кеми Монь Эйс, пиҥгезэнзэ а кулы. Кемат-ли тенень? 27Сон мери Тензэ: Да, Господи, мон кеман, што Тон мастор лаҥгс сыця Пазонть Цёразо Христозат. 28Тень мерезь, сон тусь да салава терьдизе Марія сазоронзо, мерезь: Тонавтыцясь тесэ, терьди эснэть. 29Сон, кодак тень маризе, капшазь стясь да тусь Сонензэ. 30Іисус эзь совакшнок ощо велесьтень, Сон ульнесь се таркасонть, косо сонзэ вастызе Марфа. 31Іудейтьне, конат ульнесть маронзо кудосо да важтлесть эснэнзэ, кода неизь Маріянь капшазь стямонзо да туймензэ, тусть [ 262 ]мельганзо, — сынь арсесть, што сон тусь калмо лаҥгс аварьдеме. 32Марія кодак сась, косо ульнесь Іисус, да кодак неизе Сонзэ, прась пильгезэнзэ да мерьсь Тензэ: Господи, улевлетьдеряй Тон тесэ, аволь кулок монь братом. 33Іисус, кода неизе сонзэ аварьдемеде, да маронзо сазь Іудейтьнень-гак аварьдемеде, Соньсь-как потморгатьсь да апарксомсь. 34Сон мерьсь: козо путыҥк сонзэ? Сонензэ мерить: Господи! мольть да ванык. 35Іисусонь тусть сельведензэ. 36Іудейтьне кортасть: ванок, кода вечкилизе сонзэ. 37А конат-конат эстэдест мерьсть: эзь теевьть-ли Тенень, Кона сокорнэнь сельть панжсь, штобу те-як аволь кулок? 38Іисус, таго потмованзо ризнэзь, мольсь калмонть ваксс. Калмось пещераль, лаҥгсонзо путозель кев. 39Іисус мерьсь: саиҥк кевсьть! Кулозенть сазорозо, Марфа, мери Тензэ: Господи! Сон уж чиніясь: ведь ниле чить уж тензэ. 40Іисус мери тензэ: Эзинь мерьть-ли тенть: кеминьдерят, — нейсак Пазонть славазо? 41Саизь кевсьть, козо калмазель кулозесь. Іисус кепединзе сельмензэ верев да мерьсь: Тетяй! пасиба Тенть, Тон Монь маримек. 42Мон содылинь, што Тон Монь яла марясамак; а тень ёвтыя тесэ ащиця ломатьнень кис, штобу кемевельть, што Тон Монь кучимек. 43Не валтнэнь мерезь, покш вайгельсэ сергедсь: Лазарь, листь ушов! 44Кулозесь лись, кедензэ, пильгензэ тапарязь коцтнэ, чамазо-як сюлмсезь пацясо. Іисус мери тенст: уксниҥк, кадыҥк молезэ. 45Сестэ ламо, Маріянень сазь Іудейтьнень эйстэ, конат неизь, мезе тейсь Іисус, кемсть Тензэ. 46А конат-конат эстэдест мольсть [ 263 ]фарисейтьненень да ёвтасть тенст, мезе тейсь Іисус.

47Сестэ архіерейтьне да фарисейтьне тейсьть совет да кортасть: мезть тенек теемс? Ведь те ломаньсь ламо чудат теи. 48Кацынекдеряй Сонзэ истяк, — весе кемить Тензэ: сыть Римлят да сайсызь минек масторонок да народоно-как. 49Вейке юткстост, Каіафа, кона ульнесь се іестэнть архіерейтьнень прявтост, мерьсь тенст: тынь мезе-як а содатадо 50да а арситядо-як: седе паро ули тенек, кулыньдеряй ломатьнень кис ве ломань, а аволь весе народсь ёми. 51Нень сон кортыньзе аволь эсь пельдензэ, а се іестэнть, архіерейтьнень прявтокс улезь, икелев ёвтась, што Іисус народьсть кис кулы, 52да аволь аньцяк народсть кис, а Пазонть сравтневезь эйкакштнэнь вейс пурнамост кис-как. 53Те чистэнть путызь Сонзэ маштомс; 54секс Іисус эзь якак уж Іудейтьнень юткова неямга, а тусь тосто чаво пакся маласо Ефраим лемсэ ошос, да тосо эрясь тонавтницянзо маро. 55Малав пачколесь Іудейтьнень Инечист, да ламо весе се масторстонть састь Іерусалимс Инечиде икеле пряст ваньскавтумань кисэ. 56Сестэ вешнесть Іисусонь Эйсэ, да, церькувасонть ащезь, кортлесть вейкест-вейкест туртов: кода тынь арситядо? а сы ли Сон праздникстень? 57Архіерейтьне кармавсьть: ки содыньдеряй, косо Сон ули, ёвтазо, штобу саемс Сонзэ.

  1. ↑ Кеветее стадіят — кавтошка вальгейпе пель маро.
 

Глава 12.

1Инечиденть кото чиде икеле, сась Іисус Вифаніяс, косо Сон кулозь Лазарень вельмевтизе. 2Тосо Тензэ ужинамс анокстасть. Марфа эснэст [ 264 ]каванясь, а Лазарь Іисус марто озадотьнень ютксо ульнесь. 3А Марія сайсь ве хунт ванькс нардовой питнев мѵра, вадниньзе Іисусонь пильгензэ да эсь прячерьсэнзэ нартниньзе пильгензэ, кудось-как пешкедсь тантей чинеде. 4Сестэ вейке тонавтницянзо эйстэ, Симононь цёра, Іуда Искаріот, конань мельзэль Сонзэ максомс, мерьсь: 5мейсь-бу а міемс те мѵрэнть колмо сядт динарійде,[1] да а явшемс нищёйнень? 6Тень сон меризе аволь нищёйтнень кис мелявтозь, а сон салыцяль. Сонзэ кедьсэ ульнесь ярмаконь кружка, сон кантлесь, мезе тозо каильть. 7Іисус мерьсь: кадыҥк сонзэ, сон тень ванстызе Монь калмамо чизэнь. 8Ведь нищёйтьне яла мароҥк, а Мон аволь яла. 9Ламо іудейтьнень эйстэ марясть, што Сон тосо да састь аволь аньсяк Іисусонь кис, а Лазарень неймень кис-как, конань Сон куломсто вельмевтизе. 10Архіерейтьне путызь Лазарень-гак маштомс, 11ведь сонзэ кис ламо Іудейтьнень эйстэ сакшность да кемсть Іисуснэнь. 12Омбоце чистэнть ламо народ, кона сась праздникс, Іисусонь Іерусалимев мольмедензэ марязь, 13сайсть кедезэст пальма-чувтонь тарадт, листь каршозонзо, да сеересть, мерезь: Осанна, баславазь Пазонть лемс сыця Израилень Инязорось! 14Іисус, од осёлонь муезь, озась лаҥгозонзо, кода ульнесь сёрмадозь: 15Иля пель, Сіононь Тейтерь, вана тонть Инязорот сы од осёл лаҥгсо озадо. 16Тонавтницянзо васнят эзизь чаркодть тень, а кода Іисус куломсто вельмесь, ледсть сынст мелезэст, што истя ульнесь Сонзэ Эйстэ сёрмадозь икелев, да истя тейсть-как [ 265 ]Тензэ. 17Народсь, кона ульнесь мартонзо икеле, ёвтлесь, што Сон калмсто Лазарень терьдизе да куломсто вельмевтизе, 18секс народсь вастызе-як Сонзэ, сынь ведь марясть, што Сон теизе те чуданть.

19А фарисейтьне кортасть эсь ютковаст: нейсыҥк ли, мезе-як тынь а теевдядо? весе народсь мельганзо моли. 20Праздникс озномо сазетьнень ютксо ульнесть конат-конат грек-как. 21Сынь мольсть Филипп вакс, кона ульнесь Галилеень Вифсаидасто да мерить тензэ: ломань парочи, минь неевленек-бу Іисусонь. 22Филипп моли да корты теде Андрейнень да мейле Андрей марто Филипп ёвтнить теде Іисуснэнь. 23Іисус мерьсь тенст: сась шка Ломанень Цёрасьтень шнавомомс. 24Видестэ, видестэ кортан теҥк: товзюронь видьмесь, модас празь, а кулыньдеряй, ськамонзо кадови, кулыньдеряй — канды ламо видьсть. 25Эсь оймензэ вечкицясь — ёмавцазо сонзэ; а оймензэ масторонть лаҥгсо а вечкицясь, ванцсазо сонзэ пиҥгень пиҥгс эрямос. 26Ки Монень служи, Монь мельга молезэ, да косо Моньсь, — урем-гак сесэ ульме карми. Ки Монень служи, сень Тетям-гак ловсазо. 27Ней апарксомсь Монь оймем; мезе Тень меремс? Тетяй! ванумак Монь те частонть! а ведь Мон те часонть кис сынь гак. 28Тетяй, ливтик славас Эсь леметь! Сестэ менельстэнть марявсь вайгель: ливтія славас да ощо ливтса. 29Ащиця народсь, тень марязь, кортась: те пургине; а ліятне кортасть: Ангел кортась Тензэ. 30Іисус тень каршо мерьсь: аволь Монь кис ульнесь те вайгелесь, а народсть кис. 31Ней те масторонть [ 266 ]лаҥгс суд сась: ней те масторонть инязорось панезь ули вон. 32Знярдо Мон масторсть лаҥгсто кепедезь улян, — весемень Эсьтень терьтьсынь. 33Тень кортазь, Сон чарьть макснесь, кодамо кулумасо Сон кулы. 34Народсь мерьсь каршонзо: минь маринек законсто, — Христозось пиҥгень-пиҥгс эри: кода Тон кортат: Ломанень Цёрастень кепетьтемс эряви? Ки те, Ломанень Цёрась? 35Іисус мерьсь тенст: ощо аламо шкас валдось ули мароҥк, якадо, знярс валдось ули, штобу чопудась аволедезь сайть, а чопудава якицясь, а зды, ков моли.

36Знярс валдось мартоҥк — кемеде валдостень, уледе валдоньть цёрат. Тень ёвтазь, Іисус тусь вакстост, да ёмась сельмстэст. 37Зняро чудат Сон тейсь сынст икелест, а сынь эзть кемть Тензэ. 38Истя топодезэ Исаія пророконь валзо, кона мерьсь: Пазом, ки кемсь минек пельде марязестень? да кинень неявсь Пазонть війзэ? 39Сынь секс эсть кемевть, кода ощо мерьсь Исаія: 40те народсь сокургавтынзе эсь сельмензэ, кевкс теизе седеезэ, сельмсэст авольть нейть да седейсэст-как авольть чаркодть. Да Монень-гак авольть сак, штобу Мон шумбралгавтовлень сынст. 41Истя мерьсь Исаія, кода сон неизе Сонзэ славанзо да кортась Эстэдензэ. 42Ведь начальникнень эйстэ-як ламо кемсть Тензэ, да фарисейтьнеде пелезь наяв эсть корта Эстэдензэ: аволезь панть-бу сынст синагогасто. 43Ведь сынь ломанень славанть Пазонь славадонть пек вечкизь. 44Іисус, сергедезь, мерьсь: Монень кемицясь, аволь Монень кеми, а Монь Кучицястень. 45Монь неицясь — неи Монь Кучицянть. 46Мон сынь мастор [ 267 ]лаҥгс валдокс, штобу эрьва Монь Эйс кемицясь аволь кадовт чопудас. 47Ки марясыньзедеряй Монь валон, Мон а судяса сонзэ: ведь Мон сынь аволь масторонть судямо, — идямо. 48Монь эйстэ безарьдицясьть да Монь валон а примицясьть ули судіязо: Валсь, конань Мон ёвтыя, се сонзэ эснэ карми судямо остатка чистэнть. 49Ведь Мон кортынь аволь Эсь пельдень, а Монь кучиця Тетясь максць Монень заповедь, мезть ёвтамс, да мезе кортамс. 50Мон содаса, — Сонзэ заповедьсь пиҥгень-пиҥгс эрямось. Истя ино, мезть Мон кортан, кортан, кода мерьсь Тень Тетям.

  1. ↑ колмо сядт динарій — котгеменьшка целковой.
 

Глава 13.

1Инечиде икеле, те мастор лаҥгстонть Тетянстэнь туйме шкадонть содазь, Іисус мастор лаҥгсо Сонсинзэ вечкезетьненень тевсэ невтизе, кода Сон пес вечкимасо вечкиньзе сынст. 2Ярсамо шкастонть, кода діяволось Симононь Іуда Искаріотонь седейсь путьнесь уж мель Сонзэ максомс, 3Іисус, содазь, што Тетязо весе максыньзе Сонзэ кедьс, што Сон Пазонть эйстэ лись, да Пазостень моли, 4стясь столь экшстэнть, каизе лаҥгсо орчамонзо, да, нардапацянь саезь, карксась. 5Мейле каясь шлямо кедьгестень ведь да кармась тонавтницятьнень пильгест шлямо да перьканзо карксазь нардамосонть нартлеме. 6Пачкотьсь Симон Петранень, а се мери Тензэ: Господи, Тонеть-ли шлямс монь пильгень? 7Тень каршо Іисус мерьсь тензэ: мезе Мон теян, тон ней а содасак а мейле чаркодьсак. 8Петр мери Тензэ: пиҥгезэнь а [ 268 ]шлясыть монь пильгень! Іисус мерьсь каршонзо: Мон а шлятандеряй, тоньть паеть Монь маро а ули. 9Симон Петр мери Тензэ: Господи, аволь аньсяк пильгень, а кедень-гак, да прям-гак. 10Іисус мери тензэ: шлязестень эрявить аньсяк пильгензэ шлямс: сон ведь весе ванькс; тынь-гак ванькстадо, аньсяк аволь весе. 11Ведь Сон содась Эсь максыцядонзо, секс мерьсь: аволь весе ванькстадо.

12Кода шлинзе пильгест сынст, саиньзе Эсь одижанзо, озась таго да мерьсь тенст: содатадо-ли, мезе Мон теҥк теинь? 13Тынь Монень мерьдядо Тонавтыця да Прявт, да видьстэ мерьдядо, ведь Мон сеян. 14Ино Мон тыҥк Тонавтыцяҥк да Прявтоҥк улезь, шлиньдеряй тыҥк пильгеҥк, тынеҥк-как эряви вейкеҥк-вейкеҥк пильг шлямс. 15Мон теҥк максынь невтима: кода Мон теҥк теинь, тынь-гак истя теевледе-бу. 16Видестэ, видестэ кортан теҥк: важось азородонзо покш а эри; кучозесь-как кучицядонзо аволь покш. 17Тень содасыҥкдеряй, талановттадо тынь, знярдо сонзэ тейсыҥк. 18Аволь весемедеҥк кортан: ведь Мон содасынь, конатьнень кочксинь. Аньсяк топодезэ сёрмадозесь: Монь маро кшеде ярсыцясь кепедизе Монь лаҥгс кочкарязо. 19Ней теде кортан теҥк топодьмадонзо икеле, штобу кода топоди, кемевледе-бу, што те Мон. 20Видестэ, видестэ кортан теҥк: сень примицясь, конань Мон кучса, Монь прими, а Монь примицясь, Монь кучицянть прими. 21Тень мерезь, Іисусонь потмордавсь седейзэ да, ёвтнезь, мерьсь: видестэ, видестэ кортан теҥк: вейке тыҥк Эйстэҥк макссамам Монь. 22Тонавтлицятне, вейкест-вейкест лаҥгс [ 269 ]ваность, арьцезь, киде истя Сон корты. 23Вейкесь тонавтницянзо эйстэ, конатань Іисус вечкильсе, Сонзэ мещензэ вакснэ озадоль. 24Сенень Симон Петр невтлесь, кевстевлессе-бу, ки се, конадо корты? 25Сон, Іисусонь мещензэ лаҥгс комазь, мерьсь Тензэ: Господи, ки се? 26Іисус мерьсь каршонзо: се, конанень Мон, навазь, кше сускомо максан. Мейле навась кше сускомо да максызе Симононь Искаріотской Іуданень. 27Те кше сускомодонть мейле совась Іудань эйс сатана. Іисус мерьсь тензэ: мезе теят, тейть седе курок. 28Озадо ащицятьнень эйстэ кі-як эзь чаркодть, мейсь Сон истя мерьсь тензэ. 29Ведь Іудань кедьсэ ярмаконь кирьдима кружкаль, секс конат-конат арсесть, што Іисус мерьсь тензэ: рамак, мезе тенек эряви праздникстень, или штобу мезе-як нищёйнень максоволь. 30Сон, сускомонть саезь, сеск лись; а ульнесь ве.

31Сонзэ лисьмеде мейле Іисус мерьсь: ней шнавсь Ломанень Цёрась, Пазось-как Сонзэ Эйсэ шнавсь. 32Пазось шнавсьдеряй Сонзэ Эйсэ, Пазось-как шнасазо Сонзэ Сонсинзэ Эйсэ да куроксто шнасазо Сонзэ. 33Эйдень! аволь куватьс уж Тень мароҥк улемс. Карматадо Монь вешнемень да, кода Мон меринь Іудейтьненень: ков Мон молян, тынь а молевдядо; истя тынеҥк-как ней кортан. 34Од заповедь теҥк максан: вечкеде вейкеҥк-вейкеҥк эснэ; кода Мон тыҥк вечкидизь, тынь-гак истя вейкеҥк-вейкеҥк эснэ вечкеде. 35Карминьдерятадо вейкеҥк-вейкеҥк вечкеме, тень кувалма весе кармить содамоҥк, што тынь Монь тонавтницятадо. 36Симон Петр мерьсь Тензэ: Господи! ков [ 270 ]Тон молят? Іисус каршонзо мерьсь: ков Мон молян, тон ней а моливат Монь мельган, а мейле молят мельган. 37Петр мерьсь Тензэ: Господи, мейсь мон ней а моливан Тонть мельгат? Мон оймем путса Тонть кисэ. 38Іисус тень каршо мерьсь тензэ: ойметь-ли Монь кис пуцак? Видестэ, видестэ кортан тенть: а моры атякш, кода тон колмсть Монь Эстэдень сёпат.

 

Глава 14.

1Илязо лазновт седееҥк; кемеде Пазостень, да Монь эйс кемеде. 2Тетянь кудосонзо ламо таркат; истя аволь уль-гак, Мон меревлень-бу теҥк: молян теҥк таркань анокстамо. 3Кода, молезь анокстан теҥк тарка, таго сан, да сайдядызь Эсьтень, штобу тынь-гак улевледе, косо Мон. 4А ков Мон молян, тынь содасыҥк, да кинть-как содасыҥк. 5Ѳома мерьсь Тензэ: Господи, минь а содатанок ков молят; кода тенек содави кись? 6Іисус мерьсь тензэ: кись-как, виде чись-как да эрямось-как Мон. Моньтемень кі-як а молеви Монь Тетястень. 7Содавлимизьдеряй Монь, Монь Тетясьть-как содавлеҥк. Теде мейле тынь содыҥк Сонзэ, да неиҥк. 8Филипп мерьсь Тензэ: Господи, невтик тенек Тетянть, да саты тенек. 9Іисус мерьсь тензэ: зняро шка Мон тыҥк мароян, а тон а содасамак Монь Филипп? Монь неицясь — Тетянть неизе; кода ино тон кортат: невтик тенек Тетянть? 10Ара тон а кемат, Мон Тетясонть да Тетясь-как Монь Эйсэнь? Конат валтнэнь Мон кортан теҥк, аволь Эсь пельдень кортан, Мон Эйсэ ашиця Тетясь, [ 271 ]Се теи тевтнесэ. 11Кемеде Тень, што Мон Тетянть Эйсэян да Тетясь-как Монь Эйсэ, аволь истядеряй, кемеде Тень сетьне тевтьнень коряс. 12Видестэ, видестэ кортан теҥк: Монень кемицясь, кона тевтьнень Мон теян, сон-гак тейсынзе да сыньдест-как ламо теи; ведь Мон Тетянень молян. 13Мезе-як вештядодеряй Тетянь пельде Монь лемсэ, Мон тейса, штобу шнавоволь Тетясь Цёранть Эйсэ. 14Мезе-як вештядодеряй Монь лемсэ, Мон тейса. 15Вечксамизьдеряй Монь, Монь заповетьнень кирьдиҥк. 16Мон инялдса Тетянь да Сон максы теҥк лія Важдыця, кона карми мароҥк пиҥгень-пиҥгс ульме. 17Сон Виде Духсь, кона мастор лаҥгостень а саеви. Сонзэ ведь а нейсазо сон да а содасазо-як; а тынь Сонзэ содасыҥк: ведь Сон тыҥк маро эри да тыҥк эйсэҥк карми ульме. 18А кадтадызь сиротакс, сан теҥк. 19Ощо аламос да мастор лаҥгось а нейсамам уж Монь, а тынь нейсамизь Монь: ведь Мон эрян, тынь-гак карматадо эрямо. 20Се чистэнть тынь содасыҥк, што Мон Тетянь Эйсэян, а тынь Монь Эйсэтядо, да Мон-гак тыҥк эйсэян. 21Ки Монь заповетьнень кирьдсыньзе да сынст кувалма теи, се Монь вечкицям, а ки Монь вечксамам, се вечкезь ули Монь Тетянь пельде-як да Мон-гак Сонзэ вечкса да Монсь неяван Тензэ. 22Іуда (аволь Искаріотскойсь) мери Тензэ: Господи, те мезе: Тонть мелеть миненек прят невтемс, а аволь ломатьненень? 23Тень каршо Іисус мерьсь Тензэ: ки Монь вечксамам, се Монь валон кирьдсыньзе, Тетям-гак сонзэ вечксазо, Минь сатанок тензэ да эрямо тарка эзэзэнзэ тейдянок. 24Монь а вечкицясь, Монь [ 272 ]валтнэсэ а кирьди, а валсь, конань тынь марясынк, аволь Монь, а Монь кучиця Тетянть. 25Тень Мон кортынь теҥк мароҥк ульместэ. 26Важдыцясь, Святой Духсь, Конань Тетям кучсазо Монь лемс, весемес тонавттадызь, да весе мелезэҥк ледьстясынзе, мезть Мон теҥк кортынь. 27Сэтьме чи кадан теҥк, Моньсинь сэтьме чим максса теҥк; аволь истя Мон максан теҥк, кода ломатьне максыть. Илязо лазновт седееҥк да илязо тандале-как. 28Мариде, кода Мон меринь теҥк: туян эйстэҥк да сан теҥк. Вечкевлемезьдеряй тынь Монь, эргедевледе-бу, што Мон меринь: молян Тетянень, ведь Монь Тетям Мондедень покш. 29Вана Мон теде кортынь теҥк топодьмадонзо икеле, штобу кемевледе, кода те топоди. 30Аламо уж Тень кадовсь мароҥк кортамс; ведь сы те масторонть инязорось, аньсяк Монь эйсэ сонзэ мезезэ-як арась. 31Аньсяк содаволь-бу масторось, што Мон вечкса Тетянь, да кода мерьсь Тень Тетям, истя теян. Стядо, туйдянок тестэ.

 

Глава 15.

1Мон виде виноградонь нетьксан, а Монь Тетям виноградонть мельга якицясь. 2Эрьва Монь тарадсть, кона умарьть а канды, керясазо, а эрьва умарень теицянть ваньськавтсазо, штобу седе ламо умарьть кандоволь. 3Тынь уж ваньськавтозьдядо валсьть кувалт, конатань Мон теҥк ёвтыя. 4Уледе Монь Эйсэнь, Мон-гак тыҥк Эйсэ (улян). Кода тарадсь эсь пельдензэ а кандови умарьть, а улиньдеряй сон нетькснэ, истя тынь-гак а [ 273 ]ульдядодеряй Монь эйсэ. 5Мон виноградонь нетьксэсян, а тынь таратнэ; ки Монь эйсэ, да Мон-гак эйсэнзэян, се канды ламо умарьть; ведь Моньтемень мезе-як а теевдядо. 6Ки Монь Эйсэнь а ули, се тарад латсо ёртозь ули ве ёнов да коськи, а истят (таратнэнь) пурнасызь, да толс каясызь да сынь палыть. 7Ульдядодеряй Монь Эйсэнь да Монь валон-гак улиньдеряйть тыҥк эйсэҥк, мезе мелеҥк, вешеде — ули теҥк. 8Тейдядодеряй ламо лезэ да ульдядодеряй Монь тонавтницят, тень эйсэ шнави Монь Тетям.

9Кода вечкимем Монь Тетям, Мон-гак тыҥк вечкидизь; ащеде Монь вечкимасонть. 10Кирьдсыҥкдеряй Монь заповетьнень, ульдядо Монь вечкимасонть, кода Мон-гак кирьдинь Тетянь заповетьнень да ащан Сонзэ вечкимасонзо. 11Тень Мон мерія теҥк секс, штобу Монь радостесь тыҥк эйсэ улевель, да тыҥк радостесь пешксе улевель. 12Вана Монь заповедем: вечкеде вейкеҥк-вейкеҥк эйсэ, кода Мон вечкидизь. 13Теде покш вечкима арась, ки путсазодеряй эсь ялганзо кис оймензэ. 14Тынь Монь вечкима ялган, тейдядодеряй, мезть Мон мерян теҥк. 15Мон а мерян теҥк важот[1]; ведь важось а соды, мезе теи сонзэ азорозо; Мон меринь теҥк вечкима ялган: ведь Мон весе ёвтлинь, мезть маринь Тетянь пельде. 16Аволь тынь Монь пурнымизь, а Мон тыҥк пурныдизь да путыдизь, штобу тынь молевледе да лезэ теевледе, да лезэҥк ащевель-бу, штобу мезе авольде вешть Тетянь кедьстэ Монь лемс, Сон максоволь-бу теҥк.

[ 274 ] 17Вана мезть кармавтан теҥк: вечкеде вейкеҥк-вейкеҥк эйсэ. 18А вечктядызьдеряй мастор лаҥгсонть, содадо, Монь тыньдеҥк икеле анеймакс теимизь. 19Улевледе-як тынь те мастор лаҥгоньзетьнень ютксто, сынь сыньсистсетьнень вечкевлезь-бу, а тынь аволь те мастор лаҥгоньдядо. Мон тыҥк кочксидизь те мастор лаҥгстоньть, секс мастор лаҥгось а вечкттядызь. 20Мельсэҥк кирьдиҥк валсть, конань Мон ёвтыя теҥк: важось азородонзо аволь покш. Монь Эйсэнь паньцестьдеряй, тыҥк эйсэ як кармить паньцеме; Монь валсон кирьстьдеряй, тыҥксеньть-как кирьдсызь. 21Весе нень тейсызь теҥк Монь лемень кис: ведь сынь а содасызь Монь Кучицянть. 22Мон аволень са-как да аволень корта-как тенст, аволь уль-бу пежетест, а ней пежетьстэ лисьмань туфталост арась. 23Монь а вечкицясь, Монь Тетянть как а вечксазо. 24Аволень тейть-как икелест тевть, кодат кі-як лія эзь тейне, аволь уль-бу тенст пежеть, а ней неизь сынь да сельме анеймакс теимизь Монь да Тетянь-гак. 25Кадык ино топодезэ законсост сёрмадозь валсь: стяко теимизь Монь сельме анеймакс. 26Знярдо сы Важдыцясь, Конань Мон кучса теҥк Тетянь пельде, виде Духсь, Кона Тетястонть лиси, Сон карми кортама Монь Эстэдень. 27Тынь-гак карматадо кортамо, што тынь, кода васьня саезь, Монь мартотадо.

  1. ↑ Важо — слуга, работник.
 

Глава 16.

1Мон кортыя теҥк тень, штобу тынь авольде манявт. 2Паньдядызь тыҥк синагогатьнестэ. Сы [ 275 ]мик истямо шка, знярдо эрьва тыҥк маштыцясь, карми арьсеме, што Пазонь тев теи. 3Истя тейме сынь кармить секс — сынь эзизь содак Тетянь да Монь-гак. 4Тень Мон ёвтыя теҥк секс, знярдо сы се шкась, ледевель-бу мелезэҥк, што Мон теде кортынь теҥк: васня Мон теде эзинь корта теҥк секс, што Моньсь мароҥколень. 5А ней молян Моньсинь Кучицясьтень, да кі-як эстэдеҥк а кевстни Эснэнь: ков молят? 6Те секс: кода Мон тень ёвтыя теҥк, седееҥк пешкедьсть ризкстэ. 7Аньсяк Мон видьстэ кортан теҥк: тынеҥк седе паро, штобу Мон туизан: ведь Мон а туиньдерян, Важдыцясь а сы теҥк, молиньдерян, Мон кучса Сонзэ теҥк. 8Сон, сазь, невтсыньзе ломатьненень пежетест, виде чист, да судямост-как. 9Пежетест, — мейсь сынь эсть кемть Монень. 10Виде чист, — Мон Тетянень молян, да тынь уж а нейсамизь Монь. 11Судямост, — што те масторонь Инязорось судязь. 12Ощо ули ёвтамом теҥк, да тынеҥк сон ней а чаркодеви. 13Знярдо сы виде Духсь, Сон тонавттадызь тыҥк эрьва виде чистень: Сон ведь аволь Эсь пельдензэ карми кортамо, а карми кортамо, мезе мари да икелев мезе ули, сень-гак ёвтасазо теҥк. 14Сон Монь шнамокс ливцамам, — ведь Сон Монь тевсть сайсазо да тынеҥк-как сонзэ ёвтасазо. 15Весе, мезе ули Тетянь, се — Монь. Секс Мон меринь-гак: Монь тевсть сайсазо да тынеҥк-как ёвтасазо. 16Аламо шкань ютазь, тынь а нейсамизь Монь, таго аламо шкань ютазь, нейсамизь Монь: ведь Мон молян Тетянень. 17Сестэ конат-конат Тонавтницянзо эйстэ мерьсть эсь ютковаст: мезе те истя Сон корты [ 276 ]тенек: аламо шкань ютазь, тынь а нейсамизь Монь, таго аламо шкань ютазь, нейсамизь Монь, Мон молян Тетянень? 18Сынь кортасть: мезе Сон истя корты: аламо шкань ютазь? А содатанок, мезть корты. 19Іисус, содазь, што сынст мелест Сонзэ кевстемс, мерьсь тенст: седе-ли тынь вейкеҥк-вейкеҥк кевстнитядо, што Мон меринь: аламо шкань ютазь а нейсамизь Монь, таго аламо шкань ютазь, нейсамизь Монь? 20Видестэ, видестэ кортан теҥк: тынь аварьгадтадо да раҥгазевдядо, а мастор лангонь ломатьне эрьгедить[1]; тынь мелявксовт ульдядо, аньсяк тыҥк мелявксоҥк эрьгелимакс велявты. 21Ава шачтамсто пиштевти, ведь сонзэ сась шказо; а кода шачтасазо эйкакшонть, сестэ сон эрьгедьманзо пачк, што шачсь ломань, стувцазо пиштевтимазо-як. 22Тыҥк-как истя жо: ней ули мелявксоҥк, а Мон нейдядызь тыҥк таго да седееҥк эрьгедить да тыҥк эрьгедмаҥк кі-як а нельксазо кедьстэҥк.

23Се чистэнть тынь Монь мезде-як а кестьсамизь. Видестэ, видестэ кортан теҥк: мезе Монь лемс Тетянь пельде а вештядо — максы теҥк. 24Те шкас тынь Монь лемс мезе-як эзиде вешнек; вешеде, да сайдядо, штобу эрьгедьмаҥк пешксе улезэ. 25Те шкас Мон притчасо кортынь теҥк, сы шка, знярдо а карман теҥк притчасо кортамо, а видьстэ Тетядон ёвтан теҥк. 26Се чистэнть карматадо Монь лемсэ инялдомо; Мон а мерян теҥк, што Мон карман Тетянень тынк кис инялдомо, 27ведь Сонсь [ 277 ]Тетям вечктядызь теҥк секс, мейсь тынь Монь вечкимизь, да кемиде, што Мон Пазонть Эйстэ лисинь. 28Мон лисинь Тетянь Эйстэ да сынь мастор лаҥгс, (ней) таго кадса мастор лаҥгонть да Тетянень молян. 29Тонавтницянзо мерьсть Тензэ: вана ней Тон видьстэ кортат, да притча-як кодамо-як а ёвтат. 30Ней минь нейсынек, што Тон весемень содасыть, да Эйсэть кевстлиця-як а эряви Тенть. Секс минь кемдянок, што Тон Пазонть Эйстэ лисить. 31Іисус каршозост мерьсь: ней кемдядо? 32Вана сы шка, да сась уж, — кода эрь-вейке эстэдеҥк туи эсь пелензэ, а Монь кадсамизь ськамон; аньсяк Мон аволь ськамонан: Монь маро Тетям. 33Нень Мон ёвтынь теҥк, штобу тынь Монь Эйстэ муевледе оймамо. Мастор лаҥгсо ули теҥк ризкс, аньсяк тынь кемекстадо; ведь Мон изнія мастор лаҥгонть.

  1. ↑ радувить.
 

Глава 17.

1Нень ёвтазь, кепединзе Іисус сельмензэ менельс да мерьсь: Тетяй! сась шкась, ливтик шнамокс Эсь Цёрат, штобу Цёрась-как ливтевлензеть шнамокс: 2ведь Тон максыть Тензэ покш чи весе эрицятьнень лаҥгс, штобу весеменень, мезе максыть Тензэ, максоволь бу пиҥгень-пиҥгс эрямо. 3Пиҥгень пиҥгс эрямось те, штобу содавлидизь Тонть, ве Виде Пазонть да Тонть Кучовтонть, Іисус Христозонть. 4Мон шнамокс ливтитень Тоньть мастор лаҥгсо, теія тевсть, конань Тон теемс максык Монень. 5Ней шнамокс ливтимак Монь Тон, Тетяй, Тоньсить славасонть, кона ульнесь Монь [ 278 ]Эйсэ Тоньть пельдеть масторсть ульмадо икеле ощо. 6Мон содавтыя Тонть леметь ломатьненень, конатьнень Тон максыть Монень мастор лаҥгстонть, сынь Тоньтельть, а Тон максыть сынст Монень; сынь ванстызь Тонть валот. 7Ней сынь содасть, што весе, мезе Тон Монень максыть, Тонть Эйстэ ульсь. 8Валтнэнь, конатьнень Тон максыть, Мон максынь сынест; сынь примизь сынст да видьстэ чаркодсть, што Мон лисинь Тонть Эйстэ да кемсть, што Тон Монь кучимек. 9Мон сынст кис инялдан, аволь весе мастор лаҥгонть кис, а сетьнень кис, конатьнень Тон максыть Тень, ведь сынь Тоньть. 10Ведь весе Моньзесь — Тонть, Тонтьсесь-как — Монь; Мон-гак шнамокс лисинь сынст эйсэ. 11Мон уж аволь мастор лаҥгсоян, а сынь мастор лаҥгсот; Мон Тонеть молян, Святой Тетяй! ванстыть сынст Эсь леметь кис, конатьнень Монень максыть, улест вейкекс, кода Минь. 12Знярдо Мон ульнинь мастор лаҥгсо, Мон ванстынь сынст Тонть леметь кис; сетьнень, конатьнень Тон максыть Монень, Мон ванстынь, — сынст эйстэ ёмамонь цёрадонть башка, кі-як эзь ёма, штобу топодезэ Писаніясь. 13Ней Тонеть молян, а тень кортан мастор лаҥгсонть, штобу сынст эйсэ улевель пешкедезь Монь эрьгедьмась. 14Мон максыя Тенст Тонть валот, — да мастор лаҥгсотьне кармасть сынст анеймест, ведь сынь аволь мастор лаҥгонь, кода Мон-гак аволь мастор лаҥгонян. 15А инялдан, штобу Тон саевлеть сынст мастор лаҥгстонть, а штобу вановлеть сынст апародо. 16Сынь аволь мастор лаҥгонь, кода [ 279 ]Мон-гак аволь мастор лаҥгонян. 17Святойгавтыть сынст Эсь виде чисэть: Тонть валот виде чись. 18Кода Тон Монь кучимек мастор лаҥгс, Мон-гак истя кучинь сынст мастор лаҥгс. 19Сынст кис Мон Эсь прян максан, штобу сынь-гак улевельть виде чисэнть светявозь. 20Аволь сынст кис аньсяк инялдан, а сынст валост кувалт Монь Эйс кемицятьнень кис как, 21весе улевельть-бу вейкекс, кода Тон, Тетяй, Монь Эйсэят да Мон-гак Тоньть Эйсэян, сынь-гак истя улест Минек Эйсэ вейкекс, штобу кемевель мастор лаҥгось, што Тон Монь кучимек. 22Славанть, конань Тон максык Монень, Мон максыя сынест, сынь-гак улевельть бу вейкекс, кода Минь Тонть маро вейкетянок: 23Мон сынст эйсэян. Тон-гак Монь Эйсэят, теевельть-бу сынь гак вейкекс, штобу мастор лаҥгось содаволь, што Тон кучимек Монь да вечкить сынст, кода Монь вечкимек. 24Тетяй! Монь мелем, конатьнень Тон максыть Монень, сынь-гак улевельть-бу Монь маро, неевлезь-бу Монь славам, конань Тон максык Монень, ведь Тон вечкимек Монь масторонть теемадонзо икеле. 25Праведной Тетяй! мастор лаҥгось Тоньть эзиньзеть сода, а Мон содытень Тонть да неть-ка содасть, што Тон Монь кучимек; 26Мон ёвтыя тенст Тонть леметь, да таго ёвтаса, штобу вечкимась, конайсэ Тон Монь вечкимек, сынст эйсэ улезэ, да Мон-гак сынст эйсэ улизан.

 

Глава 18.

1Тень мерезь, Іисус Тонавтницянзо маро лись Кедрон чудерьксэньть томбалев, косо ульнесь сад, [ 280 ]конанень Сонсь совась да тонавницянзо-як. 2Те тарканть содылизе Сонзэ максыця Іудась-как: ведь Іисус сеедьстэ пурнавкшнось тозонь тонавтницянзо марто. 3Іуда сайсь салдатт да архіерейтьнень да фарисейтьнень уретьнень[1] да мольсь тов фонарь маро, тол маро да ружія маро. 4Іисус весемеде содась, мезе Тензэ ули; Сон лись да мерьсь тенст: кинь вешнитядо? 5Сонензэ мерьсть: Іисус Назореень. Іисус мери тенст: те Мон. Ащесь марост Сонзэ максыця Іудась-как. 6Кода мерьсь тенст: те Мон, сынь потазевсть да прасть масторов. 7Таго кевстинзе сынст: кинь вешнитядо? сынь мерьсть: Іисус Назореень. 8Іисус мерьсь: Мон меринь теҥк: што те Мон. Монь Эснэ вешниньдерятадо кадыҥк ино сынст, кадык туест; 9штобу топодезэ валсь, конань Сон ёвтызе: сетьнень эйстэ, конатьнень Тон Монень максыть, Мон кинь-гак эзинь ёмавт. 10Симон Петр, конань ульнесь пеельзэ, таргизе сонзэ да вачкодизе архіереень уренть да керизе сонзэ видьть пилезэ. Се уренть лемзэ ульнесь Малх. 11Іисус мерьсь Петранень: тоҥгик пеелеть пеелень кирьдимастень; ара Монень а эряви симмекс се чашанть, конань максызе Тень Тетям? 12Сестэ салдатнэ, эсь покшост марто да іудеень важотьне маро саизь Іисусонь да сюлмсизь. 13Ветизь васьня Сонзэ Аннанень; ведь сон ульнесь Каіафань тесьтезэ, кона се іестэнть ульнесь архіерейкс. 14Те ульнесь се Каіафась, кона мерьсь Іудейтьненень: лучи вейкенень куломс ломатьнень кис. 15Іисус мельга мольсть Симон Петр да лія тонавтниця-як; се тонавтницясь архіерейсть содавиксэзэль, сон совась Іисус [ 281 ]маро архіерейсть кардазозонзо. 16А Петр ащесь ушосо, орта лаҥгсо. Лись се тонавтницясь, кона ульнесь архіерейстень содавикс, кортась орта лаҥгсо ащицясьтень да совавтызе Петрань-гак. 17Орта лаҥгсо ащиця авась мери Петранень: тон-гак аволь те Ломаненть тонавтницянзо ютсто-ят-ли? Сон мерьсь: аволь. 18Шкась якшамоль. Важотьне да уретьне толонь теезь, ащесь да эжнесть. Петр-гак ащесь марост да эжнесь. 19Архіерейсь кевстизе Іисусонь Сонзэ тонавтницядонзо да тонавтумадонзо. 20Іисус мерьсь тензэ: Мон яв кортынь ломатьненень. Мон яла тонавтынь синагогасо да церькувасо, козо весе іудейтьне пурнавкшныть; салава мезть-как эзинь корта. 21Мезть Монь кевстлят? кевсти марицятнень, мезть Мон кортынь тенст, вана, сынь содыть, мезть Мон кортынь. 22Кода Сон тень меризе, вейке маласонзо ащицят важотьнень эйстэ вачкодизе Іисусонь чама пелькска,[2] мерезь: истя Тон архіереень каршо отвечат? 23Іисус мерьсь тензэ: кортыньдеряй апарьсте, ёвтак, што апаро; (кортыньдеряй) парьсте, мейсь Эснэнь чават? 24Анна сюлмсезь кучизе Сонзэ Каіафа архіерейстень. 25Симон Петр ащесь да эжнесь. Мерьсть тензэ: тон-гак аволь Сонзэ тонавтницятьнень эйстэят-ли? Сон сёпсь да мерьсь: арась. 26Вейке архіерень важотьнень эйстэ, сень роднязо, конатань Петр керизе пилезэ, мерьсь: аволь мон-ли неитень Тоньть Сонзэ марто садстонть? 27Петр таго сёпсь; сеск морась атякш. 28Каіафань кедьстэ ветизь Іисусонь преторіяс.[3] (Шкась) валскель, секс сынь эсть совак [ 282 ]преторіясьтень, авольть гадявт-бу, штобу маштоволь тенст Инечинь ревелевкстэньть ярцамс. 29Лись тенст ушов Пилат да мерьсь: месьне чумонтсыҥк Те Ломатьсть? 30Тень каршо сынь мерьсть тензэ: аволь-ульдеряй Сон апаро ломань, кундазь аволинек макст-бу Сонзэ тенть. 31Пилат мерьсь тенст: саиҥк Сонзэ да эсь законоҥк кувалт судиҥк Сонзэ. Іудейтьне мерьсть тензэ: миненек ломань маштомс апак макст оля. 32Истя топодезэ Іисусонь ёвтазь валзо, конань Сон ёвтызе, кода, чарьть макснесь, кодамо кулумасо Сон кулы. 33Сестэ Пилат таго совась преторіястень, терьдизе Іисусонь да мерьсь Тензэ: Тон Іудейтьнень Инязоростат? 34Іисус мерьсь каршонзо: Тон эсь пельдеть тень кортат или ліят тенть ёвтасть Монь Эстэдень? 35Пилат мерьсь каршонзо: Мон ара евреян? Тоньсить народот да архіерейтьне монень максыдизь Тонть; мезть Тон теить? 36Іисус мерьсь: Монь инязорокс чим аволь те чистэнть; ведь улевель-гак Монь инязорокс чим те чистэнть. Монь ломанень ащевельть-бу Монь кисэм, да аволень ульть-бу Іудейтьненень максозь; ней аньсяк Монь инязорокс чим аволь тестэнь. 37Пилат мерьсь Тензэ: Тон инязоро-ят ино? Іисус мерьсь: тон кортат, што Мон инязороян. Мон секс шачинь да секс сынь-гак мастор лаҥгс, штобу кортамс виде чиденть; эрь-вейкесь, кона виде чинть, се кулцоны Монь вальгейсэнь. 38Пилат мерьсь Тензэ: мезе виде чись? Тень мерезь, сон таго лись Іудейтьненень да мерьсь тенст: мон мень-гак чумо лаҥгстонзо а мукшнан. 39Ули тыҥк коеҥк, конань коряс мон нолдавлень-бу теҥк Ине чинень вейке [ 283 ]пекстазь ломань, ули мелеҥк, мон нолдаса теҥк Іудеень Инязоронть? 40Сестэ таго пижакадсть весе, мерезь: аволь Сонзэ, а Вараввань. А Варавва ульнесь разбойник.

  1. ↑ слугатьнень.
  2. ↑ щёка ланга.
  3. ↑ судямо таркас.
 

Глава 19.

1Сестэ Пилат саизе Іисусонь да мерьсь Сонзэ чавмонзо. 2Салдатнэ кодасть пупиця тарадонь венець да путызь Сонзэ пряс. Лаҥгозонзо оршавтьсть якстере одижат. 3Да кортасть: эргелек Іудейтьнень Инязорост! да чавсть Эснэнзэ чама пелькска. 4Пилат таго лись ушов да мерьсь тенст: вана мон таго ливтса Сонзэ теҥк, содавледе-бу тынь, што мон мень-гак чумо лаҥгстонзо а мукшнан. 5Сестэ Іисус лись ушов пупиця тарадонь венецьне да якстере одижасо. Пилат мерьсь тенст: вана, Ломаньсь!

6Кода неизь Сонзэ архіерейтьне да уретьне, — пижакадсть, мерезь: эсксэ чавик Сонзэ! эсксэ чавик! Пилат мери тенст: саиҥк Сонзэ тынь да чавиҥк; ведь мон чумо Эйстэнзэ а мукшнан. 7Іудейтьне мерьсть каршонзо: минек ули законнок, минек законсть кувалт Сонензэ куломс эряви: Сон ведь Эсь прянзо Пазонь Цёракс теизе. 8Пилат, те валсть марязь, седе-як пелезевсь. 9Совась таго преторіястень да мерьсь Іисуснэнь: костонят Тон? Іисус тень каршо эзь макст тензэ ответ. 10Пилат мери Тензэ: Монень ли а отвечат? а содат ара — монь олясь эсксэ чавомс Тонть, монь олясь нолдамс-как Тонть? 11Тень каршо Іисус мерьсь: аволь [ 284 ]уль-бу кодамо-як олят Монь лаҥгсон, аволь уль-гак тенть верьде максозь; тень кувалма покш пежетьсь ули сень лаҥгсо, ки Монь максымем тонеть. 12Теде мейле Пилат вешнесь, кода-бу Сонзэ нолдамс, а Іудейтьне пижнесть, мерезь: нолдасакдеряй Сонзэ, тон а улят Кесарень ялга. Эрьвейке, кона теи прянзо инязорокс, Кесарень каршо моли. 13Те валсть марязь, Пилат ливтизе Іисусонь ушов, да озась судямо таркастень, конатадо мерить Лиѳостротон, а еврейкс Гаввафа. 14(Чись) Ине-чиде икеле пецяль, (шкась) котоце часоль. (Пилат) мерьсь Іудейтьненень: вана, тыҥк Инязороҥк! 15А сынь пижакадьсть: саик, саик, эсксэ чавик Сонзэ! Пилат мери тенст: Тыҥк Инязороҥк ли эсксэ чавса? Архіерейтьне отвечасть: минек арась кесарьде башка инязоронок. 16Теде мейле сон максызе уж тенст Сонзэ эсксэ чавомс. Сынь саизь да ветизь. 17Сон Эсь крёстонзо кандозь лись Лобной мерьма таркастень, а еврейкс Голгоѳа. 18Тесэ чавизь Сонзэ крёст лаҥгс, маронзо (чавсть) ліят-как кавто, ве пельксэстень да омбоце пельксэстень-гак, а кунчкасьтень Іисусонь. 19Сёрмадьсь Пилат сёрма-як да путызе крёстонть лаҥгс. Сёрмадозь ульнесь: Іисус Назорей, Іудеень Инязоро. 20Те сёрмадовксонть эснэ ловность ламо Іудейть: ведь таркась, косо крёст лаҥгс чавозель Іисус, оштонть аволь васололь, сёрмадозь ульнесь: еврейкс, грекекс да римлянкс. 21Іудеень архіерейтьне мерьсть Пилатнэнь: иля сёрмадт: Іудеень Инязоро, а Сон Сонсь аньсяк мериль: Мон Іудеень Инязороян. 22Пилат каршост мерьсь: мезе сёрмадынь уж сёрмадынь. 23 [ 285 ]Салдатнэ, кода Іисусонь чавизь крёст лаҥгс, саизь Сонзэ одижанзо да явизь нилев, эрьва салдатсьтень часть, хитонсьть-как; хитонсь ульнесь аволь сустазь, а весе кодазель. 24Сынь мерьсть вейкест-вейкест туртов: а сезнесынек сонзэ, а кисэнзэ каятанок жеребей, кинень саты. Истя топодезэ Писаніясо сёрмадозесь: явизь эсь ютковаст Монь одижан, а оршамон лаҥгсо каясть жеребей. Истя тейсть салдатнэ. 25Ащесть Іисусонь крёстонть вакснэ Сонзэ авазо, да аванзо сазорозо, Клеопань Марія да Магдалинань Марія. 26Іисус, аванзо да сесэ ащиця вечкима тонавтницянзо неезь, мери аванстэнь: Ава! вана тонть цёрат. 27Мейле мери тонавтницясьтень: вана тоньть Ават. Теде мейле тонавтницясь саизе сонзэ эстензэ. 28Теде мейле Іисус, содазь, што Писаніянть топодьмань кис весе уж тевсть, мерьсь: потмом чейсь. 29Ульнесь сесэ уксуздо пешксе кедьге. Салдатнэ потявцьть уксуздо губка да, палка пес пезнавтозь, кепедизь Сонзэ кургонзо витьс. 30Кода Іисус уксузонть вачизе, мерьсь: теевсть. Мейле прянзо комавтозь, максызе оймензэ. 31Чись пецяль; іудейтьне, штобу киськетне субутастонть авольть кадовт крётс лаҥгс (се субутась покшоль чись), инялсть Пилатнэнь, порксамс сынст кумажаст да крёстнэнь лаҥгсто саемс. 32Састь салдатт да порксызь кумажаст вейкень да омбоцень-гак Мартонзо крёст лаҥгс чавозетьнень. 33А кода мольсть Іисус вакс да неизь, што Сон уж кулось, эзизь поркса Сонзэ кумажанзо; 34аньсяк вейкесь салдатнэнь эйстэ пелиньзе сонзэ ирдизэнзэ копіясо да сеск верь [ 286 ]маро ведь чудезь лись. 35Тень неицясь (сонсь) ёвтли да виде сонзэ ёвтлимазо; сон соды, што видьстэ корты, штобу тынь-гак кемевледе. 36Ведь те теевсь, штобу топодезэ сёрмадозесь: Сонзэ ловажазо порксазь илязо ульть. 37Истя жо ліясо-як сёрмадовксось корты: вачтыть Сень лаҥгс, Конатань пелизь.

38Теде мейле Аримафеень Іосиф, сон Іисусонь тонавтницязоль, аньсяк Іудейтьнеде пелезь прянзо эзь невтлек, инялтсь Пилатнэнь, штобу Іисусонь киськензэ валтомс; Пилатсь мерьсь тензэ. Сон мольсь да валтызе Іисусонь киськензэ. 39Сась истяжо Никодим-гак, кона икеле сакшнось Іисуснэнь веть, да кандсь сядошка литра смирна марто алоэнь човорязь вадьнима пель. 40Сынь саизь Іисусонь киськензэ да, кода калмсильть Іудейтьне, тапаризь Сонзэ тантей чине маро котснэ. 41Се таркасонть, косо Сон крёст лаҥгс чавозель, ульнесь сад, а садсонть од калмо, конайсэ кі-як ощо калмазь арасель. 42Сезэ путызь Іисусонь Іудейтьнень пеця чинь ульмань кувалт, се калмось ведь маласоль.

 

Глава 20.

1Недля ютконь васеньце чистэнть валське рана-як, кода ощо чопудаль, сась калмонть лаҥгс Марія Магдалина да неи — кевсь калмостень совамо таркастонть сявордазь. 2Чіезь сась сон Симоннэнь, конадо мерильть Петр да лія тонавтницясьтень-гак, конань вечкилизе Іисус, да мери тенст: саизь калмостонть Тонавтыцянть да [ 287 ]аздатанок ков путызь Сонзэ. 3Сеск лисьть Петр да лія тонавтницясь-как да тусть калмонть вакс. 4Сынь чійсть кавонест вейсэ; а омбоце тонавтницясь чійсь Петрадо эрекстэ да сась калмонть вакс седь икеле. 5Сон, комазь, неинзе аньсяк одратьнень, а калмостень эзь совак. 6Мельганзо сась Симон Петр-гак, совась калмостень да неи — аньсяк одратьне ащить. 7Пацясь-как, кона прязонзо сюлмазель, ащи аволь одратьне маро, а башка тапарязь, лія таркасо. 8Сестэ совась омбоце тонавтницясь-как, кона васнят сась калмонть вакс, сон неиньзе да кемсь. 9Ведь сынь эзть содакшно ощо Писаніядонть, што Сонензэ эряви куломсто вельмемс. 10Мурдасть таго тонавтницятьне эсьтест.

11Марія ащесь аварьдезь калмонть вакснэ. Аварьдемстэнть сон комась калмостень 12да неи ащить озадо ашо одижасо кавто ангелт, вейкесь пря песэ, омбоцесь пильге песэ, косо путозель Іисусонь киськезэ. 13Сынь мерить тензэ: ава! мейс аварьдят? Сон мери тенст: саизь монь Тонавтыцям да аздан козо путызь Сонзэ. 14Тень мерезь, сон велявць удалов, да неизе Іисусонь ащемстэ да эзизе содак, што те Іисус. 15Іисус мери тензэ: ава! мейсь аварьдят? кинь вешнят? сон арсесь, што те садонть мельга якицясь, да мери Тензэ: паро ломань! тон саикдеряй Сонзэ, ёвтак тень, козо путык, мон сайса Сонзэ. 16Іисус мери тензэ: Марія! сон, велявтозь, мери Тензэ: раввуни! ліякс, меремс: Тонавтыця! 17Іисус мери тензэ: Иля токшевть Монь эйс: Мон ощо эзинь кузть Моньсинь Тетясьтень, азё тон Монь братнэнень да ёвтак тенст: [ 288 ]Мон кузян Монсинь Тетясьтень да тыҥк Тетясьтень, Моньсинь Пазосьтень да тыҥк Пазосьтень. 18Марія Магдалина моли да ёвтли тонавтницятнэнень, што сон неизе Тонавтыцянть да тень тензэ, ёвтызе.

19Чокшнэ позда секе недлянь васеньце чистэнть, кода кеҥкшне, козо пурнавкшныльть тонавтницянзо, Іудейтьнеде пелезь, пекстазель уж, сась Іисус, арась куншказост да мери тенст: сэтьме чи теҥк! 20Тень мерезь, Сон невтинзе тенст кедензэ, пильгензэ да ирьдизэнзэ. Тонавтницянзо, Сонзэ неезь, эрьгедсть. 21Іисус мерьсь тенст: таго сэтьме чи теҥк! кода Монь кучимим Тетям, Мон-гак (истя) тыҥк эснэ кучан. 22Тень мерезь, пувась, да мери тенст: примиҥк Святой Духонть. 23Кинень простятадо пежетть, сенень простявить, кинь лаҥгсо кирьдсыҥк, сень лаҥгсо кирьдезь улить. 24Кемгавтотьнень ютксто вейке, Ѳома, конанень мерильть двойнякш, арасель сесэ мартост, кода сакшнось тенст Іисус. 25Ліят тонавтницятьне мерьсть тензэ: минь неинекь Тонавтыцянть. А сон мерьсь тенст: а нейсыньдеряй Сонзэ кедьстэнзэ эсксэ теезь ратьнень, а путсыньдеряй сурон эскень ратьненень, да а путсадеряй кедем ирдизэзэнзэ, — а кеман. 26Кавксо чиде мейле тонавтницянзо таго ве кудосольть, Ѳома-як маростоль. Сась Іисус пекстазь кеҥкшка, арась куншказост да мерьсь: сэтьме чи теҥк! 27Мейле мери Ѳоманень: туик сурот тезэ да ваныть Монь кедень; туик кедеть да путыкь Монь ирьдизэзэнь да иля ульть акемиця, а ульть кемиця. 28Ѳома мерьсь каршонзо: Тон монь [ 289 ]тонавтыцямат да Пазомат! 29Іисус мери тензэ: тон неимик Монь, секс кемить: талановт апак нейть кемицятьне. 30Ламо ліят-как чудат тейсь Іисус Эсь тонавтницянзо икеле, конат апак сёрмадт не книгатьнесэ. 31Те сёрмадозь секс, штобу тынь кемевледе, што Іисусось Пазонь Цёра Христос, да кемезь, Сонзэ лемс пиҥгень-пиҥгс эрямоҥк улевель-бу.

 

Глава 21.

1Теде мейле Іисус, куломсто вельмемедензэ мейле таго невтсь прянзо Эсь тонавтницянстэнь Тиверіадань моря чиресэ. Неявсь вана кода: 2ульнесть вейсэ Симон Петр да Ѳома, конадо мерильть двойнякш да Нафанаил, кона ульнесь Галилеянь Кана ошсто, да Зеведень цёратьне да кавто ліят-как тонавтницянзо эйстэ. 3Симон Петр мери тенст: молян калонь кундамо. Мерить тензэ: мольдянок минь-гак мартот. Тусть да сеск озасть венчес, да се вестэнть мезе-як эсть кунда. 4Валськень сазь, ащи берегсьть лаҥгсо Іисус, а тонавтницятьне эзизь сода, што те Іисус. 5Іисус мери тенст: Эйдень! ули-ли тыҥк мень-гак ярцамо пелеҥк? Сынь мерьсть Тензэ: арась. 6Сон мерьсь тенст: каиҥк сетеҥк венчесть видьть пелев, кундатадо. Сынь каизь да ламо калонь понгозь сетэст-как эзь таргавт тенст. 7Тонавтницясь, конань вечкилизе Іисус, мери Петранень: те Тонавтыцясь. Симон Петр, кода марясь, што те Тонавтыцясь, карксась перьканзо нардамо (сон штаполь) да кирнявтьсь морястень. 8А ліят тонавтницятьне, кал марто сетенть ускозь, уйсть венчесэнть, — сынь ведь [ 290 ]берёктонть аволь васолольть, — кавт сядошка кенерень таркашкальть. 9Кода сынь листь мастор лаҥгс, неить вачказь тол, а лаҥгсонзо кал да кше. 10Іисус мери тенст: кандыҥк калтнэнь, конатьнень ней кундыҥк. 11Симон Петр тусь да таргизе мода лаҥгс сетенть, кона пешксель покш калдо, эснэнзэ ульнесть сядо ветьгемень колмо калт; да зняро калсо сетесь эзь сезевть. 12Іисус мери тенст: садо, ярсадо. Тонавтницятьнень эйстэ кі-як изь смея Сонзэ кевстемедензэ: кіят Тон? Сынь содасть, што Сон тонавтыцясь. 13Іисус молезь саизе кшенть да максызе тенст, калсть-как истя жо. 14Те уж колмоцеде куломсто вельмемедензэ мейле Іисус невтизе прянзо тонавтницянстэнь.

15Сынст ярсамсто Іисус мери Симон Петранень: Іонань Симон! вечксамак-ли Монь нетьнеде пек? Петр мери Тензэ: да, Господи! Тон содасак, што мон вечктян Тонть. Іисус мери тензэ: ваны Монь ревелевксэнь. 16Таго мери тензэ омбоцеде: Іонань Симон! вечксамак-ли Монь? Петр мери Тензэ: да, Господи! Тон содасак, што мон вечктян Тонть! Іисус мери тензэ: ваны монь ревелевксэнь. 17Іисус мери тензэ колмоцеде: Іонань Симон! вечксамак-ли Монь? Петр ризнэзевсь, мейсь колмоцеде кевстизе сонзэ: вечксамак-ли Монь? да мери Тензэ: Тонавтыця! Тон весемень содасак: Тон содасак, што мон вечктян Тонть. Іисус мери тензэ: ваны Монь реветнень. 18Видестэ, видестэ кортан тенть: кода тон ульнить од, — тонсь каркслилить да молилить, ков мелетель, а знярдо сыредят, кепетьсыть кедеть да лія карксатанзат, да [ 291 ]ветятанзат, ков мелеть арась. 19Нень Сон мериньзе, чарьтнезь, кодамо кулумасо Петр Пазонть шнасазо. Тень кортамодо мейле мери тензэ: мольть Монь мельган. 20Петр, удалов вачтазь, неизе мельгаст молиця тонавтницянть, конань Іисус вечкильце да конась чокшнэнь ярсамсто мещензэ лаҥгс прянзо путозь мерьсь: Тонавтыця! ки Тонть максыцясь. 21Сонзэ неезь, Петр мери Іисуснэнь: Тонавтыця! а те кода? 22Іисус мери тензэ: улиньдеряй Монь мелем, штобу сон Монь самс улевель — тонеть мень тевсь? Тон мольть Монь мельга. 23Теде мейле сратсь те валсь кемицятьнень юткова, што се тонавтницясь а кулы. А Іисус эзь мерьть тензэ: што а кулы, сон мерьсь аньсяк: улиньдеряй Монь мелем, штобу сон Монь самс улевель, тонеть мень тевсь? 24Се тонавтницясь ульнесь се, кона ёвтли теде да кона неньгак сёрмадынзе; да содатанок, што сонзэ кортамозо виде. 25Ліят-как ламо тейсь Іисус, конатьнеде весе сёрмадомсдеряй, мон арсян, весе мастор лаҥгостень-гак сёрмадозь книгатьне авольть кельг. Аминь.

 
Retrieved from "https://wikisource.org/w/index.php?title=Святое_Евангелие_(эрзянь)/В/Иоаннонь/00&oldid=524887"