Libro de Mormon - Alma - Capitulo 15
Alma e Amulek vade a Sidom e illes institue un ecclesia - Alma sana Zezrom, qui se uni al ecclesia - multos es baptisate e le ecclesia prospera - Alma e Amulek vade a Zarahemla. Circa 81 a.C.
Alma 15:1 E adveniva que a Alma e Amulek esseva commandate de sortir del citate; e illes assi faceva, e illes vadeva al pais de Sidom; e ibi illes trovava tote le populo que habeva fugite del pais de Amonihah o que habeva essite expellite e lapidate perque illes habeva credite in le parolas de Alma.
Alma 15:2 e Alma e Amulek narrava al populo toto lo que habeva occurrite a lor uxores e filios, e anque a illes proprie, e illes les parlava del poter que les habeva liberate.
Alma 15:3 E que in ultra Zezrom jaceva infirme a Sidom, con un febre ardente que esseva causate per le grandes tribulationes de su mente a causa de su perversitate, perque ille pensava que Alma e Amulek esseva mortos; e ille pensava que illes habeva essite occidite a causa de su iniquitates. E iste grande peccato e su multe altere peccatos angustiava su mente usque a devenir grandemente affligite, sin haber pausa; ergo ille suffreva de un febre ardente.
Alma 15:4 Nunc, quando ille audiva que Alma e Amulek esseva in le pais de Sidom, su corde comenciava a haber corage; e ille les mandava immediatemente un message, desiderante vider les.
Alma 15:5 E adveniva que illes vadeva immediatemente, obediente al message que ille les habeva mandate; e illes entrava in casa de Zezrom; e illes le trovava a lecto, malade e ille esseva assatis abattite con un febre ardente; e anque su mente esseva profundemente affligite a causa de su iniquitates; e quando ille les videva, ille extendeva su mano e les supplicava de sanar le.
Alma 15:6 E adveniva que Alma le diceva, prendente le per mano: Crede tu in le poter de Christo pro le salvation?
Alma 15:7 e ille respondeva dicente: Si, io crede a tote le parolas que tu ha inseniate.
Alma 15:8 E Alma diceva: Si tu crede in le redemption de Christo, tu pote esser sanate.
Alma 15:9 e ille diceva: Si, io crede secundo tu parolas.
Alma 15:10 E alora Alma clamava al Senior, e diceva; Oh Senior, nostre Deo, ha pietate de iste homine, e sana le, secundo su fide in Christo.
Alma 15:11 E quando Alma habeva dicite iste parolas, Zezrom saltava in pede e comenciava a camminar; e isto adveniva con grande meravilia de tote le populo; e assi se diffundeva le fama in tote le pais de Sidom.
Alma 15:12 E Alma baptizava Zezrom in le Senior; e desde celle tempore in avante ille comenciava a predicar al populo.
Alma 15:13 e Alma institueva un ecclesia in le pais de Sidom, e ille consecrava sacerdotes e maestros in le pais, pro baptisar in nomine del Senior quicunque desiderava esser baptisate.
Alma 15:14 E adveniva que illes esseva in multos; perque illes veniva de tote le region circumstante a Sidom pro esser baptisate.
Alma 15:15 Ma quanto al populo que stava in le pais de Amonihah, illo restava un populo de corde dur e de collo rigide: e illes non se repentiva de lor peccatos, e illes attribueva al diabolo le poter de Alma e de Amulek; perque illes esseva del confession de Nehor e illes non credeva in le penitentia de lor peccatos.
Alma 15:16 E Amulek habeva abandonate, per le parola de Deo, tote su auro, su argento e su cosas preciose, que lassava in le pais de Amonihah, habente ille essite repellite per illes qui habeva essite su amicos e anque per su patre e su parentes;
Alma 15:17 Ergo, post que Alma habeva instituite le ecclesia a Sidom, vidente ille un grande cambiamento, si, ille videva que le populo habeva mutate quanto al orgolio de su corde, illes habeva comenciate a humiliar se ante Deo e illes habeva comenciate a reunir se in su sanctuarios pro adorar Deo ante al altar, veliante e orante continuemente pro poter esser liberate de Satana, del morte e del destruction --
Alma 15:18 Nunc, como io diceva, habente Alma vidite tote iste cosas, ille prendeva dunque Amulek e le portava al pais de Zarahemla e Alma le conduceva a su casa, e le consolava in su tribulationes e le fortificava in le Senior.
Alma 15:19 E assi finiva le decime anno del regno del judices sur populo de Nephi.
Capitulos:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63
Libros:
Intro 1Nephi 2Nephi Jacob Enos Jarom Omni Parolas Mosiah Alma Helaman 3Nephi 4Nephi Mormon Ether Moroni