Category:გივი თოდუაშ ნახანდეფი
<poem> ოდაბადე, ოდაბადე, ბრელ მაფჷ სქანდა ორაგადე, მა სი ქუგორლუაფუდა, სქანი ნინაშა მორაგადე.
ოდაბადე, ოდაბადე, სი ანდაშ დორაბადეს, ოდა, ფაცხა, მარან, კარე, ირფელ ართო დოიტატარეს;
სოთინ მუთუნი ვადოიტეს, მინდორ–გვალა ლაკადას, მითინი ბოდიშის ვეჩიებუ, ვართ თქუანს დო რაგადანს.
ოხვამეფი, გეგოზგვინჯეს, ბედია დო ილორი; მუთმასქჷდი სი უჸვაიჭარე, ხომ ქორშ ჩქინი ორდჷ ირონი.
აფხაზეთი, ჩქიმი აფხა, სქანი დინაფა მანგარი რე, ირი დღას გუმაშინექ, ირი დღას მანგარინე.
აფხაზეთიშე მუმარჩქილე; მაფშალიაში ჰაამო ხუმა ტანს ბუძგურია გემცენს დო ეშე გედირთ დუდიში თუმა.
სი ვარშუყნო ოდაბადე, წათე მაფა, ჭკვერი ქუჯი. შური უბუმუ მუშენ რექ. მუქ რე თაში დუგამუჯუ.
კინოხიანეფი ჯგირი რჸუნდუ, ქიანა იჩინენდუნ ფერი. სი ვარშუნო გერგეზი ცოტნე ვარა გიორგი ჭყოინდარი.
გაიშაკურცხი გედი ეშე, დუდ ვემეჩა ირო ლურსუ, თოლეფი ჯგირო გელეფუჩონი, ნუმ უხარენქ ტერეფს გურსუ.
ღარჯილი ვამაპალუნიანი ვათქუა დო ვამიწუა, ვარა გურქუ გომიხორცქუ, სალავათის გიფუჩუა.
ოდაბადე, ოდაბადე, ბრელი მაფ, ხოლო ორაგადე, ბრელ ცოტნე დო ჭყოინდარი ქორთხინქ, ხოლო ქუდაბადე.
Pages in category "გივი თოდუაშ ნახანდეფი"
The following 5 pages are in this category, out of 5 total.