Mattheo Capitulo 22
1 E de nove Jesus initiava inseniar e les parlava in parabolas dicente:
2 Le regno del celo es simile a un rege qui faceva un banchetto de nuptias a su filio.
3 E ille inviava su servos per appellar illes qui habeva essite invitate al banchetto
de nuptias e illes non voleva venir.
4 De nove ille inviava altere servos dicente: Dice a istes que ha essite invitate: Ecce io ha
preparate mi prandio excellente, mi bovellos e le animales escate son macellate e toto
es preparate, veni al banchetto de nuptias.
5 Ma illes negligeva e iva, le uno a su proprie campo, le altero super su negotio,
6 e le restantes apprehendeva su servos, les insultava e les occideva.
7 Tunc le rege irasceva e inviava su exercitos e destrueva le assassinos e lor citate incendiava.
8 Tunc ille diceva a su servos: Illo es certe que le nuptias es preparate ma illes
qui habeva essite invitate non esseva digne;
9 vade, dunque, al cruciamentos del camminos e quantos vos incontra appella les al banchetto de nuptias.
10 E le servos sortiva al camminos e reuniva totos qui illes incontrava, le bonos e le malos;
e le salon de nuptias se plenava de invitatos.
11 Ma quando le rege entrava pro vider le invitatos, ille videva illic un homine non vestite
con vestimento de nuptias.
12 E le rege le diceva: Companion: Como entrava tu hic non habente vestimento de nuptias? E ille se quietava.
13 Tunc le rege diceva al servientes: Postea haber ligate su pedes e manos, expelle le al
obscuritate externe, illic habera lamentos e strider del dentes.
14 Quia multos son vocate e paucos son electe.
15 Tunc le phariseos se reuniva pro consiliar se como poteva trappar le in su parolas.
16 E illes le inviava lor discipulos con le herodianos dicente: Magistro, nos sape que tu
es verace e tu insenia le cammino de Deo con veritate e nihil te importa circa necuno quia
tu non reguarda le face del homines.
17 Dice nos pois, que te pare? Il es licite dar tributo a Cesare o non?
18 E como Jesus cognosceva lor malitia, ille diceva: Quare me tenta vos, hypocritas?
19 Monstra me le moneta del tributo. E illes le portava un denario.
20 E Jesus les diceva: de qui es iste effigie e le inscription?
21 Illes diceva: De Cesare. Tunc Jesus les diceva: Retorna, pois, lo que es del Cesare a Cesare
e lo que es de Deo, a Deo.
22 E quando illes le audiva, se meraviliava e illes le lassava e se retirava.
23 In ille die le se approximava alicun saduceos qui dice que non ha resurrection e le demandava.
24 Magistro, Moyse diceva: Si uno mori sin haber filios, su fratre se sponsara con le femina
de su fratre e ille suscitara descendentia a su fratre.
25 Ora ben, septe fratres viveva inter nos; e le prime, post sponsar se, moriva sin haber
descendentia e lassava su femina a su fratre;
26 assi tamben le secunde e le tertie usque le septime.
27 E al fin post totos, moriva anque le femina.
28 In le resurrection, alora, de qual del septe illa essera uxor? Quia totos la habeva como uxor.
29 Ma Jesus respondeva e diceva les: Vos erra e non cognosce le Scripturas ni le poter de Deo.
30 Quia in le resurrection ni illes se sponsa ni illas se marita, in vice, illes essera como le angelos in celo.
31 Ma circa le resurrection del mortos non legeva vos lo esseva inseniate ab Deo, quando ille dice:
32 Io es le Deo de Abraham, e le Deo de Isaac, e le Deo de Jacob? Ille non es le Deo de mortos
solmente es le Deo de viventes.
33 E quando le turbas le audiva, illos remaneva stupefacite a causa de su inseniamentos.
34 Ma le phariseos quando audiva que ille habeva reducite a silentio le saduceos, ille se reuniva insimul,
35 e un de illes, experte in le lege, le interrogava pro tentar le:
36 Magistro, qual es le commandamento major in le lege?
37 E Ille le diceva: Tu amara le Senior, tu Deo, con tote tu corde, con tote tu anima, con tote tu mente.
38 Iste es le grande e prime commandamento.
39 Le secunde es similar a iste: Tu amara tu proximo como te mesme.
40 Tote le lege e le prophetas pende in iste duo commandamentos.
41 E le phariseos se habeva reunite e Jesus les questionava
42 dicente: Que vos pare concernente le Christo? Ab qui es filio? Illes diceva le: Ab David.
43 Jesus les diceva: Como, alora, David, in spirito, le appella senior, dicente:
44 Le Senior diceva a mi Senior: Sede a mi dextera usque io pone tu inimicos sub tu pedes?
45 Si alora, David le appella senior, como es filio de ille?
46 E necuno poteva le contestar parola, ni alcuno ab ille die hardiva questionar le.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev