Од пингень вий/Филянь кизэ
ФИЛЯНЬ КИЗЭ
— Которой робочкомонь председатель? — кевкстизе Филя столь экшсэ сёрмадыця тейтеренть.
Тейтересь кепедизе кудряв-пондакш прянзо, сельмензэ прок лемзёрт кившкадсть.
— Вот его стол, но его нет! — прок письмар вешкезевсь чова вальгейсэ ды чаравсь прясонзо тейтересь. Теде мейле кудрятне сравтовсть лавтовонзо ланга, комась мекев, раужо сельмензэ пезнасть ашо конёвонтень.
Филя озась столь пентень, покш паро мельсэ раны тейтеренть лангс. Филя васенцеде пачкодсь ошов ды такода муизе умарень-эмежень комбинатонть. Сонзэ сельмензэ икелев арасть Самар ошонь колмо этажсо кудотне.
«Молян, муян ошсто робота, карман тосо роботамо. Тееван промышленной робочейкс, карман покш фабрикань-заводонь строямо. Вана мезес монь ули мелем». Чи валдокс валовсть истят арсематне пря потмозонзо. Умок уш мелезэ ульнесь туемс велестэ ошов, ансяк эзь сода, кода те тевенть ушодомс.
[ 5 ]Тейтеренть седеензэ чавсь столь пентень, кедезэ кармась сорномо. Сёрмады истя, лиси лиякс. Пек тусь тейтеренть мельс Филя... «Костонь сон?» — арсесь тейтересь эсь потмованзо.
Конторась увны, прок маней чистэ нешке пире. Сёрмадома машинкатне цятордыть, прок фронтсо пулемётт, ператне чийнезь-чийнить конёвонть ланга, счётнэнь эйсэ лакштиеть — зэрть моли. Стольтне ланга портфельтне, прок тулявкст аштить, мезе эйсэст вачказь, — ансяк сонсь азорось содасы.
«Се столентень а пек курок эциве минек ялгась», — арсезевсь Филя.
Головкинэнь столесь ульнесь уголсо, вакссонзо кресла лангсо кунст каизе рунгонзо технической директорось — Щукин. Цела куця конёв икелензэ, юхсо кедезэ моли, теи подписть.
Кона-кона служащеесь чии Головкиннэнь ды кода бути мик мендевезь, а весёласто тензэ пшкади:
— Иван Егорыч, вот эту бумагу куда послать? Как сделать?
Прок седикелень пристав икеле менчеви, ансяк кадновсь меремс: «Господин Головкин»...
Головкинэнь кургозо мизолды, прязо валаня, прок цянавонь.
Филя кувать вансь те картинанть лангс, мейле стакасто укстась: «Мекс Соин ломанесь аволь истямо? Ведь Соин седе важной начальникесь».
Филя Соинэнь содасы, сон роботы велень-хозяйствань ды вирень робочеень союзонь [ 6 ]крайкомсо кадрань секторонь заведующейкс. Ломанесь вадря, кортыця, пачк пейдезь ладсо ваны ломаненть лангс, прок мерят кежензэяк а эрсить.
«Эх, мон эзинь тонавтне сёрмас, мон бу невтевлинь, косо тельня эрить ракатне». Мейсь ёвтынзе не валтнэнь Филя, сонськак а соды.
Столенть экшстэ тейтересь чиремтизе прянзо, прок пелезь, салава ваны Филя лангс. Филя, прок лаки котёлсо, верев-алав кепсеви. Глушков варштась Филя ёнов, вановтозо истямо жо чевте, кода крайкомсо Соинэнть, ансяк эзь пеедть Соин ладсо. Тейтересь конштась керш сельмсэнзэ Глушковнэнь, Глушков комась столенть вельксэс. Филя пейсэнзэ чикордсь, мекс тейтересь кортни Глушков марто. Глушков пейдезевсь ды тусь тейтеренть вакссто.
— Вот он, председатель, — пшкадсь тейтересь. «Тывтырк» мольсть сельмензэ. Те цитнемась кирвастсь пси тол Филянь потс. Филя арсесь мадстемензэ толонть, сон седеяк теевсь потмозонзо натой а кирдевемашкакс.
— Как твой имя? — кевкстизе Филя тейтеренть лемензэ.
Тейтересь пейдезевсь, истя жо жарс каятотсь, седеяк якстерьгадсь чамазо.
— Мейсь тонеть? Катя монь лемем, — кармась кортамо эрзякс, ды сорновтынзе прясонзо кудрянзо. — Тон костонят?
Филянь кургось прок зоря. Ансяк кортыксэль мезть бути Катянень, се шкастонть ваксозост мольсь Глушков.
[ 7 ]— Мон тонеть, товарищ Глушков. — Филя венстизе крайкомсто конёвонть.
Глушков сювордызе конёвонть, стамбарнэ калавтызе ды ловны: «Тов. Глушков! Устрой его, он член нашего союза, я его знаю — парень надежный». Глушков варштась Филя лангс ды стакасто укстазевсь. Филянь алсе турвазо сорнось, сельмензэ тусть стенатнева мезень бути вешнеме. Глушков стиксэль столенть экшстэ, мекев озавсь ды коцькердезе човонензэ.
— Нать а надият муемс монень робота? — пелезь пшкадсь Филя.
Глушков пейдезевсь.
— Роботанть мусынек...
Глушков ванькстазевсь, Катя пейдезь варштась ды пшкадсь:
— Сон «Красной озерав» роботамо моли?
— Ки?
— Вана те цёрась.
Глушков эщо варштась Филя лангс, мейле пейдезевсь Катя ёнов. Катя кеместэ неждизе мештензэ столентень ды утякстни рунгонзо эйсэ. Филя аштесь прок вирь чиресэ пиче. Мазый ды куратной рунгозо неждезь столь бокантень.
Катя содась, што сон моли робочкомонь председателькс «Красной озерав». Седе мейле Катянь икелев теевсь роботамонь план: «Пурнынзе весе совхозонь робочейтнень, теи тенст доклад профсоюзонь задачатнеде, вете иень планонть ниле иес топавтемадо. Робочейтне кургост автезь кулсоныть ды цяпить».
[ 8 ]Катя эсь потмованзо яходи кедьсэнзэ ды седеяк кеместэ ёвтасы валонзо: «Минек задачанок: маштомс чисэ роботамонть, кармамс роботамо сдельщинасо, ударнасто ды эряви пелькстамс вейке-вейке марто. Робочейтне тошкить пиледе пилес, кевкснить вейкест-вейкест: мезе ударничествась, соцпелькстамось ды сдельщинась? Седеяк капшазь Катя ёвтни сдельщинадонть ды ки мезе эзь чаркотть. Катя ваны, перьканзо пурнавить робочейтне, специалистнэ ды администрацияськак. «Масторонть мекевланг велявтсынек», — цют-цют аволь вайгель марямга ёвтынзе остатка валтнэнь. Теде мейле пек визделгадсь: зяро шка ютась, сон эзь отвеча а Глушковнэнь, а Филянень, ансяк вансь икелензэ картинантень. Глушков ломанесь покш, лавтовонзо кеметь, мештензэ прок кузницясо наквалина.[1] Неяви, што цёрась ульнесь робочей.
Глушков озась Щукин ваксс, салава ушдсть тошкамо. Катя кандсь Филянень стул. Щукинэнь шкань-шкань ашолдсть курксо пеензэ, шкань-шкань кежейстэ сормсесь конянзо ды а мельсэ чаравтнесь прянзо. Филя фатясь, што Щукин пеедсь председателькс Катянь молемадонть, прянзо яхоесь сестэ, зярдо Глушков алтызе Филянь «Красной озерань» участкантень лишмень кардаз лангсо покшокс. Щукин малавгак эзь соглася.
Глушков стакасто стясь вакстонзо, покш шагасо тусь Щукинэнь эйстэ ды кежейстэ вансь кияксонтень. Глушков кавто ёнов чиремкшнесь [ 9 ]молемстэ, мелезэ ульнесь аксордамс Щукинэнь чамас.
— Ну, Кузнецов ялгай, тевтне берянть: а саить эйсэть заведующейкс... Кадык эно, азё роботак огородникекс, тонавтнек Катянь пельде профроботантень. Члентнэ тосо аволь ламо, батрактнэнь весе приминк членкс, ансяк ванодо, аволь минек ломань илязо эце... Азё, брат...
Филя лепштизе прязонзо шапканзо ды тусь кенкшентень. Катя столь экшстэнть вансь мельганзо...
Омбоце чистэнть ансяк валдомсь чи лисемась, Филя сыргась «Красное озеро» учаскантень роботамо. Чись кепететсь менелентень, прок горнасо кшни калявсь.
Филя моли кияванть, валскень росась сырнень повнэкс цитнесь пильгалонзо. Каршонзо ютыть ломанть, цёрат, ават, от ды сыреть. Шалность кинть кувалт молицятне. Филя яла кулсонось. Ломантне эрьва мезть «тапаясть». Ужаксць Филя. Седеяк ужаксць, кода ледсть мелезэнзэ валтнэ: «Кулат вачо роботасост». Не валтнэ тапасть пря потмонзо, пиштяканть, мекевлангс велявсть удемензэ.
«Молемс эли велявтомс?» Лоткась кинть куншкас ды стакасто арсезевсь. Ледсть мелезэнзэ кулаконь кедсэ эрямотне, истя жо лыйкадевсть сельмензэ икелей кудрятне, раужо лемзёр сельмтне ды теке марто тусь совхозонь участкантень.
Шкась ненастия. Экше варма коштось пуви пелевестэ. Чись кекшевсь пельтне экшс, човинестэ сувтни менелесь пизементь. Вецана пельтне [ 10 ]бойкасто уить обед ёнов. «Красной озерань» участкасонть шалашдо башка Филя мезеяк эзь ней, ансяк ве пеле розна сравтозь колмо кудот, нетькак виев вармасто секень вант кукольдить пряст лангс.
«Шайтят содасызь, косо робочеест эрить. Ков иля варшта, ансяк пакся неять», — пшкадсь вайгель марямга Филя. Ваны, Самарканть чиресэ саразонь пильге вельде, ёвксонь ладсо, поводесь кудо, а ламнеде бу токамс, истяк кевиревель латко потмаксонтень.
Те кудосонть участковой конторась. Тезэнь сави совамс. Филя оконики чаркодсь, мекс робочейтне тусть кудов: арасть квартират. Вейкеяк робочей а эри квартирасо, специалистнэяк удсить 5 километрат конторастонть. Эрьва чокшне роботамодо мейле колмо-ниле лишметь молить специалистнэнь ускомо кудов. Эрьва валске кисэст эряви молемс.
«Да, — арсезевсь Филя, — ламо робочейть туить совхозстонть, седеяк ламо эрьва чистэ сыть...»
Пой лопатне пикстердить вармадонть. Валскень экше коштось кутмордызе Филянь. Филя стясь сех рана, эщо сборной пунктсонть кияк арасель.
Молемс ульнесь а ков. Сон эвкстынзэ кедензэ ожа потмозонзо ды стамбарнэ кармась морамо:
Комбайнась завод |
«Ванта, моронь ледсеме маштан». Филя эщо кавтошкаксть морызе эсинзэ складявт моронзо.
[ 11 ]Паксянть нучк, прок карцяган ливти айгорось. Филя варштась, каретась уш ульнесь маласонзо. Яблоновский — совхозонь директорось — валксь конторанть кустема пес. Лишменть конюхось саизе кардов.
— Дон! Дон! Дон!.. — каятотсь баяга вайгелесь паксянть келес.
Яблоновский чокшне уш нарядонть сёрмадызе, ней ансяк кадовсь яволявтомс.
Дядя Костя — старшей огородник совхозсонть — нежедсь столь пентень, кедь санонзо пиксэкс тапардавсть кедензэ кувалт. Филя виздезь вансь лангозонзо. Костя исяк неизе Филянь, сеск фатясь, што ломаненть ули мелезэ пшкадемс, ансяк а кона ёндо ушодомс.
— Сыть уш? — кевтизе дядя Костя.
— Сынь дядя Костя, — ранкстась Филя.
— Косо удыть?
Филя варштась дядя Костянь чамас.
— Олго омётсонть квартирам, — пшкадсь Филя. Лексят олкнэнь потсо, пулесь вади кирга пареть, кургозот прок сэпе чулгови нартимс тикшетнестэ. Сельгеть а нилеви, уксномат кепсетеме кармить.
Филя кортась стамбарнэ, кежень сазь таркасонзо а аштеви. Кинь лангс кеж кирдемс — азды.
Дядя Костя неизе Филянь сельместэ паронть, тусь вакстонзо. Филя вансь мельганзо.
— Тон исяк морковт таргить? — кевкстизе Филянь Яблоновский.
Яблоновский Филянень неявсь аволь минек [ 12 ]ломанькс, сонзэ сельмензэяк ваныть аволь истя, кода дядя Костянь. Мелезэ ульнесь сёлгадомс мартонзо, ансяк а соды мейсь.
— Тече ков молян робочеень марто? — пшкадсь Филя.
Сонзэ вакссо ульнесть кеменьшка ломанть, буто бойс пряст анокстызь: учость робота, аштесть конторанть вальмало.
— Течи садонтень мольдядо умарень кочкомо, — приказась заведующеесь ды туемстэнзэ трокс варштась Филя ёнов.
Робочейтне косо аштесть, сезэнь ёртызь кедьстэст коймтнень. Филя лиссь конторастонть.
— Касто саемс карзинкат? — куродызь робочейтне Филянь.
Талакадсь Филя, мезеяк а соды, а соды мезе тенст ёвтамс, а соды, косто саемс карзинкатнень.
— Аштеде муян, — макссь вал робочейтненень, сонсь бойкасто чиезь напутстясь. Ков — сонськак а соды.
Чись куйсь паро завторкс, струянзо ваясть Самарка леентень. Совхозсонть шалт, сеерить карадо-каршо ломанть, парыть скалт, калськаить модантень крандазтнэнь ало чарытне.
Истямо шалтонтень мезеяк а чаркодят, кияк а соды, мень те шалт. Ки косо, мезе роботы, — те мельга ваныця арась, арась ответчицяяк. А кинь чумондомс, а кинень чумонтнемскак.
Филя паметтеме чийсь робоченстэнь.
— Адядо минсь пурнатано садстонть карзинкат, — макссь каманда робочеензэ туртов. Сонсь [ 13 ]икелев чии, робочейтне мельганзо. Куроксто появасть карзинкаткак, ушодовсь роботась.
— Кона шайтянсто саят! — пиже-ожо вайгельсэ пижни Морозов огородник.
Морозов специалистэсь од, сонськак аволь сыре. Ливезь пар потсо теевсь: чийни, вешни коймть. Течи сонзэ кучизь морковонь таргамо, исяк роботась садсо. Исяк эрявсть карзинкат, тече эрявить коймть. Коймтне арасельть секс, што чокшне кинень козо паро, сезэнь бытнувтсы ды туи, тоско кадсы.
Морозов яходсь кедьсэнзэ, сювордась колмо этажсо вал, кадынзе робочейтнень ды тусь кудов. Робечейтне кувать учость эйсэнзэ, морасть. Вайгелест мазыйстэ каятодсь леенть чиресэ тусто вирентень, мейле вейтень-вейтень срадсть.
— Кона чортов те порава кадсынк роботанк, дармоедт?... — Дядя Костясь эщо покордамо валт ёвтыксэль ды оймась, эзь ёвта, прок кель прязо сусковсь.
Чизэ эщо ульнесь вере. Робочейтне ордадсть, а роботыть, кудовгак а туить, эрьва кода савтнить дядя Костянь кежензэ.
— Вачо што ли тенк роботамс? Чей минь аволь каторжниктяно? — лажакадсть мирём. Не валтнэ скирить дядя Костянь. Сэредьксэсь шкань-шкань чии седеезэнзэ.
— Мейсь вачо? Комсьветее ломань тусть кши мельга ошов, — дядя Костя снартнесь кортамост робочейтнень. Сон содась, што тевесь а истя ашти. Комсьветее ломань тусть кши мельга, яла теке [ 14 ]жаловняст моли, остаткатнеяк а роботыть — ярсамо пель учить.
— Не ломантнень самс вачо аштемс эряви. Кинень пек питней тынк роботанк, минь чисэ роботатано. Чись ютась се минек. Тече роботатано, валске — кудов. Ки мезе теи? Ней куш косто робота муят, — калгасть робочейтне дядя Костянь. Истя скирясть агрономтнэнь, огородниктнэнь.
Ансяк аволь Костянь кондят остатка агрономтнэ. Сынь яходить прясост, кедест путсызь котмерезэст ды вешкезь туить, мельгаст — кинь ков мелезэ робочейтнеяк.
— Нардынк нолгонк эсинк судалдо. Эсинк сельместэ чувто а нейдядо, ломань сельмстэ тарат редиде, сень невтнетядо.
Робочейтне Филянень кортасть, мезе ансяк кель прязост понгонесь. Филя аштесь икелест ды эзь ёвта ве валгак. Истяк сёвнозь срадсть рабочейтне.
Филя кувать прянь нолдазь аштесь ськамонзо. Конясынзе сельмензэ, яла теке неявить эрьва кодат тамашат совхозсонть. Нейсы, кода кассась ярмактнэнь явше сененьгак, кона эзь нузялдт само ошсто эли велестэ ярмаконь получамо чистэ. Филянь сельмс эцить олго омётнэ, сэпев пулесь. Аксорды, яла теке сэпесь а машты кургстонзо.
Зяро робота эщо можналь теемс, — тошкась эстензэ Филя. Сон сеедьстэ ванось менелентень, чинть лангс. Варштась, перьканзо умартне кадовсть карзинкатненень, сынь матравить, валскес ёмить а мезень кис.
[ 15 ]Чись салава кекшевсь менельстэнть, нолдынзе струянзо пандонть удалов. Сынь а цитнить лейсэнть, а пидить Филянь човонензэ. Филя стамбарнэ сыргась олго омётнэнень.
Валскесь ульнесь сэтьме, чи лисемась палсь якстере толсо, пельтне истя жо тустосто ютыть, кода ютасть исяк. Сынь ютыть чи валгомав ды бойкасто, прок волнат иневедьсэ, лангсек-лангсек чавовить вейкест-вейкест эйс.
Филянь эйстэ умок уш удомась тусь, умок уш велявтни боканзо, пря потмозонзо эцить исень арсематне. Тапардызе прянзо пинжаксонзо, яла теке эзь матедевть, савсь тензэ стямс. Ёртызе лангстонзо олго куцянть, пулев сювась эцесь эрьва козонь — киневти теланзо эйсэ. Лиссь олгтнэнь потсто, прок овто сорновтнинзе понксонзо-панаронзо, черензэ пешксеть сювадо. Кувать котьмась олгтнэнь бокасо.
— Илядо яка роботамо. Пильгеть вентьсыть те совхозонтень. Адядо кудов, — каятотсь вайгель олго омётонть омбоце бокасто.
Филя мольсь ваксозост. Ведгеменьшка ломань куцяс пурнавсть, прок алкуксонь промкс. Эрьва мезть толковить: конат советэнь властенть проклянить, конат «властительтнень» тантарары нолдыть, кодаяк а чаркодят. Филя эцесь юткозост, ноки лисемс куншказост ды сергедемс, зяро ули виезэ.
Чизэ куйсь уш чувтонь сэрь, варма коштось костизе росанть, робочейтне яла талность ве таркасо.
Конат-конат уш сюлмсизь мешокост [ 16 ]котмерезэст, алкукс пурнызь-сэрнизь пряст, нокить срадомо кудов эли лияв роботамо.
— Тынь нузялгадыде, тармаскадсть карязонк роботадонть? Ки советэнь властенть каршо? Ков пурныде-сэрниде?
Филя, прок оратор, смелгадсть ютксост, сонсь теке моданть пачк трисподни тусь. Мелезэ ульнесь ношкстамс, ансяк пильгензэ неждинзе мастор чамантень, мерят прок корёнт нолдасть, натой вестькак эзь чиремтькак.
— Иля сорновтне понкс одарот, — пшкадсть ломантнень ютксто.
— Советэнь властенть каршо кияк а моли, ансяк властительтне теить аволь истя, кода мерсь Ленин.
— Мезень кис тесэ карматано стомавомо?
— Косо карматано сёксестэнть удсеме?
— Мелетькак моли ошсто кшинь кандтнезь.
— Кудосо роботатне ней прядовсть ярсак ды сельгенек потолокс. Истя ведь однасум? — вализь Филянь эрьва ёндо валсо.
Сон кепединзе сельме керензэ ды таго арсе кортамо. Се шкастонть мольсь Яблоновский. Сон нежединзе пеке боказонзо кедензэ ды кулсоны, мезть кортыть робочейтне.
— Филип, — ранкстась Яблоновский, — твое дело итти на работу. Раз не хотят работать, хотят, чтобы им давалось дарма, пусть ищут. В старое время бывало топнут ногой, и всю шваль рукой смел бы, а то дали им повадку, уговаривай теперь их.
[ 17 ]Яблоновский якстерьгадсь, пек састь кежензэ. Трокс варштась Филя лангс. Комавтызе картузонзо сельмензэ лангс ды тусь.
Филя пек арсезевсь Яблоновскойде. «Старое время» валтнэ сокардызь потмонзо. — «Мейсь ёвтынзе не валтнэнь — азё вешник», — салава кортась Филя.
— Истямонть истя, ялгат, ансяк ки тесэ карми роботамо, бути весе тутанок?
— Тынь варштадо, — пижни Филя, — зяро пакся перьканок, те весе минек тынк марто, сон ёми а мезень кис.
Филя кирвазсь, мерят вина цярка каясть потмозонзо, жар кармась пултамонзо, верезэ мик, пиштяканть, лаказевсь, пильге санонзо сеедьстэ кармасть чавомо, арсесь а саты виезэ аштемс пильге лангсо.
— Кадык чады ведь мельга туи, — пейдезь пшкадсь ломантнень ютксо ки бути.
Ломань куцясь шатазевсь, юткстост лиссь Шишкин Митя. Черензэ, прок цилигат дубушки стясть, неявсь, што кежейстэ карми кортамо. Ушось општ мольсь, ансяк озяст чоледсть олго омётонть велькссэ.
— Ки чады ведь мельга нолды совхозонть, кинь арась мелезэ роботамо, — илядо машневте минек эйсэ. Кадымизь! Кияк а мери, што арасть стака таркат совхозсонть, сынь улить. Вейсэ, ансяк вейсэ минь не а сатыкстнэнь маштсынек. Мон... а туян...
Митя стамбарнэ ёвтызе остатка валонть. Те валось неркстынзе сельмс не ломантнень, конат [ 18 ]калавтсть тевенть. Теде мейле ламо каизь котмерстэст сюлмотнень ды гурьбом тусть сборной пунктонтень. Ветешка ломань букакс пряст нолдызь модантень ды тусть станциянть ёнов.
— Роботадонть, прок шайтянт ладонь чинеде, пелить! — рангстась мельгаст Митя.
Сборной пунктсонть истямо жо шалт, истя жо нокить туеме. Кодак човорявсь те армиясь юткозост, истяк шалтось маштсь, ансяк вейте-вейте вайгель рангстнесть а сатыкстнэде.
— Ялгат! — рангстась Миргалей. — Совхозось организовазь ансяк тедиде, ламо а сатыкс тарканзо. Совхозонтень эряви панжомс коперация, коната бу теск максоволь кши, сахор ды лия продуктат.
— Учок, бабань пеште кургот трокс таргить ды порть эйстэнзэ!
Народось весе раказевсь.
— Сень нать а нейсынк, зяро кенде пекеть тетькить совхозонь ули-пародонть?
«Кить не кенде пекетне?», — арсе эсь потмованзо Филя.
— Удситькак садсонтть! — таго пижакадсть.
Филя а ламодо чаркодсь, што совхозсонть кудотне эйсэ эрить заведующеень роднянзо: братозо, ватазо, своякозо. Лангозонзо кельме ведь валовсь, рикстядизе рунгонзо.
— Не кенде пекетнеде карматанок кортамо мейле. Вана кооперациянть эряви панжомс.
— Тонть, Кузнецов, аравттадызь. Азё хлопогак, — рангстасть весе ды секе марто срадсть [ 19 ]паксяв роботамо. Весе кармасть модань паксорямо, модарькань таргамо.
Филя ськамонзо. Превензэ велить, прок чары реве злыдарди, шешки ве таркасо. А соды, кона ёндо кундамс кооперациянть организовамо. Заведующеентень виздсь молеманзо. Ледсь мелезэнзэ союзонь организациясь, робочкомонь председателесь, Катя. Ледсть мелезэнзэ Глушковонь валтнэ: «Катянь пельде тонадат роботамо».
Ёвардызе Самаркасонть чама кедензэ ды покш паро мельсэ напутстясь Катянень.
Валсь валдонзо чись менельстэнть, пси коштось човалякс налксесь венелькссэнть, вармась сэтминестэ лымбакскавтнесь вирьсэ чувтнэнь. Филя кенярдозь чийсь Катянень, норовжорчтнэ чольдерсть пря велькссэнзэ.
Катя ансяк мадсь оймсеме, сон сизесь. Уды таркасонзо, сэрей рунгозо ваясь таркантень, шождынестэ таркси оймензэ; састо, ровнасто кепсеви мештезэ.
Филя умок уш совась Катянень, ней ашти велькссэнзэ. Катянь човине чамазо вельтизь прястонзо новолезь кудрятне. Мелезэ ульнесь цопадемс Катянь, сювордамс беремазонзо, ансяк соракадсь седеезэ ды стамбарнэ-стамбарнэ пшкадсь:
— Катя... Катя, — токизе Катянь, прок икра рунгонзо эсинзэ рунгова коткодавт бузмолгадсть. Катя панжинзе сельмензэ.
Валдомсть Катянь сельмензэ, прок тешть чопода вене цитнесть, чамазонзо теевсь апокш мызолкс.
[ 20 ]— Шумбрат, Кузнецов ялгай!
Катя кирнявтсь таркастонзо, кеместэ сювордызе Филянь вить кедензэ.
— Вана, — кармась кортамо Филя, — робочейтне нокить туиме совхозстонть, а косто саемс кши, сахор ды эщо кой-мень продуктат. Минь арсетянок организовамо кооперация, секс сынь тонеть. Мон а содан, кона ёндо кундамс.
Филя арасель истямо тевсэ зярдояк, эзь кортне сёрмас содыця ломань марто, визди ваномс Катянь сельмс, визди Катядо. Ледсть мелезэнзэ неть иетне, зярдо роботась кулаконь кедьсэ, ванкшнось стадат. Велесэ эзизь лово ломанькскак, покордылизь мейсэ понгсь. Не а паротне кевень пандокс вачкавсть Филянь пряс, апак фатя листь сельведензэ, прок лисьма прясто ведь, кевердсть чамаванзо алов пандт. Пурдызе бокав прянзо, салава Катянь эйстэ нардынзе сельмензэ.
— Ламоксть уш сёвнынь заведующеенть марто тень коряс. Ськамот мезеяк а теят, арась активесь эщо, — мерсь Катя ды шаштсь Филя ёжос.
— Содазь аволь вадря. Мон ведь нейсынь, робочейтне кшинть сисем вайгельбеть кандыть котмерь лангсост, — таго кармась кортамо Катя.
— Актив совхозсонть ули, — пшкадсь Филя. — Монь ёно ламо алкуксонь робочейть, ансяк сави мартост роботамс.
Филя мендезе пильгензэ ды каизе вить кумажанть лангс. Мейле кувать мокшнасонзо лоштнесь пильгенть ланга.
[ 21 ]— Давай, Катя, пурнатанок союзонь промкс, сёрмадтанок постановления, штобу минек совхозс панжомс ларёк. Вачо робочейтне тенек а кирдевить, сралить ков понгсь, ёмить весе эмежтне паксяс. Кулсономак, Катя. Совхозсонть покш обезличка: кияк мезень кисэяк а отвечи, роботыть чисэ. Те аволь робота — ансяк пряст кайсить тей-тов, штобу чись ютазо седе курок, сдельщинадо кияк а содыяк. Бути робочеенть улеме кармить истят эрямо условиянзо, сонзэ кедьстэ а кода ды а кона ёндо вешемс вадря робота. А ули се шкас ударничества, зярс администратортнэ а ютавтыть единоначалия, зярс арась вейке отвечиця тевенть кис. Думак тонсь, Катя, истя роботазь, кода роботатанок ней, совхозось калады. Прок саразт почаксыть, ве таркасто — туить омбоцес. Истя вана моли тевесь, истя роботыть минек робочейтне. Ки чумось? Чумотне минсь. Минь эщо а машттанок вадрясто тевень ветямо...
Катя яла кулсонось, прянзо алов нолдызе, кудрятне новольсть прястонзо.
— Чокшне кото часосто тейдянок промкс.
Филя стясь, куратной рунгозо рисмекс видемсь Катянь икелей, венстизе Катянень кедензэ, Катаяк стясь, лиссь ильтемензэ.
Катя совась кудов, комась вальмантень ды вансь Филя мельга. Филя ёмась сельмстэнзэ вирь чирентень. Катя прок кельме ведьс чопавтсь. Прязонзо каявсть мень бути думт: появи икелензэ Филя, совхозось эци сельмезэнзэ, эли заведующеесь боцька пекензэ марто сёвнозеви.
[ 22 ]Филянь мелезэ ульнесь велявтомс мекев, ёвтамс потсо валонзо, кода сон вечксы Катянь. Друк, прок изамо пейсэ нерькставсь седеезэ, мик кирнявтовсь а ламошкадо верей; ледьс мелезэнзэ совхозсь, панжсь сельмензэ икелев се омутось, козонь может ваямо совхозось. «Аволь шка ней тейтерде думамс», — мерсь эстензэ ды сыргась роботыцятнень ёнов.
Менелесь, прок сэнь паця ацавсь. Виресь лажнось вармадонть, вармась шкань-шкань кежейстэ вачкодеви чувтнэнень. Вирьсэнть чувтнэ мендевить ве пелев ды састыне-састыне видемить одов. Се шкастонть пиже лопатне каштордсть, прок горниповт, мазыйстэ чоледсть озятне... Филя яла теке эзь кулсоно эйсэст.
Сон ашти прок иневедьсэ, вармась кежейстэ перьканзо тапардавсь. Ансяк сон мартонзо, ансяк сон вешки вакссонзо озязтнэ марто, весёлгавты эйсэнзэ. Варшты перьканзо, киньгак а неи, потомдасынзе пилензэ, яла теке вармась маряви.
«Вадрянть учомс а косто. — Филя пезнавтынзе суронзо черезэнзэ, сельмензэ тетькинзе плошкакс. — Поводемс кирганть те моргонтень... Мезень кис мастор лангсо эно эрятанок? Чиде-чис тейдяно вадря эрямо, сон кодаяк миненек а тееви. Зяро иеть эринь ломань кедьсэ, кирдинь вачо пеке, кандынь штапо ланго. Ней минь азортнэ, таго вачотанок-штапотанок. Нузялтнаок эсь прянок андомс, оршамс. Зярошка пакся, сон кадови, наксады. Тельня мезде лопнямо карматанок? Эх... Лучи уш а мешамс мастор лангсо»...
[ 23 ]Филя арсесь: «куш вете промкст пурнак, яла теке мезеяк а лиси, малавгак аволь вейкеть ломантне — вейке корты истя, омбоце лиякс. Зярс иля робота, яла теке кулат, кияк а ледстянзаткак, кияк паро вал а ёвты...»
«Кулан теск совхозонтень, яла теке велев таго роботникекс а молян» — ютась пряванзо ёндолкс...
Сюлмизе пиксэнть киргазонзо, арсе куземс чувтонть пряс ды килькштямс пикс пенть моргонтень, новолемс чувтонть прясто. Варштась паксянтень, паксясонть тветить чинжарамот, пейдезь ваныть чинть каршо... Стакасто укстась:
«Тьфу!.. Овсе новольсть кедень-пильгень». Укстизе пиксэнть киргастонзо.
«Эх, руця понкс! — ранкстась эстензэ ды вачкодизе пиксэнть мастор ваксс. — Ну, мезе мон арсень тееме? Мон бу ёмавлинь, яла теке масторось а ёми, яла теке ломантне кармить эрямо. Мон улян профсоюзонь кеме членкс, карман бороцямо, роботасост обезличканть маштомо.»
Озась чувтонть ваксс...
— До-он!.. До-он!.. До-о-он!.. — каятотсь баягань вайгель паксянть келес. Чавсть кото част.
Филя лиссь вирьстэнть, стакасто эскельдязь мольць олго омётонть бокас. Робочайтне умок уш пурнавсть, прядызь роботаст, сын поксарить олгтнэнь потсо, прок тулявкст.
Мезе ютась Филянь прява, кияк а соды, яла теке аволь истямо смел, кодамо ульнесь.
— Ки моли промксов? Союзонь члентнэнень обезательна молемс, — пеень сускозь пшкадсь Филя.
[ 24 ]— Таго? Прок чова ловажасо келенть човить, лезэ косояк арась. Улевельгак эрьва конань эсинзэ, умок пурнавлизе-сэрнявлизе, меньгак промскак аволь эряв тензэ.
— Кадык тетьксить кель варяст. Миненек ведь чись ютась — 2 целковойть 50 трёшник пандт...
— Сынь промкс, заведующеесь сынст — сявдикска.
Весе раказевсть.
— Проповедничамс тесэ а мезть, раксемскак а ки лангсо. Вана саемс куш тонть, Ларионов, — кежейсто Филя невсь Останков ёнов.
Останков прась пекензэ лангс, трокс варштась весеме ёнов.
— Народонть кургост а потомдасыть, — пшкадсь Останков ды кармась чова олгинесэ пей сывелензэ карамо.
— Тон кеж иля сай, — кармась кортамо Федянь Эхрем. — Тон, прок боров ярсамодо мейле валяят. Жаловнят, мерят, 2 целковойть 50 трёшник? Роботамо лиснить тече? Эзить лисне, проклит саензат! — Эхрем нерьксни Останковонь.
Останков почаксась чаво олго колосонть.
— Валске спискас понгсь, мезе эщо эряви? — раказь пшкадсь Абрахимин Коля.
— Осипов, адядо сыргатанок, — рангстась Татаринцев.
Осипов тей-тов кайси прянзо — молемс а молемс?
— Молят эли тармаскадыть тезэнь? — стамбарнэ кучкордызе Коля Осиповонь.
[ 25 ]Осипов стясь, каизе лавтов ланганзо каладышка пинжаконзо.
— Адядо уш, молян, мезе ансяк монь пельде лезэсь?..
— Лезэсь весемень пельде зяро. Молемс эряви, может алкукскак мезеяк вадря теить.
Лись Маша ломантнень ютксто ды кежейстэ эськельдязь тусь икелев.
— Вана авась... — Эщо мезть бути кортыксэль Коля Абрахимин, буйкстась келезэ, силой нилизе сельгензэ ды пшкадсь: — Адядо, а мезть учнемс. — Сонсь истя жо, кода Маша келейстэ эськельдязь тусь мельганзо, куш аволь мельсэ.
Весе члентнэ сыргасть промксов. Промксось ульнесь яволявтозь конторантень, заведующесь эзинзе нолда.
Ломантне яла промсть. Катя, прок нарвицька ципаканзо ютксо, ков туи — тов мельганзо либурдыть.
— Ладось ковгак а маштови, а косо ютавтомс промксонть. Директорось таго эзимезь нолда, ков ней молемс?
Катя палсь пси толсо, куратной рунгозо свечакс видемсь.
— Мезть ней тейнемс? — таго рангстась Катя.
— Сралемс а эряви! — мезе ульсь виезэ рангстась Зюзин.
— Онот Самарканть чиресэ олгонь шалашось, адядо тов.
Зюзин сыргась, мельганзо пиксэкс таргавсть мельсек-мельсек тусть шалашонтень.
[ 26 ]— Якак мельгаст, прок уроз, — Осипов тошки Мясниковонь пилес.
Филя тутмадизе бокас Осиповонь. Осипов тандадсь, трокс варштась, Филя пейдезевсь.
— А эряви, мерят...
— Иля кортавт пеень, сынь а сэредить, — кежейстэ пшкадсь Осипов.
— Тонть мелет арась промксо улемс — иля яка, ансяк аздан мейсь ломатнень тердят, — судонзо кармась човамо Коля.
— Мень лезэ максы промксось, бути азортнэ сур юткова ваныть хозяйстванть лангс?
— Ки азорось, тонть койсэ? Азортнэ минсь. Вана те промкссонть таргамс ванькс ведь лангс не ломантнень, конат нарошной теить не а сатыкстнэнь.
Колянь пек састь кежензэ. Пори камакшонзо. Мелезэ ульнесь покордамс Осиповонь, ансяк варштась эщо весть лангозонзо ды тусь эйстэнзэ ве пелев.
Катяяк лоподсь, прок тюря чапамо ловсос. Новольсть кедензэ-пильгензэ, а надии промксонть ютавтомо.
— Ну, столесь анок, — пшкадсь Катя. Столенть лангсо модарька лукшт, кши паморькст.
— Промксонть ловса панжозь! — серьгедсь Катя, сонсь кенярдозь вансь весемень лангс.
— Эряви кочкамс президиум, — таго пшкадсь Катя.
— Шустовонь! — сергедсь удалдо Нарчук, вайгелезэ цятордозь-цятордсь, сакалонзо прок лияназ пелькст яхоесть мештеванзо. Сон сех сыре [ 27 ]ютксост, профстажозояк сех покш. Ламо иеть роботась помещикень кедьсэ. Мейле кулаконь кедьсэ, ламо иеть вансь стада. Ламо нужа нейсь, ламо горя, кирсь, ламо сельведь правтсь нужа чиденть, кулактнэде, помещиктнэде. Октябрянь революциястонть васняткеяк Вельцовонь пилензэ печкизе сон, менсь кедьстэнзэ — оргодсь, эзь чавов тензэ. Ледить мелезэнзэ не тевтне, седеезэ потятомо карми, сельги кежень сазь, яходи кедьсэнзэ ды туи тевензэ тееме.
Шустов вансь лангозонзо мельсь паросо, пейдезь. Сон ломанесь од, тонавтни институтсо, сась практикас совхозонтень. Шустов козкстась. Промксось весе вансь лангозонзо. Нать учость пельдензэ вал, Шустов мезеяк эзь ёвта.
— Кузнецовонь ды Ермолаевань.
— Сатыть! — удалдо сергедсь Абрахимин Коля.
— Кияк не кандидатнэнь каршо молиця а ули? — кевкстизе промксонть Катя.
— Арась! — лажакадсь весе промксось.
Промксось бузмолгадсь, столь экшентень появасть Кузнецов Филя ды Шустов.
— Повестканть лангсо, вопросось... — ёвтызе промксонтень Шустов.
— Саты, саты!.. — лажнось промксось.
— Васень валонть макссынек Кузнецовнэнь, — пшкадсь председателесь.
— Давай, Кузнецов, кортак, — мерсь Катя.
Филя лангс прок пси ведь валсть. Талакадсь алясь, сельмензэ позакадсть, ломатне икелензэ неявсть пандошкат. Сон тейгак, товгак мендясы [ 28 ]рунгонзо, жарс ды кельмс каяты. Стиксэль, варштась, ваныть лангонзо. Учить вал пельдензэ. Озась мекев.
— Кортак давай, мезть янгават? Мирденень што ли эйсэть чиявтыть? — раказевсть ломантне.
Филя седеяк новольсь, варштась Катя ёнов. Катя конштась: «кортак». Филя фатясь, оконики стясь таркастонзо.
— Минь совхозсонть ломантне аволь умонь, совхозоськак аволь сыре. Секс мон васняяк карман кортамо а сатыкснэде. Арась кооперациянок, те — васень а сатыксэнек. Монь койсэ вана мезе сави теемс: кочкамс комиссия ды эрьва рабочеентень эряви совамс членкс. Комиссиясь кадык валске жо хлопочи кши, табак, сахор, ды лия эрявикс продуктат.
Филя лоткась кортамодо, пильге санонзо сорность, сельмензэ штердезь-штердить, ёлдорсо кавто ёнов кайсевить.
— Вейке уш истя хлопочась! — рангстасть удалдо.
Филянень пе сась; арасельть валонзо, мелезэ ульнесь напутстямс, маштсь, пиштяканть, паметезэ, стувтызе кода озавсь эзем пентень.
Нарчук якстерьгадсь, кавксть полавтызе тарканзо, ёзась вейс пильге пекензэ. Мелезэ стямс кортамс, ансяк а панжови кургось, а муи истят валт, конатнесэ бу тармаскавтовлизе се ломаненть, коната пижакадсь удалдо, што а хлопочави кооперация. Сон стамбарнэ стясь, эщо весть каинзе сельмтнень весемень ланга ды пшкадсь:
[ 29 ]— Хлопочасынек. Тыненк вадря аштемс канторасонть, ярсамс тенк ускить, квартиранк улить. Минь, ялгат, кода эрятанок? Тувокс — и то кашт мольдянок. Совхозось каладома лангсо, ве суре вельде нюрьги. Весе салызь, мезе ульнесь. Ламо супонть тусть карь алов, пикст карьксэкс. Аволь а ламо ашкт ульнесть миезь троицкой базарсонть, Самар ошсонть...
Нарчук кежейстэ сорновтынзе сакалонзо, сельме чирькензэ новольсть, чама боканзо валскень зорякс цитнить, сонсь весе сорнось. Мелезэ ульнесь лоштямс коня ловажас те ломаненть, штобу удемензэяк лисест.
— Неть эщо аволь весе а сатыкстнэ. Минек совхозсо улить — куша ламо — кудот... Ки эйсэст эри? — кевкссь Коля. Не валтнэнь ёвтынзе пелезь: сон пельсь заведующейденть.
— Ниле квартират озорнойть, тосо эрить заведующеенть роднянзо, — таго заудясь Коля. — Вейкеяк эйстэст минек совхозсо а роботы, ансяк потить совхозонть. Кшувавтомс!..
Яблоновский озадоль столь песэнть, тусто качамо лиссь папироскастонзо. Папироскань тантей чине качамось скири ломантнень судо варяст. А куш а каш, ансяк шкань-шкань кой-ки козксты ды варась сорновтни шалашсонть олгтнэнь.
— Ки эщо мезть корты? — кевкссь Шустов.
— Дайте монень вал, — стясь ломантнень ютксто Катя.
— Минь ней кочкатано камиссия, сонензэ мердянок: муемс кооператор, кона ветяволь [ 30 ]кооперативсэнть робота. Тень ней минь курок тейсынек. Яблоновскойгак вана лезды сон, чай, хозяин. Минек икеле покш задача, коната умок эряволь бу решамс: те — сдельщинасо роботамось ды чисэ работамонть каршо туремась. Минек совхозсо чисэ роботамось тейсь покш зыян. Эрьва робочеесь ваны, кода валги чись. Чись валги — инструментэнзэ ёртсы эли мартонзо кудов сайсы. Ков истямо тевесь маштови? Ковгак а маштови...
— Камиссиянтень аравтомс Кузнецовонь, Шустовонь ды Нарчуконь.
— Сатыть! — сергедсь Абрахимин.
— Сатыть, сатыть!.. — пижнесть удалдо.
— Кадык бертяить!... — каятотсь вайгель. Теке шумонть марто срадсть.
Виресь оршась ожо панар. Чись лоткась эждемеде Самарка леенть. А бульдердеть робочейтне лейсэнть, а морыть вирьсэнть цёковтнэ. Пельтне кошмакс ацавсть менельганть, вармась бойкасто пани эйсэст чи лисемав.
— А карман роботамо. Трисподни а туйдядо совхозонк марто! — Сёвнозь-сюдозь тусь Проска кинть кувалт станция ёнов. Мельганзо тусть эщо.
Нарчук кувать мельгаст вансь, стакасто таргизе оймензэ:
— Эх... ансяк ведькемень кадовсть...
Алов прянзо нолдызе, пек думазевсь ды тусь Катянень. Ансяк пачкодсь кудонть малас, Катя ды дядя Костя листь кудостонть. Дядя Костя мезть бути кортась, Катя мелявтозь лиссь мельганзо.
[ 31 ]— Васов пурныде-сэрниде? Мон тыненк сакшнынь.
Нарчук лоткась кустема пентень, учи, кода валгить дядя Костя ды Катя.
— Робочейтне совхозсонть сралесть, кадовсть ансяк ведьгемень ломанть профсоюзонь члентнэ. Миненек кармить эрявомо колмо тыщат робочейть. Пиземетне эрьва чине теить слякоть. Думинк тынсь, ансяк модарькат путозь 5 тыщат гектарт ды эрьва мень эмежть зярошка. Ёмить паксяс а мезень кис!
Нарчук лоткась кортамодо. Дядя Костя пельс пейдезь варштась Нарчуконь седой сакалонзо лангс. Катя прянь нолдазь аштесь ютксост.
— Тон, Нарчук, мездеяк эщо а содат? — кевкстизе дядя Костя.
Нарчук смелстэ вансь Костянь сельмес, сонзэ сельмсэнзэ цитнесь мень бути покш покордавкс, покш а паро. Сон эзизе сода те апаронть, секс кеместэ мерсь:
— А содан мезеяк, — сонсь варштась Катя ёнов. Катянь щёкава, прок эрьгть певерсть сельведтне. Нарчук абуньгась. Зярдояк истямокс эзизе ней Катянь, зярдояк а весёла арасель, тече азё вешник мезе теевсь мартонзо.
— Тон чийнят, кармавтат роботамо робочейтнень, седееть тапат хозяйстванть кис, ансяк... — Катя прок нилизе мекей валонть, эзь ёвтав тензэ валось, валызе сельведь.
— Тынк нилененк роботасто панедизь — таго [ 32 ]кармась ёвтнеме Катя. Нарчук соракадсь, сарт телаванзо тусть, весе жарс каятотсь.
— Мейсь? Эщо кинь? — кармась кевстнеме Нарчук.
— Ламо мусть тувталт, ансяк мон содан, што не тувталтнэ а видеть. Те лиссь сестэ, кода заведующеенть роднянзо кравтынек совхозонь квартератнестэ. Тень кис роботасто панидизь тонть ды дядя Костянь.
Дядя Костянень теевсь а вадря, сыргась таркастонзо, ве ёнов сельмензэ каинзе.
— Морозовонь ды Филянь... — таго ёвтни Катя. — Те эщо а ламо, баракстонть плотниктнень саинзе лия роботас. Бути минсь а кундатано — баракось сроязь а ули, остатка робочейтнеяк тестэ туить: а косо эрямс.
Катя яла толковась. Нарчук прянзо алов нолдызе, сельмензэ пезнавтынзе масторонтень. Сонсь пильксэнзэ поксарясь, прок сараз. Вармась ноцковсы пильгалдонзо моданть, вачкодьсы кудо уголентень.
Пельтне менельганть яла туить. Виресь ожолды, лажны вармадонть. Лопатне ливтить эйстэнзэ, истя чиде-чис яла штапськады вирес.
Дядя Костя автизе кургонзо, кортыксэль мезть бути, ансяк вармась, кода бути чуднасто вешвезевсь турвазонзо. Се шкастонть листь кудонть экшстэ Филя, Морозов ды Абрахимин Коля.
Катя каинзе лемзёр сельмензэ Филя ёнов, Филянь кургозо а ламнеде мизолгадсь ды арсезевсь: «Эх, козяйкась улевель бу... Мон сонзэ вечкса. Сон монь седеем ченьтязь-ченьтизе»..
[ 33 ]«Паряк вечксы Морозовонь?» — цють аволь вайгельсэ кевкстизе эсь прянзо. — «Чаво пря, — мурнесь эсь прянзо Филя. — А шка не тевтнеде арсемс». — Сонсь сыргась таркастонзо, штобу иляст фатя эйзэнзэ.
Катя нолдызе прянзо, кеж марто пшкадсь:
— Цёрат, куш тынк панедизь роботасто, ансяк совхозстонть илядо тук. Энялдан икеленк, илядо тук. Ламо ёми ули-паро...
— Седеенк илядо новольстя, — пейдезевсь Филя, мельганзо остаткатнеяк весёлгадсть.
— Кадык панемизь роботасто, минь яла теке а гутано. Минь кой как панжинек совхозонтень кооперация, минь тынк марто чамдынек ниле кудот, касо эрясть паразитт. Тынь сынсь содасынк, ней тосо эрить робочеень кемень семият. Тынсь вадрясто содасынк, што минь хлопочинек вете передвижной вагонт. Тозоньгак кельгсть вейксэ семият. Ули ней якстере уголоконок, ули козонь пурнамс промкс. Эряви меремс, што изнятано минь. — Прок пешть чулгонось Филя, ёвтнесь валтнэнь.
— Кадык панемизь...
Филя озась, конястонзо чудесь бутрав ливезь, нардызе ожасонзо ды стакасто укстась.
— Да, Филя брат, — пшкадсь Морозов. — Аволь истятано, аволь весе тонть кондятано. Тонть кевень седееть, мон кеман тонть лангс, кадован. Ванса, мезе ули седе тов.
— Миньгак а явдано тынк эйстэ, — пшкадсь Абрахимин Коля марто дядя Костя.
— Ялгат, яла теке тевтне калдявт, — кармась [ 34 ]кортамо Катя. — Эмежтне бути а понгить кельмеме лов алов, понгить крестьяннэнь. Заведующеесь макссь эрьва велес яволявкс: кинь ули мелезэ, се сазо ды зяро мелезэ таргазо эстензэ модарькат ды лия эмежт.
Филянь кундатотсь келезэ, ловташкадсь алянть чамазо не валтнэде мейле.
— Ёмась ули-парось... — Филя кундызе вецюманзо, арсе панаронть раздемс. Катя каявсь эйзэнзэ. Оконики сась тензэ ёжо.
— Азёдо, ялгат, ютадо профсоюзонь члентнэнь ланга, кадык велестэ сыцятненень кортаст, што истямо тев ней уш арась, ульнесь ансяк аволь кувать. Седе мейле моледе прядынк робочейтнень бараконть.
Морозов ды дядя Костя — сех ведря специалист эмежень кастомо тевсэнть — сыненсткак савсь молемс роботамо робочеень таркас.
Ниленест кепедизь лавтовост трокс кшнинь коймтнень ды тусть бараконь тееме.
Катя ды Филя кадовсть кавонест. Экше варма коштось кутмордызе венельксэнть. А куш а каш, мезеяк коёндояк а маряви, сыньгак кувать мезтькак эзть корта. Ансяк умарьксэнь ожо лопатнень сорновтнесь сэтьме вармась. Лопатне састыне каштордсть.
— Катя, кемсамак тон монь эли арась? Мон ёвтаса потмо валом: мон тонть вечктян. Мелем ули урьвакстомс. Молят монень козяйкакс? — Филя виздезь варштась ёнонзо.
Катя а ламос думазевсь.
— Кемдян, Филя, ды монгак вечктян. — Катя [ 35 ]мольсь Филянь ёжос, сювордызе Филянь кедензэ ды кеместэ паласть.
Мезть мейле кортасть, седе соды ансяк умарькс чувтось ды сэтьме экше вармась...
Яблоновский эвкстынзе кедензэ зепезэнзэ, стамбарнэ яки. Эчке рунгозо чиремкшни кавто ёнов, сонсь сеедьстэ ваны частнэнь лангс. Течи сон учось гость. Плодоовощной комбинатстонть Щукин Головкин марто сыксэльть, ды мекс бути кувать арасть. Секс истя Яблоновский тарка-эзем костояк а муи, секс атясь машнети.
Ансяк совиксэль квартирав, куйсь уш кустеманть лангс, вансы — тылдык-тылдык-шаги кинть кувалт кладовщикесь, Василий Семёнович, мерить тензэ. Яблоновский лоткась, учизе кода корязонзо пачкодсь Василий Семёнычесь, яходсь кедьсэнзэ ды пшкадсь:
— Заходи, Семеныч, поговорим.
— А зайду, зайду, — отвечась Семёныч ды велявтсь кустеманть ёнов.
Васянь вить пильгесь чувтонь, сон пек моли торговиця ёнов. Судозо крюкокс мендезь турвазонзо, сакалонзо чурот, прок сеянь удало клок. Яблоновский эзизе учо Васянь, совась кудов. Вася калдорсо стуки чувтонь пильксэнзэ кияксонтень. Яблоновский мызылсо васты эйсэнзэ:
— За стаканчик чайку, пожалуйста, садитесь.
Мольсь Вася малас Яблоновскоень козяйказо — Ольга. Вася озась столь экшс. Самаварось столангсо эщо арасель. Яблоновский озась столень [ 36 ]омбоце пентень ды нежедсь кенере паркарензэ лангс.
— Какая это жизнь? Весь век батрач. Понимаешь ты меня, Миша? Михаил Степанович? — пижнезь сы Ольга самоваронть марто.
— Ничего не понимаю...
Яблоновский велявтызе прянзо вальмантень, ужакстозь ладсо вансь ульцяв. Яблоновский айгизе стопканть икелензэ ды кармась пувамо, штобу кельмезэ а ламодо, можна улезэ симемс.
Вася сорминзе лавтовонзо, керш сельменть конштызе, прок эзь надия кемсы эли а кемсы Яблоновский.
Яблоновский стясь таркастонзо, кавксть-колмоксть ютась кудонть кувалт, озась мекев тарказонзо.
— Оля, подай там...
А ламо шкань ютазь Ольга Ивановна совавсть бутылка каньяк, киненьгак валгак эзь ёвта, вырк велявсь мекев. Яблоновский саизе бутылканть, сургучесь паморсь коморо потмозонзо ямксонь-ямкс.
— Вот Семеныч, наша задача раздробить совхоз вот на такие мелкие кусочки. — Сонсь кода бути пелезь ладсо варштась лангозонзо, невтизе коморстонзо сургученть, кежень пачк стукадизе бутылка потмаксонть, пропкась пулякс ливтяс суликастонть.
Се шкастонть совась лишмень кардазонь заведующеесь. Чамазо якстере, ансяк щёкасонзо а покш ашо петнат.
[ 37 ]— А, Спиридону Кирсановичу, — стясь столь экшстэнть Яблоновский. Васяяк стясь ды максызе вить кедензэ Спирянень.
Спиря каизе пальтонзо, озась столь пентень... Бутылкастонть каньякось чамсь...
А ламо шкань ютазь совасть Гришин ды Музеус: вейкесь садовник, омбоцесь — огородник. Мезть бути эсь ютковаст толковасть.
— Добрый вечер, — друк кавонест пшкадсть.
Гришин саизе прястонзо шапканзо, понгавтызе поводемантень. Музеус озась ве пелев, сонсь а мельсэ, нузялдозь вансь симицятнень ёнов.
— Присаживайтесь, ребята, пожалуйста.
Столенть лангсо ульнесь лия бутылка.
Гришин шаштсь столенть малав, Музеус учозь, кода эщо тердьсызь.
— Ты, что, Евгений Селиверстович, чужим что-ли заделался, ударником может записался? — Яблоновский мольсь Музеуснэнь, каявтызе лангстонзо пинжаконзо, кавалалдо саизе ды ветизе столь экшентень.
Ольга Ивановнаськак иредсь, саизе бутылканть, нуртясь стопка Музеуснэнь. Музеус варштась иредьтэ аванть ёнов, мелезэ ульнесь меньгенерть лоштямс ды туемс профсоюзонь промксов. Эзь сато виезэ, савсь симемс каньяконть.
— Я похоже и не был своим, — стамбарнэ ёвтынзе валтнэнь Музеус.
Яблоновский эзь невть пря, што сон покордавсь не валтнэсэ, таргизе пропканть омбоце суликастонть.
[ 38 ]Кувакасто таргизе вайгелензэ лишмень кардазонь заведующеесь, кода бути а мазыйстэ мезть бути кортыксэль ды ансяк паразевсь.
Яблоновский весе сорномо кармась столенть экшстэ, бойкасто кармась чийнеме кудованть. Лишмень кардазонь заведующеесь вачкодсь мокшнасонзо, стопкатне жойсэ сявордсть блютцатненень. Гостне абундадсть. Ольга Ивановна ёртовсь Спиря ёнов, кармась кортамо мартонзо, штобу лотказо аксомгалемадо.
Яблоновский пештинзе винадо бакалтнэнь, путынзе мекев икелест. Музеусонь веляскадсть превтне, сех икеле комавтызе бакалонть кургозонзо ды сонсь бутылкастонть нуртясь эщо.
— Я не понимаю, почему не приехал Щукин с Головкиным?.. — Яблоновский нолдызе прянзо, стакасто думазевсь.
— Дай, Ивановна, там бутылку спирту... — Сонсь стакасто нолдызе рунгонзо столь пентень.
Ольга Ивановна кандызе спирт марто остатка бутылканть, конань анокстнизе Яблоновский питнев гостензэ туртов — Головкиннэнь ды Щукиннэнь. Сынь мекс бути эзть са.
Спиря умок уш сявордсь, уксновксонзо эйсэ леки каткась. Пупорькшнезь кудованть чиремкшни Ольга Ивановна.
Яблоновский нуртнесь бакалтнэнень спирт.
— Кто знает, где галашня? — а паро вайгельсэ ранги Яблоновский.
Музеус нолдызе алов прянзо, буто мерят эзизе меря, мезть моткодсь Яблоновский. Гришин [ 39 ]сорновтнесь прясонзо. Кладовщикесь умок уш никси судосонзо столенть.
— Я знаю... знаю... Они... они в красном уголке. Они собирают какие то бригады, пишут какие то... Какое то соревнование...
Спиря валяясь киякс куншкасонть. Арсесь стямо, винась мадстизе мекев.
— Пойдем послушаем, что говорят ударники. — Яблоновский сельме чирькензэ верев кепединзе, конязонзо теевсть сборт.
— Идем, — согласился Гришин ды стясь таркастонзо. Мельганзо стясь Музеус ды ве пильге кладовщикеськак. Чиремкшнезь вейсэ тусть кенкшканть.
Спиря комадо масторо уды. Ольга Ивановна прась троксканзо ютамсто.
— Ты что, Спиридон Кирсанович, улегся на полу? — Стясь кияксстонть Ольга Ивановна ды прась кроватенть лангс.
Спиря кепедизе прянзо, кудосонть арась кияк. Стясь, стамбарнэ панжизе спальня кенкшенть, козо совась Ольга Ивановна. Ольга Ивановна удось иредьксэнть марто, кода понгсь ды удома костюмсонзо. Спиря лоткась кенкшенть лангс, кувать вансь лангозонзо. Ольгань штапо мештезэ цитнесь толонть каршо. Спиря озась койка бокантень, стамбарнэ кедензэ путызе мештезэнзэ.
Яблоновский араванзо марто лиссь садстонть. Экше коштось кутмордызе венельксэнть. Чопода, мезеяк а неят. Ансяк якстере уголоксонть цитни сиянь плесашка толнэ.
[ 40 ]— Вы знаете, мы... мы только послушаем, и больше ни гу-гу... Понятно? — Яблоновский кевкстинзе иредьстэ ялганзо.
Ялгатне кутмордасть, паксянь-паксянь трокс тусть толонтень. Музеус а мельсэ усковсь мелгаст. Мелезэ ульнесь кадовомс эйстэст.
Сон, пиштякась, эсь прянзо лоткась вечкеманзо. Ледсь мелезэнзэ, што тече макссь вал Кузнецовнэнь теемс тракторонть удалов истямо машина, кона карми сонсь модарькань таргамо, ансяк ве ломань озадо карми машина лангсо аштеме эйсэнзэ.
Филя кеместэ сювордызе Музеусонь кедензэ ды мерсь:
— Вадря. Ушодык изобретальской мероприятнень совхозсонть, тон улят минек специалистэсь, макстано тенть премия.
Не валтнэ тапить пря потмонзо.
— Я догоню. — Саизе кедензэ Гришинэнь лавтов лангсто ды седе курок тусь кудов.
Гришин, Яблоновский ды кладовщикесь колмонест, прок орт салава молить вальманть алов. Гришин сайсь кирпець ды ноки вальманть стукадеманзо.
— Ты, что выдумываешь? Брось! Не надо этого делать. Нужно принять другие меры. А об этом мы подумаем. — Яблоновский кундызе Гришинэнь кедте, кирпецесь ёртовсь удалонзо.
— Ладно, — согласясь Гришин ды лекшкадсть вальмалксонтень.
Венелькссэнть а куш а каш. Кияк косояк арась, [ 41 ]ансяк ве пеле, косо бути вирсэнть лужанясто лайши покш пря корш.
— Ялгат! — пижакадсь Филя кудостонть. — Ней робочей виенэк бригадава. Но минь пек а ламонек, паксясь покш, эрявить ламо робочейть. Минек ули изобретателенэк Музеус, ансяк сон эряви таргамс эсинек ёнов. Сон монень макссь вал, што теи машина тракторонтень, кона карми таргамо модарькат, зяро таргить секе жо шкастонть сядо робочейть.
— Приветствуем!!! — рангстась промксось ды кармасть кедьсэст цяпамо.
— Те уш робочеень коряс покш улеме карми экономия. Истя жо сёрмадсть комсьветее ломанть ударникекс, конат нормастост кавсть седе ламо теить. Яла теке те а ламо вийсэнть эмежень урядамо кампаниясь а ютавтови, эряви ней думамс эстенек. Бути эщо чи-кавто а карматано урядамонзо урожаенть, туить пиземеть, прыть кельметь, ёмавсынек эмежтнень. Тынь арсенк тынсь, Самар, ошонь робочейтне кемить те сыненст маласо хозяйстванть лангс...
— Мезть эно тейнемс? — пшкадсь Ларионов. Эзизе учояк, кода Филя лотки кортамодо.
— Мезть тейнемс кевкснят? Мон койсэ кучомс базовой робочкомс минек робочкомонть пельде сёрма. Мон сёрмадынь, ловносынек?
— Давай ловнок! — лажакадсть.
— «Положение совхоза катострофическое: нет рабочих рук. Произвести уборку картофеля с площади пять тысяч га да около этого помидор, [ 42 ]моркови, фрукт и т. д., своими силами ни в какой степени не сможем. Это поведет к массовой потери ценностей, что угрожает снабжению рабочих овощами. Мы, рабочие совхоза «Красное озеро», просим базовый рабочком пойти нам навстречу. Обсудите наше обращение во всех собраниях городских рабочих, дабы выделили нам в помощь в выходной день рабочих. А если сумеете, — постарайтесь договорится с крайколхозсоюзом, — может быть они помогут со своими колхозниками.
У нас теперь помещение хватит на 5 тыс. человек, соорудили столовую, есть кооперация, но товара в ней еще мало.
Затем наш директор совхоза не принимает участия в хозяйстве»...
— Сёрмась, ялгат, сёрмадозь аволь уш пек вадрясто.
— Паряк чаркодить, ялгатне эсинек тосо.
— Вадря, давайте весе фамилиянок сёрмадсынек, — серьгедсь Нарчук.
— Весе... Валске зорява ошов, — мирём шалность, сынсь кармасть очередьсэ сёрмадомо фамиляст.
Яблоновский, Гришин ды кладовщикесь седе курок валксть Самарка леенть чирес ды берёконть алга тусть кудов.
— Пусть выроют. Наш долг погноить все. И, чтоб ответчиками остались они.
Яблоновский кеместэ сювордынзе кедест ды тусть кудова.
[ 43 ]— Промксось прядовсь, — пшкадсь Катя.
— Туда необходимо послать рабочую силу, — Глушков неркстни Щукинэнь стольс. Щукин утякстни кресла лангсо.
— Вы не падайте в панику, товарищ Глушков. Туда поехал Головкин, он выяснит. Но я больше чем уверен и заверяю вас, что рабочих рук в «Красном озере» достаточно. — Глушков стясь.
— Да, достаточно. — Щукин эщо весть кемевтсь Глушковонь.
Глушков максызе сёрманть. Щукин тапардызе ды путызе столь потмонтень.
Головкин ардсь «Красной озерав» автомобильсэ. Конторанть икеле зэрьни моторось. Головкин Яблоновский марто совасть конторантень. Катя аштесь столь экшсэ.
— Защитница ра-або-о-чего класса, — венстизе кедензэ Головкин.
Катя здоровакшнось мартонзо, но сеск кельмесь седеезэ Головкиндэ.
— Дело вот в чем, — комась Катя малас Головкин. — Вы единоначалие стоптали в грязь.
— Чем? — тандадозь пижакадсь Катя.
— Ты не знаешь? Ты должна действовать рука об руку с заведующим, в данном случае с Яблоновским. Ведь подумай, Яблоновский глава хозяйства — правда? Он имеет право набирать рабочих, он же может и увольнять. Тоже верно?!
Катянь телава коткодавт кармасть якамо. Сон содась, мезде корты Головкин.
[ 44 ]— Вдруг хозяин уволил, скажем, не понутру ему рабочих, на это он имеет, конечно, основания. А вы защитили. Это преступно. Как можно хозяйствовать после этого? — кежейстэ кортась Головкин.
— Верно, верно, — прясонзо чаравсть Яблоновский. — Работать нет возможности.
Катянь седеесь прок автомобильсэ мотор кармась токномо. Чамазо и якстерьгады, и ашолгады.
Головкин саизе Катянь икельде списканть, ловны:
| Список |
| на выдачу рабочим мануфактуры по рабочкому совхоза «Красное озеро», пригородного хозяйства союзплодоовощи. |
Головкинэнь сельмтне чиезь тусь спискаванть.
— Товарищ Яблоновский! — серьгедсь Головкин. — Зачеркните со списка вот этих четырех по порядку.
Катя варштась спискантень: Кузнецов, Нарчук, Абрахимин, дядя Костя.
— Почему? — стядо стясь Катя.
— Я приказываю, — отвечась Головкин.
Яблоновский черкстынзе якстере карандашсо фамилиятнень ды арсесь туеме.
— Вы поедете смотреть наш участок? — Яблоновский карксамо видьс сюконясь Головкин икеле.
Головкин саизе тросточканзо, путызе прязонзо [ 45 ]шляпанть, лиссь конторастонть. Катя эсь прянзояк лоткась вечкемензэ.
— Нет! Я не могу этого сделать. Ведь самые лучшие рабочие совхоза обездолены! Нет, нет. Не допущу! — Катя ношкстась кенкшентень, но Яблоновский Головкин марто озасть автомобильс уш. Шоферэсь пурдызе руленть, машинась сыргась.
— Товарищ Щукин, третье письмо получаю и передаю вам, после этого вы тоже небезучастны по отношению к «Красному озеру».
— Что такое? — рангстась Шукин.
— Ты мне работать мешаешь. Ну, что «Красное озеро»? Был там Галовкин, все оказалось благополучно. — Глушков эвкстынзе суронзо судова-варязонзо. Щукин комась мекев столентень. Глушков аштесь велькссэнзэ. Щукин эзь пшкадть мезеяк. Глушковнэнь савсь туемс эйстэнзэ.
Глушковнэнь педясь такодамо орма. Яки контораванть, тарка-эзем а муи. Мейле саизе портфелензэ ды лиссь конторастонть.
Ошось лажны. Трамвай зэртесь яжи пря потстонзо думтнэнь. Кивчкаи седеезэ, прок электричествань проводтнэстэ тол трамваень ютамсто.
Глушков чийсь союзонь крайкомов — Горбачёвнэнь.
— Эряви кучомс робочей вий, эряви варштамс тозонь РКИ-нень, ансяк васня пурнамс урожаесь.
Глушков бойкасто мольсь ульцяванть. Мелезэ ульнесь содамс, ки чумось. Чумо ли Катя, кона [ 46 ]паряк эзь машто массово-разъяснительной роботань ветямо, паряк чумо Филя? Паряк сон овсе аволь батрак, ведь сонзэ молемадо икеле арасель истямо берянь тев.
Не арсематне стака пандокс аштесть Глушковонь прясо. Сельмезэнзэ понгонить Катя, Яблоновский, Щукин Головкин марто ды сеедьстэ Филяньгак нейсы, ансяк эзь муе, кинь чумондомс.
Трактортнэ зэрьнить паксясонть. Мельгаст робочейтне карзинка марто кочксить модарькат.
Ветеце бригадась пельксты омбоце бригаданть марто. Секс лаказь лакить роботамсто. Чинь выработкань нормаст обедс эзь сато. Те уш пландо велькска...
Филянь бригадась озась обедамо. Филя эщо пенчкак эзь кенерть корштамо.
— Адя, Кузнецов, конторав мейсь бути тердемизь, — лекесзь пшкадсь а содавикс ломань.
Филя кавксть-колмоксть сусксь тол пандясо пидезь пси модарькадо, кадовикс кши сускомонть путызе зепезэнзэ.
— Маштови эщо, — сонсь пейдезь тусь цёранть мельга.
— В чем дело? — смелстэ пшкадсь Филя конторасонть. Яблоновский кежейстэ варштась лангозонзо, яла теке кеженть эзизе невть. Пельс пейдезь пшкадсь:
— Кузнецов... — А ламос лоткась. — Ты с сегодняшнего дня проведен приказом: будешь заведующим овощехранилища. Понятно?
[ 47 ]— Чаркодян, — пейдезь отвечась Филя.
— Что ты сказал?
— Понимаю, — дразнезь рузскс ёвтызе валонть.
Яблоновский прянзо пурдызе ве пелей ды моткоди: «суб’ект». Филя тень эзизе маря. Яла теке содась, што Яблоновский сонзэ а вечксы, сельме крайсэ аволизе ней бу. Филянь васень само чистэнзэ уш Яблоновский мельс эзь тук. Пек кельмесь эйстэнзэ седеезэ. Сонзэ неемадо пиже гуй лучи неевель бу, истя налкстась седеезэ.
— И все, — таго пшкадсь Яблоновский ды велявсь удало ёндо.
Филя пезнавтызе вановтонзо котмерезэнзэ, човоньс насмодиксэльсэ... Сельгсь ды лиссь конторастонть.
Вармась чамазонзо яходсь мода пуль. Чись юты алга, а мельсэ вансь Филя лангс.
— Эх... Мень заведующий монь эйстэ. Тонолгак ведь а содан. Тозонь специалист эряви.
Филя яла теке эзь чаркодть. Ведь истя кодаяк сон а чумондови. Тосо курок керчасызь. Сёрмас а содыця ломаненть керчамозо «плевое дело» кортыть рузтнэ. Теяк теке.
«Наксавтсынзе модарькатнень, мусы бозанзо», думи эсь потмованзо Яблоновский. Те подлостентень эзь фатя Филя.
Филя витизе прястонзо шапканзо ды стамбарнэ эськильдязь тусь паксяв. Ве пельде каятотсь чугункань вайгель. Филя огородсь линиястонть. «Сразу керявлинзеть бу кавтов», прок стака даул думт ютасть пря потмованзо.
[ 48 ]Поездэсь прок ёндол ютась малаванзо. Вагононть бокасо лыйнесь якстере паця, эйсэнзэ ашо букват «1-й рабочий поезд. Самара — Безымянка».
Поездэсь ютась. Удалсе вагононть ало чарытне куват кальцкаесть Филянь пилесэ. Филя вансь линияванть, вансь поездэнть мельга, вансь совхозонтень. Теде мейле напутстясь поездэнть мельга.
Вагонтнэ чамсть. Ломантне прок иневедьсэ волнат лымбакстнесть станциясонть. А ламос аштезь вейке робочей куйсь такодамо сэрей таркас ды зэрькадсь вал:
— Ялгат! Минь, рабочейть трубочной заводсто, минь сынек лездамо ош маласо хозяйствантень урожаень пурнамо. Миненек эряви явовомс бригадава истя, кода заводсо явшаздяно цехка. Минь невтьсынек большевикекс алкуксонь роботамонть. Кадык минек пельде тонадыть большевикекс роботамо. Ура!
— Ура!!!
— Ура!!!
— Ура-а-а-а!
— А-а-а-а-а-а!..
Те эхось васов каятотсь виренть келес, Самарка ленть велькска.
Курок те массась явовсь куцянь-куцянь, прок якстереармеецэнь колоннат тусть моразь мельсек совхозонтень. Ансяк вайгелест леенть чирева тусто вирьсэнть звонкасто каятотсь:
«Смело-о мы в бой пойдем»...
[ 49 ]Омбоце пельде сы полк совхозникть. Катя моли сех икеле, кедьсэнзэ якстере флаг. Робочейтне ды колхозниктне васодсть карадо-каршо.
Яблоновский кавто чары лангсо каретасонзо юты малаваст.
— Добились своего... Надо встретить, что ли?
Яблоновский валксь лишместэнть, мольсь робочейтнень каршо.
— Товарищи, — рангстась Яблоновский. — Наш совхоз имеет огромные достижения. Но благодаря недостатка рабочих рук, получился прорыв. Мы вас приветствуем. Вместе с тем надо будет сказать, что в нашем совхозе слабо ведет работу профорганизация, она смазывает роль единоначалия...
Яблоновский путызе картузонзо, озась каретазонзо ды тусь. Каршозонзо понгсь Гришин. Яблоновский тердизе малазонзо.
— Пусть картофель валят в кучу, — мерсь Гришиннэнь, сонсь ождятнесэ токизе лишменть. Лишмесь прок карцяган яходсь прясонзо ды напутстясь.
Курок паксяванть срадсть бригадатне, трактортнэ седеяк весёласто кармасть зэрнеме. Ломантне прок коткодавт поксорить модасонть.
Филя мольсь овощехранилищантень, ютась перьканзо. Пек эзь тук мелезэнзэ. Сельксь ды тусь. Каршонзо понгсь ячейкань секретаресь. Сонгак сась помоцес — субботникс.
— Мезть тевтне, Кузнецов ялгай? — пшкадсь [ 50 ]секретаресь. Кузнецов пейдезевсь ды мольсь малазонзо.
— Тевтне а вадрят. Ков иля варшта — а истя теить.
Кузнецов овсе плотна мольсь малазонзо. А ламос аштезь мольсь ваксозост Нарчук ды дядя Костя.
— Вот герой труда! — Кузнецов вачкодизе лавтов ланга секретаренть.
— Кузнецов, — пшкадсь дядя Костя, — минь маринек тонть завокс путынзеть Яблоновский? Ванок, аля, Гришин ды Музеус миненек весе ёвтнизь, мезть арсе теемс Яблоновский.
Секретаресь эзь чаркодть мезеяк. Кузнецов ды остаткатне ваныть сельмеде-сельмс.
Чись овсе чиремсь пандонтень, от-от валги, кекшсы валдонзо. Секретаресь, Кузнецов ды остаткатнеяк тусть робочейтне ёнов. Кузнецов яла толковась секретарентень, кодамо трудность марто пурнасть хозяйстванть, кодат улить изнявксост ды кодат а сатыксэст ней. Нарчук ды дядя Костя кемевтсть секретарентень, што Филя видестэ корты, што те весе ульнесь ды ламо берянть нейгак улить, ансяк виесь а саты сынст маштомс. Секретаресь кулсонось эйсэст, кавтов чаравтнесь прясонзо ды ламоксть одов-васов кортась:
— Вредительство... Надо порыться.
Чизэ уш тусь пандтнень экшс. Летьке экше коштось сезезь сези судоварят. Менельсэнть васоло тештне кармасть цитнеме. Неть ниленест ломантне кортазь ваясть сеск вень чоподантень.
[ 51 ]— Те уш вана... — дивсе секретаресь.
— Те бараконть минсь петинек-строинек, — пшкадсь Нарчук ды панжизе кенкшенть. Ансяк кенерсть совамо бараконтень, Катя чийсь эйзэст.
— Мон чокшнень перть эйсэнк вешнян, костояк эзидезь мук.
— Пек эрявдано? — пейдезь пшкадсь Филя.
— Нама, эрявтадо. Тонсь арсек, течи ударникекс роботасть кавто тыщат ломанть, таргасть самай а ламо комсь тыща пондо. Сынь кадовсть паксяс. Гришин монень ёвтась, што Яблоновский эзь мере ускомс мацтов эли вагонс. Веть беспременна улеме карми якшамо, не модарькатне весе кельмить.
Катя лоткась кортамодо. Сонсь прок вишка пакша кармась налксеме портфелень панжомасонть.
— Мезть ней арсетядо, мезть тынк койсэ теемс? — кармась кевкстнеме секретаресь.
Филя нолдызе прянзо. Кувакасто таргизе оймензэ.
— Тонть течи должен улемс заседаният? — пшкадсь Филя Катянень. Катя кежейстэ варштась лангозонзо.
— Тонть нать арась? Тонгак робочкомсонть членат. — Катя пейдезевсь ды вачкодизе лавтов ланга.
— Пандя тенк ломань пингстэ, — весёласто пшкадсь Нарчук. — Зярс ломантне удыть, давайте тейдяно заседания, — покш паро мельсэ яволявтсь Катя. — Мейле мельдяно ды вельтнесынек куцятнень, олгось маласо.
[ 52 ]— Алкукс. Давай, кодат вопросот?
Сынь весе совасть робочкомонь кабинетэнтень. Робочейтне прок пултонь посадт ацавсть наратне ланга, корныть — судост стомавсть. Робочкомсонть чеерень толкс цитни светиласто толось. Катя озась столенть экшс.
— Минек вопросонок кавто. Кувать аштемс лангсост а сави.
— Виде, давай седе курок. — Катя таргась портфельстэнзэ отношения, кармась ловномонзо.
— Вана минек совхозс максть вейке путёвка курсов — совхозонь директоркс. Монь койсэ эряви кучомс Филянь, Кузнецов путёвканть идесы. Сонзэ мелензэ-превензэ вельде строинек не барактнэнь. Ней аволь ансяк клубонок ули, ней ули робочкомонь комнотанок, ули совхозсонть столовоенек, кооперациянок, банянок...
— Дайте мон кортан. — Катянь валонзо трокс каявсь Нарчук.
Катя абунгадсь. Зярдояк истямо арасель Нарчук.
— Филянень те курсов молемась сы пек ладс. Прядсынзе курстнэнь колмо иень ютазь ды сы эстенек директоркс. Те эщо а ламо. Эряви якавтомс, штобу максовольть тензэ орден.
Филя пейдезевсь.
— Те батраконтень награда максомс эряви. Сондензэ мон ловнынь «Волжской Коммунасто». Тосо кеместэ ёвтазь: «Герой труда Кузнецов Ф.»
— Кучомс!
— Кучомс!
— Кучомс!
[ 53 ]Вейте-вейте кармасть пижнеме ды цяпамо.
— Омбоце вопросось совхоздонть ды течинь роботамо итогтнэде. Кортамо карми Назаров.
— Те вопросонть кувалт седеяк а ламо сави кортомс. Куш ки минек партиецтнэде ды робочейтнеде содаст, што тынк ош маласо хозяйствасонть вредительства. Мон якинь Филя марто эмежень ванстома тарканть ваномонзо, козо Филянь заведующеекс аравтызь, тосо вейке ков а ванстовить модарькатне, седеяк курок наксадыть капстатне. Не помещениятнень кис пандсть кодгемень тыща целковойть ды ваксозост строясть эмежень костямо завод, конань кис пандсть 112 тыща целковойть. Лезэ эйстэст арась ды тесэ овсе а тарка те заводонтень. Эщо ламо истят а паро таркат. Те тевенть эряви максомс РКИ-с. Ней давайте массантень толковасынек, што модарькатне азортомот, бути а вельтнемс, ёми роботанок.
Филя прядо-пилькс кецясь. Седей марязь проштясь весеме марто ды кенярдозь секе вестэнть тусь станцияв.
Ютась уш ие. Московсо Филя тонавтнесь. «Иезэнзэ пря потмозот ламо вачкить» — арсесь эсь потмованзо Филя. Сонзэ пек мелезэ ульнесь содамс, кода молить тевтне совхозсонть, содамс, ки азорось, муевсь эсь сыявксось. Филя школасояк ударник, тонавтнемстэяк пельксты ялга марто.
Лиясто леди мелезэнзэ кулаконь кедьсэ роботамось, ве лангс вачодо маднемась. Ледсть мелезэнзэ нет иетне, зярдо вансь стадат. Теде мейле [ 54 ]сельмезэнзэ понгить латк, пандт, вирь ды чаво пакся, косо чоледить ансяк норовжорчт. Леди мелезэнзэ совхозось, совхозсонть а сатыкстнэ, олго омётнэ, сюва пулесь сэпшкавты курго потмонзо. Леди мелезэнзэ эчке пеке Яблоновский, вадря ялганзо Нарчук, дядя Костя, Морозов, Коля Абрахимин. Седеяк пек ашти мельсэнзэ Катя. Филя ашти ве таркасо, ваны ве точкас, икелензэ картинась полавтневсь.
Течи валске ансяк валдомсь венельксэсь, лаказевсть ошсонь ульцятне, пивтезь-пивтезь ульцяванть ломантне. Филяяк сыргойсь. Седе курок пурнась-сэрнясь занятияв.
Версе этажсто, кустемаванть ансяк нолдызе рунгонзо, каршонзо сёрмань кандтниця.
— Кузнецов есть у вас?
— Я, Кузнецов, — пшкадсь Филя. Сон ней рузскс кортамодо дока, прок пешть чулгони.
Филя кецязь сезизе канвертэнть. Сёрмасонть строчкатне кичкерестэ сравтовсть. Сеск фатясь, сёрмась Катянь пельде.
«Седей мелькем, Филя! Тон уш ие эрят Москов-ошсонть. Минь те шкас эщо эрятано совхозсо. Эрятано вадрясто, весе шумбратано»...
— Ки весе? — Кевктизе эсь прянзо Филя. Кармась ловномо седе тов.
«Васняткеяк ёвтан семиянь куля. Мон тонеть кандынь цёра. Ней дубыть уш тейни. Тетяй, авай кармась меремс, ансяк берянь се, што а содатанзат. Комсомолонь ячейкась тензэ макссь лем «КИМ». Кода, кецить эли тандадыть?»
[ 55 ]— Ким... — Каизе сёрманть — Ким... Одов ледстизе ды таго кармась ловномо.
«Ким поздоровт тенть кучи. Ниле-вете вал совхоздонть. Совхозось тюсонзо полавтызе. Директорось од — партиец. Ломанесь хозяйственной. Прянзо путсы хозяйстванть кис. Совхозонть ули комсомолонь ячейка, партиянь ячейка. Робочейтнень эрямо таркаст вадрят. Строинек од кудот. Сизьгемень кото процентт робочейтнеде яволявтызь эсь пряст ударникекс. Роботатано сдельна. Бригадатне эсь ютковаст пелькстыть. Пелькстыть башка робочейтнеяк. Нарчук, дядя Костя, Морозов ды Коля Абрахимин получасть премия. Теке марто, Филякай, минек совхозось саизе буксирс «Красноглинкань» совхозонть...
Эщо бишь, совхозонтень панжинек робочей городок. Эрсить кинот, постановкат. Ней робочейтне оймсить тесэ культурнасто, аволь кода седикеле — олго потсо. Ули школанок. Робочеень пакшатне тонавтнить. Филякай, течи эли валске листяно видеме. Машинанок ды сбруенек анокт. Колхозов лездамо кучинек кавто бригадат.
Вадрясто роботы тонть пурнавт изобретателень куракшось. Гришин умок уш минек ёно. Музеус марто тейсть истямо машина, кона ськамонзо путы зяро модарькат, зняро путыть секе жо шкастонть ведьгемень ломонть. Сень кис макссть тенст премия...
Надиян, што «Правдасто» неик СССР-энь ЦИК-енть постановлениянзо, тонеть орденэнь максомадо.
[ 56 ]Вал-кавто Яблоновскойде ды сонзэ сворадонть. Котонест сынст судизь. Макссть тенст кемень иеть. Яблоновский ульнесь икелень пек сюпав помещик. Кромой кладовщикесь ды алашань кардазонь заведующиесь ульнесть пек сюпав торговецт. Щукин украинасто, Головкин Самарсто сюпавт... Тихондравонь директоронть ёртызь партиясто секс, што сон содась эйстэст ды кашт мольсь.
Учотано эйсэст директоркс. Больше а мезде сёрмадомс. Поздоровт кучить: Абрахимин, Морозов, дядя Костя ды Нарчук.
Тонть Катя ды Ким.»
— Катя ды Ким, — одов ёвтынзе Филя ды тусь занятияв.
- ↑ Наковальня.