Libro de Mormon - Alma - Capitulo 11
Definition del systema monetari nephite - Amulek contende con Zezrom - Christo non salvara le homines in su peccatos - Solmente illes qui heredirara le regno del celo essera salvate - Tote le homines resurgera in immortalitate – Il non habera plus morte post le resurrection. Circa 82 a.C.
Alma 11:1 Nunc secundo le lege de Mosiah omne homine que esseva judice del lege, o in altere parolas, qui esseva nominate judice, deberea reciper un salario per le tempore que ille empleava pro judicar qui le veniva portate pro esser judicate.
Alma 11:2 Nunc, si un homine esseva debitor de un altere e ille non voleva pagar quanto debeva, e ille esseva denunciate al judice; le judice exercitava su autoritate e mandava officiales pro portar tal persona ante ille pro esser judicate secundo le lege e secundo le probas que on presentava contra tal persona; e assi le persona esseva compellite a pagar lo que ille debeva, o ille esseva flagellate o expellite de inter le populo como robator e fraudator.
Alma 11:3 e le judice recipeva su salario secundo le tempore empleato - un senine de auro al jorno, o un senum de argento, que equivaleva a un senine de auro; e isto secundo le lege in vigor.
Alma 11:4 Nunc, iste esseva le nomines del diverse monetas de auro e de argento, secundo lor valor. Nomines date per le Nephitas, perque illes non calculava al maniera del Judeos qui habitava a Jerusalem, ni illes mensurava secundo le maniera del Judeos; ma illes habeva cambiate lor modo de calcular e lor mensuras, secundo le mentalitate e le situation del populo, in omne generation, usque al regno del judices, que habeva essite instituite per rege Mosiah.
Alma 11:5 Nunc lor modo de calcular esseva assi: un senine de auro, un seon de auro, un shum de auro e un limna de auro.
Alma 11:6 Un senum de argento, un amnor de argento, un ezrom de argento e un onti de argento.
Alma 11:7 Un senum de argento esseva equivalente a un senine de auro, e ambe correspondeva a un mensura de hordeo o de qualcunque altere specie de cereal.
Alma 11:8 Nunc, le valor de un seon de auro esseva duo vices le valor de un senine.
Alma 11:9 E un shum de auro esseva duo vices le valor de un seon.
Alma 11:10 E le valor de tote istes esseva un limna de auro.
Alma 11:11 E un amnor de argento equivaleva a du senum.
Alma 11:12 E un ezrom de argento equivaleva a quatro senum.
Alma 11:13 E tote istes equivaleva a un onti.
Alma 11:14 Nunc iste esseva le valor de lor mensuras minor:
Alma 11:15 Un shiblon esseva le medietate de un senum; ergo un shiblon valeva media mensura de hordeo.
Alma 11:16 E un shiblum esseva le medietate de un shiblon.
Alma 11:17 E un lea esseva le medietate de un shiblum.
Alma 11:18 Nunc, iste esseva lor numeration, secundo lor modo de calcular.
Alma 11:19 Nunc, un antion de auro esseva equal a tres shiblon.
Alma 11:20 E il esseva con le unic scopo de obtener lucro, perque illes recipeva lor salario secundo le tempore empleato, que illes incitava le populo a rixas e a omne sorta de disordine e de perversitate, pro poter haber plus travalio, pro assi poter ganiar plus moneta secundo le causas que le populo les portava; ergo illes incitava le populo contra Alma e Amulek.
Alma 11:21 E iste Zezrom comenciava a questionar Amulek, dicente: Respondera tu a alcun demandas que io te facera? Nunc Zezrom esseva experto in le insidias del diabolo, pro poter destruer lo que esseva bon; ergo ille diceva a Amulek: Vole tu responder al demandas que io te facera?
Alma 11:22 e Amulek le diceva: Si, si illos essera in accordo con le Spirito del Senior que es in me, perque io non dicera nil que sia contrario al Spirito del Senior. E Zezrom le diceva: ecce hic sex ontis de argento, io te los dara si tu negara le existentia de un Esser Supreme.
Alma 11:23 Nunc Amulek le diceva: Oh tu, filio del inferno, perque me tenta tu? Non sape tu que le justes non cede a tal tentationes?
Alma 11:24 Crede tu que Deo non existe? Io te dice que tu sape que existe un Deo, ma tu ama le lucro plus de Deo.
Alma 11:25 e nunc tu me ha mentite, ante Deo. Tu me ha dicite: Ecce hic sex ontis, que son de grande valor, io te los dara; dum tu habeva intention de non dar me los; e tu unic desiderio esseva lo de facer me negar le Deo ver e vivente, pro poter haber motivo de destruer me. E nunc per iste grande mal tu habera tu recompensa.
Alma 11:26 E Zezrom le diceva: Esque tu dice que existe un Deo ver e vivente?
Alma 11:27 e Amulek diceva: Si, existe un Deo ver e vivente.
Alma 11:28 Nunc Zezrom diceva: Esque il existe plus de un Deo?
Alma 11:29 e Amulek respondeva: No.
Alma 11:30 Nunc Zezrom le diceva de nove: como sape tu iste cosas?
Alma 11:31 e Amulek diceva: Un angelo me los dava a cognoscer.
Alma 11:32 E Zezrom diceva de nove: qui es ille que debera venir? Es ille le Filio de Deo?
Alma 11:33 e Amulek le diceva: Si.
Alma 11:34 E Zezrom diceva de nove: Salvara ille su populo in su peccatos? e Amulek respondeva e le diceva: Io te dice que ille non lo facera, perque il es impossibile pro ille renegar su parola.
Alma 11:35 Nunc Zezrom diceva al populo: Rememora iste cosas; perque ille ha declarate que non existe plus de un sol Deo; ma ille dice que le Filio de Deo venira; ma que non salvara su populo, como si ille ha autoritate de commandar a Deo.
Alma 11:36 Nunc, Amulek le diceva de nove: tu ha mentite, perque tu dice que io ha parlate como habente autoritate de commandar a Deo perque io declarava que ille non salvara su populo in su peccatos.
Alma 11:37 E io te dice de nove que ille non pote salvar lo in su peccatos; perque ille non pote renegar su parola, e ille ha declarate que necun cosa impur pote hereditar le regno del celo; ergo, como potera vos esser salvate, a minus que vos heredita le regno del celo? ergo vos non potera esser salvate in vostre peccatos.
Alma 11:38 Nunc Zezrom le diceva de nove: Es le Filio de Deo le mesme Patre Eternal?
Alma 11:39 e Amulek le diceva: Si, ille es le mesme Patre Eternal del celo e del terra, e de tote le cosas que in illos existe; ille es le principio e le fin, le prime e le ultime;
Alma 11:40 E ille venira al mundo pro redimer su populo; e ille prendera supra Se le transgressiones de qui crede in su nomine; e son istes illes qui habera le vita eternal, e le salvation non venira a necun altere.
Alma 11:41 ergo le iniques permanera como si non habeva necun redemption, excepte que le ligamines del morte les essera disnodate; perque venira le jorno quando omnes resurgera del morte e illes essera ante Deo pro esser judicate secundo lor operas.
Alma 11:42 Nunc, existe un morte que on appella morte temporal; e le morte de Christo disnodara le ligamines de iste morte temporal, a fin que omnes potera resuscitar de iste morte temporal.
Alma 11:43 le spirito e le corpore essera reunite de nove in lor forma perfecte; le membros e le juncturas essera restituite a lor proprie forma, mesme como nos es nunc, in iste momento; e illes essera portate ante Deo, sapente como nos sape nunc; e nos habera un clar memoria de tote nostre culpas.
Alma 11:44 Nunc, iste restauration venira pro omnes, vetulos e juvenes, sclavos e liberes, masculos e feminas, iniques e justes; e non essera perdite ni un capillo de lor capite; ma omne cosa essera restituite a su forma perfecte como on trova nunc in le corpore, e illes essera portate e appellate in judicio ante le tribunal de Christo, le Filio, e Deo, le Patre, e del Spirito Sancte, que es un sol Eternal Deo, pro esser judicate secundo lor bon o lor mal operas.
Alma 11:45 Nunc, io vos ha parlate circa le morte del corpore mortal, e anque circa le resurrection del corpore mortal. Io vos dice que iste corpore mortal essera resuscitate in un corpore immortal, o in altere parolas, illo passara del morte, si, del prime morte, al vita, pro non plus morir; le spirito se reunira a su corpore pro non separar se plus; deveniente iste union spiritual e immortal, e illo non potera plus vider le corruption.
Alma 11:46 Nunc, quando Amulek habeva finite de dicer iste parolas le populo comenciava a esser de nove meraviliate, e anque Zezrom comenciava a tremer. E assi terminava le parolas de Amulek, o in altere parolas, isto es quanto io scribeva.
Capitulos:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63
Libros:
Intro 1Nephi 2Nephi Jacob Enos Jarom Omni Parolas Mosiah Alma Helaman 3Nephi 4Nephi Mormon Ether Moroni