Mattheo Capitulo 17
1 E post sex dies Jesus prende Petro e Jacopo e Johannes, su fratre, e Jesus porta les a un
monte alte privatemente;
2 E Jesus esseva transfigurate coram illes e su face brillava como le sol e su vestimentos deveniva
albe como le luce.
3 E ecce Moyse e Elias les appareva e conversava con ille.
4 E Petro prendente le parola diceva a Jesus: Senior, es bon que nos es hic, si tu vole, io facera
hic tres tentas, un pro te, un pro Moyse e un pro Elias.
5 E dum ille parlava, ecce un nube luminose les coperiva con umbra e ecce un voce ex nube que diceva:
Iste es mi Filio amate, in qui io me complace, ascolta le.
6 E le discipulos, audiente lo, se prostrava a terra e illes timeva multo.
7 E Jesus approximava se e tangeva les e diceva: Leva vos e non timer.
8 E illes tres altiava lor oculos e videva necuno excepte Jesus.
9 E quando illes descendeva ab le monte, Jesus les incargava dicente: Dice a necuno le vision usque
le Filio del Homine resuscita ex le mortos.
10 E le discipulos questionava le dicente: Quare le scribas dice que Elias debe primo venir?
11 Ma ille respondente diceva: Illo es certe que Elias venira e restaurara tote le cosas.
12 Ma io dice vos que Elias ha jam venite e illes non le recognosceva, e illes le faceva tote quanto
illes voleva, assi tamben le Filio del Homine va suffrer per illes.
13 Tunc le discipulos intendeva que re Johannes, le Baptista, Jesus les parlava.
14 E quando illes arrivava al gente un homine se approximava a ille e geniculava ante ille
15 e diceva: Senior, habe compassion de mi filio pois ille es lunatic e es multe infirme, proque plure
vices cade al foco e plure vices al aqua.
16 E io le portava a tu discipulos e illes non le poteva sanar.
17 E Jesus diceva respondente: Generation incredule e perverse! Usque quando essera io con vos?
Usque quando io vos supportara? Porta me le hic.
18 E Jesus reprehendeva le demonio e le demonio exiva ex ille e le puero esseva sanate ab ille hora.
19 Tunc le discipulos, se approximante a Jesus in private, diceva: Quare non poteva nos expulsar lo.
20 E ille les diceva: A causa de vostre parve fide. Quia amen io dice vos, si vos habe fide como un grano
de mustarda, vos dicera al monte iste: passa ab hic ad illic e nihil essera impossibile a vos.
22 E Jesus les diceva durante que illes retornava junctemente a Galilea: Le Filio del Homine va esser livrate
in manos del homines
23 e illes le occidera e ille al tertie die resuscitara. E illes se doleva multo.
24 E quando illes arrivava a Capharnaum, le collectores del duo drachmas approximava a Petro e diceva:
Non paga vostre magistro le duo drachmas? Petro dice: si.
25 E quando Petro ingressava a casa, Jesus se le precedeva e diceva: Que te pare, Simon, le reges del
terra ab qui incassa le tributos o taxas, ab lor filios o ab le extranieros?
26 E quando Petro affirmava: Ab le extranieros, Jesus le diceva: Pois tunc, le filios son exempte.
27 Ma a fin que nos non les offende, vade al mar jecta un hamo e prende le prime pisce que monta e,
post tu aperi su bucca, e tu trovara un statere, prende lo e da lo per me e per te.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev