Johannes Capitulo 2
1 Tres dies depost, il habeva un nuptias in Cana de Galilea, e le matre de Jesus esseva ibi. 2 E Jesus etiam esseva invitate con su discipulos al nuptias. 3 E al mancar le vino, le matre de Jesus le diceva: Illes non ha plus vino. 4 E Jesus le diceva: Que vole tu que io face pro te donna? Ancora non ha arrivate mi hora. 5 Su matre diceva al servitores: Facite qualcunque cosa ille vos dicera. 6 E habeva ibi sex jarras de petra pro le aqua destinate al purification del Judeos, que contineva cata un duo o tres mensuras. 7 Jesus les diceva: Plena de aqua le jarras. E illes los plenava usque al orlo. 8 Postea les diceva: Nunc porta los al maestro de ceremonias. E illes los portava. 9 E quando le maestro de ceremonias gustava le aqua que habeva devenite vino e ille non lo sapeva (sed lo sapeva le servitores qui habeva versate le aqua), ille appellava le sposo, 10 E le diceva: Tote homine serve primo le vino melior; e quando totos ha bibite abundantemente, on porta le pejor; tu, in vice, ha conservate le vino melior usque nunc. 11 Jesus faceva iste prime miraculo in Cana de Galilea, e ille manifestava su gloria; e su discipulos credeva in ille. 12 Post isto, ille descendeva a Capernaum, ille, su matre, su fratres e su discipulos; e illes non restava ibi multe dies. 13 E le Pascha del Judeos esseva vicin, e Jesus ascendeva a Jerusalem. 14 E ille trovava in le templo illes qui vendeva boves e oves e columbas, e le cambiatores de moneta, sedite. 15 E ille faceva un flagello de cordas e expelleva tote illes foris del templo, oves e boves; e dispersava le moneta del cambiatores, e subverteva le tabulas; 16 e a qui vendeva le columbas, diceva: Porta via de hic iste cosas; non face del casa de mi Patre un casa de mercato. 17 E su discipulos se recordava del scriptura que dice: Le zelo de tu casa me consumeva. 18 Le Judeos alora le diceva: Qual signo nos monstra tu, vidite que tu face iste cosas? 19 Jesus les respondeva: Destrue iste templo, e in tres dies io lo facera resurger. 20 Alora le Judeos le diceva: In quaranta-sex annos esseva iste templo construite e tu lo facerea reconstruer in tres dies? 21 Ma ille parlava del templo de su corpore. 22 Quando dunque ille resurgeva del mortos, su discipulos se recordava que ille habeva dicite isto; e illes credeva al Scriptura e al parola que Jesus habeva dicite. 23 Dum ille esseva in Jerusalem al festa del Pascha, multes credeva in su nomine, al vider le miraculos que ille faceva. 24 Ma Jesus non se confideva de illes, perque les cognosceva totos, 25 e ille non habeva necessitate del testimonio de alicuno concernente le homine, perque ille ipse cognosceva lo que esseva intro le homine.
1 2 3 4 5 6 7 8 9 10 11 12 13 14 15 16 17 18 19 20 21
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev