Mattheo Capitulo 3

1 In le dies ille, Johannes, le Baptista, arrivava e predicava in deserto de Judea e diceva:

2 Muta vostre mentalitate perque le regno del celos se ha approchate.

3 Alora iste es le annuciate per Isaias, le propheta, quando ille dice: Voce de uno
qui crita, in deserto para le cammino del Senior, face su vias recte.

4 Le mesme Johannes teneva su vestimento de pilo de camelo e un zona de corio circa su coxa,
e su alimento esseva saltatores e melle silvestre.

5 Tunc Jerusalem e tote le Judea e tote le region circa le Jordan iva a ille,

6 e ille baptisava les in le rivo Jordan e illes confessava lor peccatos.

7 E quando ille videva multe del phariseos e sadduceos que veniva al baptismo, diceva les:
Racia de viperas qui informava vos pro fugir le ira imminente?

8 Face, alora, fructo que corresponde al cambio de mentalitate.

9 E non pensa dicer intra vos: Nos habe Abraham patre, alora io dice vos que Deo es potente pro levar
ab iste petras filios a Abraham,

10 E jam le hacha es collocate juxta le radice del arbores; e tote arbore que non produce
fructo bon illo es secate e es jectate al foco.

11 Ma io vos baptisa in aqua pro cambio de mentalitate, ma ille que retro me veni
ille es plus forte que io perque io non es digne de portar su sandalias.
Ille vos baptisara con le Spirito Sancte e foco,

12 cuje ventilabro es in su mano e ille mundara su era e ille colligera su frumento in
le granario e ille comburera totalmente le palea con un foco inextinguibile.

13 Tunc Jesus arriva ab Galilea ad Jordan ubi Johannes esseva pro esser baptisate per ille.

14 Ma Johannes impediva Jesus e diceva: Io ha necessitate de esser baptisate
per te e tu veni ad me?

15 E Jesus respondeva e diceva le: Permitte lo ora, alora assi illo es conveniente
que nos completa tote justitia. Tunc Johannes permitte lo.

16 Jesus esseva baptisate e ille immediatemente ascendeva ab aqua e ecce le celos esseva
aperite e ille videva le Spirito de Deo descendente como un columba que veniva super ille.

17 E ecce un voce del celos que diceva: Iste es mi filio amate, in qui io ha indulgite.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev